¹ Asosele kuli bamene,''cine cine nkomweba,bambi pa;li mwebo bemilile papa batakafwe elo trabala bona bufumu bwakwe lesa kwiza nevizo'', ² Elo papitile nsiku 6,yesu apitile petelo na yakobo na yohane aile nabo pamulu wa lupili,elo abasile beka.Elo yesu aalukile. ³ Vwakunwala vyakwe vwalibutile tutu,ukucila evyo cinono cili conse cingabushe. ⁴ Elo Elija na Mose babwenekele kuli bamene,elo bali mukusosa nakwe yesu. ⁵ Petelo aasukule nokusosa kuli yesu,''kasambilizya, cawama fwebo kwikalo kokuno,tupange misakuti itatu,umo wenu,umo Mose,naumo Elijah.'' ⁶ (Pantu taizibile taizibile vwakusosa,pantu balitinile sana.) ⁷ Kumbi lyaizile kubavimbilizya.Elo ziwi lyafumile mwi kumbi,''Ngu mwana wanji.mumvwileni.'' ⁸ Bwanguve,baloleshe mumbali,tababwenepo muntu eo balinakwe,kanove yesu eka. ⁹ Elo bali mukutentemuka lupili abakonkomezye ati mwiebako nangu bamo evyo mwabona mpakave elo mwana wa muntu akoza kubuka ku bafwa. ¹⁰ Evyo basungile celi cipope,nomba balimukwisosha benebeka ''ati kubuka kubafwa''kuti capilibulando. ¹¹ Bali kuli banene ''nindo bakalemba basosela ati Elijah alingile kubalilapo kwiza?'' ¹² Alandile kuli banene, ''Elijah alingile kwizabwangu mukuwamya vintu.Nindo nomba caumbelwa ati umwana wa muntu afwile kucula vintu vinji nekumu susha? ¹³ Nomba nasosa ati Elijah aliizile,nekumucita evyo bali mukufwaya bali mucitile,ngevyo calembelwe pali wamene.'' ¹⁴ Elyo baizile kubasambi,ba bwene cintibwinji clibazungulukile,nabakalemba balimukatalikana nabo. ¹⁵ Elyo babwene yesu,cintubwinji calisungukile elo bali mukubutikila eko ali nekumuposha mutende. ¹⁶ Evyo yesu afumbile basambi bakwe,vindo mukotalikana nabo?'' ¹⁷ Umu muntu mucintubwinji amwasukile,''vindo kasambilizya, ndetele mwana wanji mwanallume kuli mwebo.Akwete cimupashi cikomukanya ukusosa. ¹⁸ Cimuvupula pansi namalenda alafuma kukanwa,nekusumanya meno,nekuma.Njebele basambi bobe kufumya oyu mupashi nomba balivililwe.'' ¹⁹ Evyo abasukile,''mwe nkulo isha cetekela,bushe mfwile kwikala nenu nsita itali shani?Bushe mikuinga iyo nkozamukubelelako cifundo?muleteni kokuno.'' ²⁰ Evyo baletele mwana mwana lune kuli yesu.Elo cimupashi cabwene yesu,evyo camuponyezye pansi. umulumendo aponele pansi naku kanwa kwafuma na malenda. ²¹ Yesu afumbile bawisi ba mwana ''bushe aba uwalwala vevi pansita itali shani?''Bawisi basasele ,ati ''ukufuma kubwaice. ²² Cilamuponya mu mulilo nangu mu menzi cilafwaya ne kumwaipaya .Ngawinga citapo cili conse,tubelele cifundo utwavweko noku twavwa.'' ²³ Yesu asosele kuli bamene,''Nga wingacita po cimo?vintu vili vyonse kuti vyacitika kuwa tetekela.'' ²⁴ Bawisi bamwana mwanalume walwala balilile ne kusosa ati, Nacetekela !avweni ukukana tetekela kwanji!'' ²⁵ Elo yesu abwene chitubwunji cikobutukila kuli bamene,akalipile muapashi wakowela nekusosa ati,''webo