¹ Efyefi Icakutampilapo, ndukupapata ukulomba, amapepo, amapepo, akupepa, ne ne kupela ifya kutoota naficoitwe ku bantu bonse, ² kuli ba shamfumu na kuli babo abatekeshi, ukweba ati ngatwikale aba mutende ne bwikashi ubutontwele muli ba Lesa ne buleme. ³ Ici eciweme eli ne kupokelelwa kuli ba Lesa aba kupulusha kwesu. ⁴ Ali langulukile abantu bonse ukweba ati bapuluke ku kwisa kwa kwishibilamo icine. ⁵ Pakuti kuli Yesu Lesa umo, kabili ku uwakwikatanya pali Lesa ne muntu, umuntu Kilisitu Yesu. ⁶ Ali lipeleshe umwine buli lambo kuli bonse, koti ni bumboni pa mpindi iilungeme. ⁷ Pali uyu umulandu, nebo ne mwine, nali lengelwe ukukosa nakambi uwakushimika. Ndelabila ifyacine. Nshilekubepapo. Ndimu sambishi kuba ku calo mu luketekelo numu cine. ⁸ Efifyo, ndefwaya abalalume bonse mu ncende monse ukutembela nekulu kwimya amaboko aaswetele ukwakubula ubukali neli uku talikana. ⁹ Koti nifyefyo, ndefwaya abana kashi ukufwala ukuweme, muku nakilila nekuli kanya. Tabalingile ukuba nemishishi iya kuposa neli fyaku ikobaika, neli ni nsalu sha mutengo. ¹⁰ Ndukufwaya bo ukufwala ifyelelwe ku banakashi abakonkelela ubwina Lesa mu mibombele iiweme. ¹¹ Umwanakashi alyelelwe ukusambilisha muku kutumana muku kulipeela. ¹² Nshilu kusuminishapo umwanakashi uku sambilisha neli uku tangilila umwalalume, sombi ukwikala muku kutumana. ¹³ Pakuti Adamu alilengelwe pakutanga, eli ne Efa. ¹⁴ Adamu tabepelwepo, sombi umwanakashi ewabepelwe nekuba uwaku pulaisha. ¹⁵ Nangu cibefyo aka pulukila muku fyala abana, kani ba twalilila mu luketekelo na mu kutemwa na mu kusweshiwa mu kalango akaweme.