^{1 2 3} Bushe kansi tukotipo syani? Bushe tupitilinzye kwikala munvibi, pakuti cikuuku cakwa leza cikulileka? ⁴ Mu lubatishyo mwamena , twalifwa nekuzyukuka nakwe pamo, epamo nga eviyave Kristu abuka ku maka aku wisi , akupapa, Evwo nafwe twenda ne moyo wa muyayaya. ⁵ Epo twaikatana na kristu mukufwa nakwe, kansi tukoza kwikotana nawe, muzyukuka kwakwe. ⁶ Twaliziba kuti bumuntu bwakale bwatanikwe na Yesu pa capindama . ⁷ Pantu muntu nga afwa , ninsi wapusuka ku bunzya bwa lubembu. ⁸ Nga twafwa pamo na kristu , twalizumila kuti kansi na fwe tukozakuba ba moya pamo na Kristu. ⁹ Twaliziba kuti Kristu ali buuka bu bafwa , taze kufwa nakambi. Imfwa tayaize ku kwata maka pali wamene. ¹⁰ Luntu afwile , afwilile pa bubi, afwave munku umo calipwa. Nomba aba nemoyo, ni Leza eo abelapo ne Moyo . ¹¹ Muzila imo- naimo evyo namwe mukobona kuti mwalifwa ku lubali wa lubembu, nomba mu koya mukwikala ba moyo kuli Leza pakuba pamo na Kristu Yesu. ¹² Kansi mwinya mukuleka bubi bokuteeka mibili yenu yiina kufwa nakambi mwiya muku nkokelenzya lukumbwa lubi lwa mubili yenu. ¹³ Mwiya mukweks cilundwa nanyu cimo ca mubili wenu kuya mukubifya , vicita vibombelo vwaviibi. nkono mokuitula kuli Leza. Mokwibona nga bantu Leza abushya ku bafwa neku bapela moyo. kansdi mokutula vilundwa vyonse vyu mibili yenu vibe vibombela mvya kucitilako vyonse vyo Leza afwaya . ¹⁴ Kansi mwebo tamwaize kutekwako nebubifi tamuteekwa na mafunde yaku Mose yayi, koma cikuuku cakwa Leza ecimuteeka. ¹⁵ Bushe kansi tukolanda shyani? Bushe nivi tutateekwa na mafunde yaku Mose, tuteekwa ne cikuuku caku leza, bushe eco tubifi zya? yayi cakaana. ¹⁶ Mwazibakuti nga mwazumils kubombela muntu umo nge mnzya , ninsi muli banzya baku woyo muntu moku uvwila. Kuti mwaumvila bubi bukoza ku mutwala ku mfwa , nangu mwaumvilo leza cikoza kulenga kuti mucite ivwo leza afwaya. ¹⁷ Nomba ndatotela Leza! pantu mwali banzya balubembu , nomba mukaunvyila ne mitima yenu yonse kuli vyonse vyo twamufunda. ¹⁸ Kansi nomba mwalilubakwa ku viibi, nomba muli banzya bakucita inva Leza afwaaya. ¹⁹ Kansi nomba nkolanda maziwi ya buntunse, pantu kuli bumuntu bwenu mulive banaka kale mwapele kucita vyabupulumsi ne vibi vyali mukuya viko vwulilakove . Kansi envyove nomba zumileni bonse nga banzya bakucita invyo Leza afwaya , pakuti mube bamunsilo. ²⁰ Luntu mwali banzya bavubi , tamwali mu kusakamana kucita inva Leza afwaya. ²¹ Vindo mwalimuku bonamo mukucita vyo vintu vyonse vikomuletela nsoni nomba? vw vyo vintu vitwalave ku mfwa! ²² Nomba mwalipusuka ku vilubo, muli bamzya bakwa Leza . Nomba mwashukila kuyituula onse kuli Leza ne kushukila moyo wamuya - yaya. ²³ Pantu cilambu ca lubembu ni mfwa nomba bupe bwakwa Leza , boke moyo wamuya-yaya woyo tushukila muli Yesu Kristu mfumu Yesu.