¹ Eli abo abali basha abapatikilwe ikolo ngabalibebele kuli banshikulu babo ati belelwe ubuleme bonse. Balyelelwe ukucitafi pakwebati inshina ba Lesa nebusambishi fingacobolwa. ² Abasha abakwete abakulu abacetekele talingile ukukana bacindika pakuti abana bankashi. Pakuti abofyeleshewe pamilimo yabo bacetekele kabili temucilwe . Sambilishe nekucitaa ifi fintu. ³ Kani umuntu asambisha ifintu ifi tofwanikile ukupitila mukufwaya kwaba Klistu banshikulu ba Klistu Yesu nokusambisha ukwabu Lesa, ⁴ ali ne kulitota nekubula ukufwa. Ali nefitala ifileta ulupato umupatikisha, amataki wakucita ifibipile., ⁵ balilufishe bucine nekulanguluka ati muli baLesa inshila ya ku kwatilamo amaboni ayangi. ⁶ Bulesa ubukwete ifiweme bunonshi ubukulu, ⁷ tatuletelepo ifintu pa calo, kabili tatukasendapo akatu neli kamo. ⁸ Palifyefyo, ngatukwate lukoso ifyakulya nefyakufwala. ⁹ Sombi abafwaya amaboni balaponenwa nefwakweshiwa nefiteyo. Nekuponena ifibipile fyabantu nelukumbwa nekulenga bantu ukonalwa. ¹⁰ Ukutemwa amaboni emushi wakutwala ku kubifya konse. Abantu abashifwaisha shilabafumya kulucetekelo kabili bali lashilwe nefyakukatasha ifingi. ¹¹ Sombi we, wemuntu waba Lesa, fumako kuli ifi fintu kakatila kubulungami, bulesa, ukucetekelwa, ukutemwa, umutekatima, nekulicefya. ¹² Lweni ulubo uluweme ulwakucetekela. Akatisheni ifyamweo wamuyaya ifimwaitilweko, uko mwasumine pamenso ya mboni inshingi. ¹³ Nalimupeleni ili funde pa menso yaba Lesa, uulengesha ifintu fyonse ukuba fyamweo, napali ba Klistu Yesu, uwalabile cine kuli Potashi Pilato. ¹⁴ Sungeni funde ukwakubula akasemba neli kwebaulwa ukufika kukuboneka kwa ba Shikulu Yesu klistu. ¹⁵ Lesa bakafisulula ukuboneka kwa kwa Klistu pa pindi yelelwe-Lesa, uushukile kabili uwelelwa, imfumu ilikuteka, ba Shikulu abeletangilila. ¹⁶ Ye alikwete umubili uwakubula ukubola kabili alekala kucifulo ukuli ulubuto ulu tekuti mwingilemo. Tapalipo umuntu umubona kabili tapalipo ukulangisha kuli ye kube umucinshi nemakosa aya muyayaya. Ameni. ¹⁷ Abeni ababile mu calo ubule ukulitota, ukushitilila pa maboni, ifyo fyalukoso. Sombi, bashitilila muli ba Lesa. Balatupela amaboni aya cine aya ku sangalalimo aya cine. ¹⁸ Bebeni ukuchita, bakalama no kubika umutulwa uweme pafintu ifilukwisa ukweba ati bakekale amekalile ayaweme. ¹⁹ Napali fye fyo bakalibatila abene umufula uuweme, kuli fyefyo ifikesa, pa kwebati bangekatisha umweo wacine. ²⁰ Timoti chingilila ifyo wapelwe, kana ukulabila kwa bufi nemalangulushi ayakutalikashanya amano ayabufi. ²¹ Sombi kuli abantu abalalbila ifi fintu nangabefyo tabakwetepo ulucetekelo. Ikumbu nga shibe nenu.