¹ Nga amashiwi yakwe Amosi, uwali pakati pabembeshi abaku Tekoa, abo abene baku Isilaeli panshiku shakwa Usaya imfumu yaku Yuda, napanshi ku shakwe Jeloboami umwana wakwe Joashi imfumu yaku isilaeli, lomba pashala imyaka ibili ukudika icitulika. ² Naye ati, "Ba Yawe bakabuluma mu Sayoni; nekukabila neshiwi lyabo mu Yerusalemu. Lomba ifyembelelo fyabembeshi fikalukulila; napo peulu pa kameli pakoma." ³ Ba Yawe balukulabila ati: "Pakuti pakushilulula kwaku Damashiko, kutatu, ekuhe, tekuti nkalule umulandu wakuko, oakuti balukulupula Gilyadi kimilupulo yamfitwe. ⁴ Sombi nkatuma umulilo mu ng'anda yakwe Kasayeli, eli ukatulya ututanino twakwe Bebadadi. ⁵ Kabili nkatoba umupindilo wa ku Damashiko nekupinika injikale ukuifumya mumukolo wa Afeni, na oyo uwikwte akasako kabufumu ukumufumya ku ng'anda ya Edeni. Lomba abaantu ba ku Silya kaya kulibukali kucili, "efilukulabila ba Yawe. ⁶ Ba Yawe balukulabilefi ati: "pakuti pakushilulula kwaku Gasa kutatu ekune, tekuti nkalule umulandu wakuko, pakuti bali batapile abantu bonse lukosa ati nibakaili, nekubaposa ku edomi. ⁷ Sombi nkatuma umulilo kwilunga ilyaku Gasa, lomba ukatulya ututanino twakuko. ⁸ Kabili nkapinika injikale ukuifunya mu Ashidodi naoyo ukwikete akasako kabufumu ukumufumya Ashikelono. Loma nkalula ukuboko kwandi mukulwa na Ecilono, nabo abakushalapo ba Filishiti bakonalwa efilukulabila bashikulu Yawe." ⁹ Ba Yawe balukulabile fi ati; "pakuti pakushilulula kwaku Tulo kutatu ekune, tekuti nkalule emulandu wakuko, pakuti balibaposele abantu bonse lukoso ku Edomi, nekubulo kwabwana bwankashi." ¹⁰ Sombi nkatuma umulilo kwilinga lyaku Tulo, lomba ukatulya ututano twakuko." ¹¹ Ba Yawe balukulabila fi ati, "pakuti pakushilulula kwaku Edomi kutatu ekune tekuti nkaalule umulandu wakuko, pakuti atimutamfishe umukwabo kumpoko nekuposa lukoso unkumbu shonse nebukali bwakwe nekulukwamuna, naye nekulukulama ukukalipa kwakwe impindi yonse. ¹² Sombi nkatuma umulilo pa Temani, Lomba ukatulya ututanino utwaku Boshila." ¹³ Ba Yawe balukulabila fi ati, "pakushilulula kwabana bakwe Amono, "kututa ekune, tekyte nkaalule umulandu wakuko, pakuti balitimbwile abanakashi abali nemapaka abaku Gilyadi, ati ngabakushi umupaka wabo. ¹⁴ Sombi nkambusha umulilo kwili nga lyakulababe, Lomba ukatulya ututano twakuko nengwele pakasuba kakulwa, nekutukala pakasuba kakapupulwa. ¹⁵ Apo pene imfum ikaya kuli bakuili, yo nefileme fyaiyo pamo; efilukulabila ba Yawe.