¹ Paulo,mubonvi wakwa yesu kristu aitilwe kuba mutumwa elo nakambi kuti apatulweko pa mulandu ne mbila isuma yakwa leza . ² Uyo alaile ukupitila muli bakasesema bakwe mu vilembo vyamusilo. ³ Palwa mwana wakwe uwaizile.kuba wamu cikolwe davidi kuli bumubili. ⁴ Nomba kulingana ne mupasi wa musilo yesu alangilwe ne maka ya bumwana leza pamulandu ne kubuka kubafwa,yesu kristu sukulu wesu. ⁵ Muli wameno twalipokelela sukulu cakwe na bumutumwa pamulandu ne canvwila leza cacicetekelo pakuba ntungulushi kubena vyalo. ⁶ Kasi namwebo, mwalitwa kufuma muvyalo pakuti namwebo mube kumbali yakwa yesu kristu. ⁷ Kuli bonse mu Roma vibuza vyesu muli leza elo nakambi betwa bantu bakwa leza bamusilo:mutende ne cikuku vifuna kuli leza tata wesu ne yesu kristu sukulu wesu vibe na mwebo. ⁸ Intanzi,nkotasha leza wanji kupitila muli yesu kilisitu kuli mwebo bonse,pantu cicetekelo cena cikosimikwa mwi sonde lyonseve. ⁹ Pantu nebo leza ekamboni wanji,uo mbombela mumupasi wanji imbila isuma yamwana wakwe,ivyo nakankanyapo kumulumbula. ¹⁰ Nebo lyonsele ndanulombelako kweba ati,munzila zyonse kweba ati pakulekelezya ize nkwanishe kubwela kuli mwebo nakambi.. ¹¹ Pantu nkofwaisha kubonena nemwebo ,pakuti mupele vyabupe vyamipasi,pakuti mukoselele. ¹² Ceci cakweba ati,nkofwaisha kukoselezi wa pakati kenu,kupitila mucicetekelocaku cina umo umo,icenu elo ne canji ¹³ Nomba sikofwaya mwebo kukana kwiziba,mweba muminanekweba ati linjiline ndafwaisha kwiza kuli mwebo (nomba balencingilizya mpaka papa nomba).pakweba ati nkwateko visabo kufuma muli mwebo ngevyo nakwete kufuma kuba ntu bambi bena vyalo. ¹⁴ Ndi wa nkongole kuli bonse kuba Giliki ne bene vyalo,bonse kuma mano elo naku bambula Mano. ¹⁵ Pantu nebo ndi waipekanya kusimika imbila isuma kuli mwebo mwebekazi bamu Rome ¹⁶ Pantu nebo nsili ne nsoni zya mbila isama,pantu e maka yakwa leza yakupususizya mo ali onse wacetekela,kwambila ba Yunda elo neba Giliki. ¹⁷ Pantu mumbila isuma emukosokolokela bulungami bwakwa leza kufuma kucice tekelo cimo kuya kuli ci mbi,ngevyo cale mbwa ati,''balungami bakoza kwikalila kucicetekelo'' ¹⁸ Pantu bukali bwakwa leza bwalisokololwa kufuma mumulu kwiza pali bonse bacita vibi elo ne batalungana pamulandu wakukana kukwata bwulungani tabakwata cisinka. ¹⁹ Ceci nipamulandu wakuti vyaizibikwa pali leza vintu ivyo babona bene.pantu leza alisanikile lubuto. ²⁰ Kufumave kukwamba kwa calo,maka yakwa leza,mibele yakwe,yaliboneka kupitila muvintu ivyo abumba.cikopilibula kweba ati tapali cibepezyo. ²¹ Ceci nipamulandu wakweba ati,nangu balizibile palwa kwa leza,tebalemulumbanga leza,nangu kumupela matotelo.Bena,baleto ntokanya vyabu wele wele ne mitima yabo yalifitile fitit. ²² Bena balebona kwati balikwete mano,kasi awe tabakwete mano. ²³ Basangwile bukata bwakwa leza bapazyana cipazyo ca muntu,cipazyo ca vyuni,cipazyo ca vinama,elo ne cipazyo ca vikulauka pansi . ²⁴ Pamulande waku ceci leza alengele mitima yabo kukwata lunkumbwa lwavintu vyakowela,pakuti mibili zyabo zisaluke pakati kabo. ²⁵ Nibave baonawile cisinka cakwa leza babikapo vyabufi elo nakambi ebabomele ne kupepa cibumbwa bavilwa kupepa wabumbile cibumbw,wapalwa muyayaya.Ameni. ²⁶ Pamlandu waku ceci,leza abalengele kuba balunkumbwa iwabipa,cakweba ati banatazi babo ba alwile ivyo baba vyabwanakazi kuipanga kwati tali banakazi. ²⁷ Munzila imo ine,banalume babo nabo balekele ne kusha mibele yabwa nalume lyakuti bengopa banakazi lelo balekumbwa banalume banabo.Baba bali banalume batampile kucita vyamusefu neba nalume banabo elo ne kupokelela cilambu ico balingilwe. ²⁸ Elo tulingana nevyo bailangile ngebataizi ba leza,Abalengele mano yabo konaulwa,pakuti bukucita vintu vyalubana. ²⁹ Balwilemo mitima yabo nevintu vitalungama ,vyabubifi, vyalunkumbwa,elo ne vyabipa.Baiwilemo ne muvimbila,kwipayana,kushipana mufulo ne lwambo , ³⁰ Bakabepa bapata leza bavilumba,bamataki,basangula cina bushiku nzila zyakupanga vibi,tabomvwila bavyazi. ³¹ Tabatontonya vyamano,tabakwata cicetekelo,baba ne mitima ibi elo taba kwata luce. ³² Baliziba ati leza,alilanda ati bacita vevi vintu bafwaikileve kufwa,Nomba bene balitwalilila kuvicita elo balakosele zyako na banabo kuvicita .