¹ Ulo ifimfunganya fyapwile, Paulo kaita abasambi nakabili kabacincisha, kabalaya kaya nokuya ku Mesonia. ² Ulo apitilemo muli mfiya fyalo no kulabila amashiwi yakucincisha kuli bo, kaisa ku Greece. ³ Elo aikeleko imyenshi itatu ipange lyakumimina kalitampa naba Yuda ninshi kali mukwa bukila ku Syria, kanshi kabwelelamo ukupita mumesodonia. ⁴ Abaile nakwe mpaka ku Esha bali ni Sopata umwana waku Pyrrhus kufuma ku Berea; Aristarchus na Secundus, bobilo kufuma kuba chetekela baku Tesalonika; Geyas uwa ku Derbbe, Timoti, na Tichicus na torophimus ukufuma ku Esha. ⁵ Nomba mba bantu kabatutangilile kabili kabalo kutulinda mu Troas. ⁶ Katu fumako ku Philippi ulo inshiku sha mufuba utatutumukapo na mu nshiku shisaano katwisa kuli bo mu Troas. Kulya katwikalako inshiku cine lubali. ⁷ Pabushiku bwakutampa umulungu, ulu twabungene bonse ku kwa bana umufuba, Paulo kalabila kuba Sumina. Alikupinga ukuya ubushiku bwa konkapo nomba ka twalilila imbila yakwe panka pakati ka bushiku. ⁸ Mwali bakoloboilo abengi mucipinda ca peulu umo twaishile pamo. ⁹ Pa nsolokoto kaekele umulumbwana ukoitwa Euticus, ngo uwaponene mutulo twakuti. Ulo paulo atantalishe ukulabila, ngu umulu mbwana acili alilele kapona panshi ukufuma pacipinda ca butatu no kumutwola ufwile. ¹⁰ Elo Paulo aile, panshi, kaita mbalika pali Ye nokumukumbatila. Eli alabile. ''Musakamanapo nakabili, pantu ye ali no bumi.'' ¹¹ Elu aile pafipinda fya peulu no kwabanya umufuba nokulya. ¹² Elo alabile panshita ntali mpaka kumacha, kaaya. Kababwesha umulumendo umutuntulu elo kabatalalikwa apakulu. ¹³ Fwe fwenka katutangilile Paulo no bwato katuya ku Assos, uko twapingile, ukutwala Paulo ku calo. Imfi efi umwine alikufwaya ukucita, pantu apingile ukuya ulwendo lwapashi pamulundu. ¹⁴ Ulu atukumenye pa Assos, katumutwala ku bwato no kuya ku mitelene. ¹⁵ Nomba katufumako nkulya no kufika akasuba kakonkelepo kulubali lunakwe ulwa cishi ca Chios. Akasuba kakonkelepo katwikata pacishi ca Samos, na kasuba ka konkelepo katwisa ku musumba wa Miletus. ¹⁶ Ulu Paulo apangile ukuya ukupita mu Epheso, pakuti eka posapo inshita ili yonse mu Asia; Pakuti ali kubutukila ukuba mu Yerusalemu pabushiku bwa pentecost, kati cingalinga ye ukucita inci. ¹⁷ Ukufuma ku Miletus katuma abantu ku Epheso nokwita kuliye abakulu ba basumina. ¹⁸ Ulo baishile kuli ye, kalabila kuli bo, ''Mwe mwenka mwalishiba, ukufuma penka pa bushiku nanya ntile ulukasa mu Asia, ifi lyonse naposele inshita namwe. ¹⁹ Nshalekelepo ukubombela imfumu mu kuicefya kwandi ne minsoshi, namu fyakwesha ifyancitikile pamulandu waku Njimina kuba Yuda. ²⁰ Mwalishiba ifyo ntai bwelelemo mu kweba mwe fyonse mfilya ifyali no mulimo, nefi namisambilishe palwalala no kufuma inanda ne nanda, ²¹ Ukulabila kuli bobilo aba Yuda na ba Giliki palwa kulapila ukulola kuli Lesa ne citekelo mu Mfumu Yesu. ²² Nomba boneni, inkoya ku Yerusalemu, pakwebwa no mupashi, ukukana ishibapo ifi nokuncitikila inkulya, ²³ Pakuti umupashi ukolabila bwaka kuline mu misumba monse ati iminyololo nefya kupakasa fikololela nebo. ²⁴ Nomba, shibonapo ubumi bwandi ukucindama ukucila nemwine, kati ningapwisha ndu ulubilo no kupwisha bukabomba mbu napokelele uku tula ku mfumu Yesu, ukushimika imbila ya pankumbu sha ku Lesa. ²⁵ Nomba boneni, ndishibile ati mwe bonse, pali mbo naile nkoshimikila pa lwa bufumu, tamwakabonepo icinso candi nakambi. ²⁶ Kanshi nashimika mfi kulimwe lelo, nati ndiwakaele kumulopa wamuntu onse. ²⁷ Pantu nshaibwelemo mukweba mwe fyonse mfulya ifya bu fwayo bwa ku Lesa. ²⁸ Kanshi beni abacenjele pa lwenu, na pa mukuni onse ngo umupashi washila asontele mwe ba kangalila, mukaposeko amano ukucema abasumina baku Lesa, mbo ashitile no mulopa wakwe. ²⁹ Ndishibile ati anaya bwaka, imimbulu ikateshe yakwisa mweka muli mwe no mukuni tawakapusukepo. ³⁰ Ndishibile ati ukufuma bamuli mweka mwe mwakwima abantu nokulabila amashiwi aakufupula pakuti bakafumye abasambi pali mwe. ³¹ Kanshi mulokwibukile. Ibulisheni ati pa myaka itatu nshalekepo ukusosha umo umo, ubushiku nakasuba mumisonshi. ³² Nomba na mupa kuli Lesa na kucebo ca kumbu shakwe, inco icinga kuula mwe no kumupa bu mpyani pali mbo bonse abako sangululwa. ³³ Inshaibilepo nangu umo umuntu Silifa golide, nangu cakufwala. ³⁴ Mwe mwebene mwalishiba ati iyi minwe yalibombele ifya kukabila fyandi ne fyakukabila fya mbo abali na ne. ³⁵ Mufintu fyonse nali mupele icakubwe nako mufyo mungafwako abatompokele. mukubomba, na mufyo mungebukisha amashiwi alabile; ''cali wamapo ukupa ukucila kupelwa.'' ³⁶ Ulu alabile mulinji nshila, kafukama panshi no kupepa nabo bonse. Kwali ukulila ukukulu nokukumbatila Paulo no ku mutomona. ³⁷ Abengi kabali ne cikonko pafyo alabile ati taba kamonepo icinso cakwe nkabili. ³⁸ Elo ba mushikishe kubwato.