¹ Paulo, Siluvela, na Timoti, kwikelesha lya Tesalonika muli ba Lesa ba Wishifwe na ba Shikulu Yesu Klistu. ² Uluse lube namwebo ne mutende ukufuma kuli ba Lesa bawishifwe bashikulu Yesu Klistu. ³ Lyonse tulingile ukutota ba Lesa pali mwebo, mwebakwasu. Pakuti ichi chilingile, pakuti ulucetekelo lulukukula libili libili, ne butemwe kuli mwebonse kuli umo na mubye kulukutwalilila. ⁴ Lomba fwebo fwebene tulabila nematangalo pali mwebo kuma kelesha yaba Lesa. Tulabila pa muteka tima ne ulucetekelo mufyakuchushiwa fyenu, tulabila pa makatasho ayo mushikisha. ⁵ Ichi echishibilo cha bupingushi bwa ba Lersa ubulungeme ichikaumamo chakuba ati mukalangulukwa abalingilwe ubufumu bwa ba Lesa pafi mwachulile. ⁶ Chilungeme pakuti ba Lesa babwesesha amakatasho kuli abo abamikatasha, ⁷ ne kubweshamo ukutusha kuli mwebo mwebakatashiwe nafwebo. Akachita ifi pakuboneka kwa ba shikulu ifwe Yesu mwiulu ne nkalamba yamakosa yakwe. ⁸ Mu mulilo uuleaka akapela ichilandushi kuli abo abeteshipo lesa na babo aba tasukapo ku cebo cha bashikulu Yesu. ⁹ Bakapanikwa ne bonaushi bwamuyayaya pakufuma chinso chaba Shikulu ne buleme bwa makosa abo. ¹⁰ Akachita ifi ulu akwisa pa kasuba akakulemekwa kubantu bakwe ne kupapa kuli babo abasumine na bumboni bwesu kuli mwebo bwali cetekelwe. ¹¹ Napali ifyo tuletwalilila ukumitembelela mwebo., tuletembela kuli ba Lesa kuti bakumulanguluka abalingile kubwite bwenu tuletembela ukweba ati akafikilisha ifyakufwaisha ifiweme ne micitile ya lucetekelo ne makosa. ¹² Tuletembe pali ifi fintu pakuti ishina lyaba shikuluYesu lingalemiwa kuli mwebo, tuletembela ukweba ati mwingalemiwa kuli bo, pluse lyaba Lesa na bashikulu Yesu Klistu.