we muoashi wabu cibulu ne bunkoma nakukalipila,nekusosa ati fumano muli oyu mwana, wiizamo nakambi awe.'' ²⁶ Alilile nekupumaula mubili wakwe sana elo cimupasi cafumilemo. ²⁷ Elo abwenekele kwati alifwile, elo cintu bwinji casosele ati;''Alifwile.'' Nomba yesu amwikete pa kuboko ne kumwimya,ne mwana evyo aimilile. ²⁸ Elo yesu ainjile mu ng'anda basambi bakwe bamufumbile mucimfisolo,''cindo tatufumizye ngulu?. ²⁹ Asosele kuli banene,yeyi ngulu teti ifume kamove kwi pepo.'' ³⁰ Evyo bafumile uko bali nekupita mu Galileya.Tali mukufwaya bantu bezibe uko bali. ³¹ Pantu ali mukufunda basambi bakwe.Asosele kuli bamene,''Mwana wamuntu akoza kupelwa kuminwe ya bantu bakoza kumwipaya nokumwipaya.Oanuma yakumwipaya,akpza kubuka nga papita nsiku zi tatu.'' ³² Nomba tabaumvwilishe yayi, makambi bali nemwezo kumufunda. ³³ Ezyo baile ku kapenaumu.Elo ainjile mu ng'anda ne kubafumba,vindo mwali mukonzyana munzila? ³⁴ Lelo tabamwasukile.Pantu banguya mukumana umo nemunakwe pa mulandu wakufwaya kwiziba mukulu ninani. ³⁵ Elo baikele pansi,aitile basambi bakwe nekubeba ati,''umo ngaakofwaya kuba mukulu afwile kuba mwaice pali bonse ne muzya kuli bonse. ³⁶ Evyo abulile mwana munini nekubika pakati. Amubikile pamabeya evyo asosele kubasambi bakwe, ³⁷ ''Uli onse wapokelela umwana mwaice mwizina lyanji ninsi apokele nebo;uli onse wapokelela nebo ninsi tapokelele nebo,ninsi apokelela wantumile.'' ³⁸ Yohane asosele kuli yesu,''kafundishe,twangubona muntu akofumya ngulu mwizina lyobe nomba twangumulesha,pantu tatukonka.'' ³⁹ Lelo yesu asosele ati,,''Mwimukanuya,pantu tapali muntu wingabomba vintu vikulu mwizina lyanji nakambi asosa vibi pali nebo. ⁴⁰ Muntu uli onse utakotalikana nafwebo ninsi muntu wesu. ⁴¹ Uli onse wakupela inwino ya menzi yakunwa mwizina lyanji pantu uli muntu wanji cine cine nasosa nati takaluze cilambu cakwe. ⁴² Uli onse wingalenga bana banini bacetekela muli nebo kubembuka,cawamishapo eno kumukakila nebwe mu mukosi nekumupoza muli bemba. ⁴³ Ngacakwebati kuboko kobe kulalenga webo kubembuka,kuputuleko.cawamishapo ukwingila mumusumba wakwa leza ne kuboko kumo kumo kucila kuba namaboko yabili nekuya kumbo.kumulilo,utazima. ⁴⁴ Uko minyololo taifwa,ne mulilo tauzima. ⁴⁵ Nga kulu kobe kulalengeshe webo kubembuka, kuputule.cawamapo kwinjila mu bufumu bwa mu mumulu cilema kula kuba nemolu yabili nekupozwa mu mulilo. ⁴⁶ Uko minyolol taifwa,ne mulilo tauzima. ⁴⁷ Nga iliso lyobe lilalengeshe webo kubembuka, kuli lobolamo.cawamishapo iwe kwinjila mu bufumu bwa mumulu ne liso ukucila ne menso yabili waya ku mulilo,wamuyaya, ⁴⁸ Uko minyololo taifwa,ne mulilo yauzima. ⁴⁹ Pantu muntu onse kwena akaba ne mu cele wa mulilo. ⁵⁰ Mucele wawama,nomba mucele bumucele ngabwapwa,kuti mwabubwezya shani?kwateni mucele,nakambi kwateni mutende kuli umo ne munakwe.