¹ Nomba elo baizile ku Yerusalemu , balipalimine ku Bethphange neku Bethany pa lupili lwa maolive, elo Yesu atumile basambi balwe babili. ² Ne kubeba ati, ''kabiye kumuzi kumbali imbi. Ngamwaingilave mumuzi olya ,ukoya kusangs punda uo tabaenzyapo mumukakule mumulete kuli nebo. ³ Nga cakweba ati pakoba bakoya kumwipusha ati, ''Nindo mukocitila enyo?'' mukalande ati, ''ba sukulu ebakoifwaya bakoti babwezye nombaye.'' ⁴ Elo baile basangile punda wakwakilwa ku cisasa mumuzi, elo mukakwile. ⁵ Kwali baimilile mupepi ne punda elo babe pusizye ati , ''vindo vevyo mukocita kuli punda?'' ⁶ Elo balandile ivyo Yesu abebela , elo baba lekele kuti basende punda. ⁷ Baletele punda kuli Yesu elo nekubula nsaluzyabo babikile panuma yu punda , elo yesu aninilepo. ⁸ Elo cintubwinji catampile kwanizika nsaluzyabo mu nzila , elo bmabi nabo bale anika tu misamba twa viti uto baputwile mu mindo zyabo. ⁹ Kwali bali pantanzi yakwa tuse elo naba lemukonka panuma balepunda ati, ''Hosanna! Alipalwa oyu waizila mwizina lyakwa sukulu. ¹⁰ Bwalipalwa bufumu bukoiza bwakwa tata Davidi ! Hosanna mumulu mutali!'' ¹¹ Elo Yesu aingile mu Yerusalemu nekuya kwingila mwi tempele ne kulolesha pali vyonse vyalimo. Nomba nsita yalicepele , elo aile ku Betani nabasambi bakwe ikumi limo ne babili . ¹² Busiku bwakonkelepo elo baleya kufuma mu Betani, Yesu alyunvwile nzala. ¹³ Elo abwene ciku kutali kutali uwakwete mabulo , apalamine mupepei pakuti aboneko ngacakuti kuti asangile vitwalo, elo afikile, asangile takwali vitwalo kwalive mabula, pantu teyali nsita ya vitwalo . ¹⁴ Elo nebele citi ati, ''tapaize kuba nangu umo akoza kulyako vitwalo kuli webo nakambi .'' Elo basambi bakwe balyunvwileko ivyo alandile. ¹⁵ Baizile ku Yerusalemu , elo ainjile mwitempele ne kwamba kutamfya baile mukusita elo ne balesitishas mwi tempele aponaizye ma tebulo ya baile mukusintula ndalama elo ne balesitisha nkunda. ¹⁶ Tazumilizye muntu nangu umo kutwala vintu vyakusitisha mwi tempele. ¹⁷ Alibasambilizye ne kubeba ati, ''bushe tacalembwa ati, inanda yanui ikoza mukwitikwa ati, ni nanda ya mapepeo ya bantu bonse? nomba mwebo mwaisangula ninanda yakuba pompwe.'' ¹⁸ Bansimapepo bakulu naba kalemba balyunuwile ivyo alandile , eo batampile kufwaya nzila yakuti bamwipailemo . ¹⁹ pantu balemutina pa mulandu wakuti cintu bwinji calitemelwe ivyo alesambilizya. Elo cungul cafikile balifumile mumusumba. ²⁰ Elo lintu baile bakoenda lucelo , bsli bwene citi ca ciku icauma mpakave naku mizyu . ²¹ Petulo aibusizye ne kulanda ati, '' kafundisha , lolesheni ceci citi ciku cacilya mwalapizye calyuma.'' ²² Yesu alibasukile ati, ''kwateni cicetekelo muli leza. ²³ Nkomweba cinsinku nati ngacakweba ati umo kuti aeba lolu lupili ati, ' ima papa kaipo ze mu cimana , elo ngatakotwishinka mumutima wakwe, cintu ico alanda kuti cacitika cecilya eco Leza akoza kucita. ²⁴ Pamulandu waku cecu akososa kuli mwebo vili vyonse ivyo mwapepa ne kulomba , cetekele ni kwebati vikapelwa kuli mwebo elo mukavi kwata vikaba vyenu. ²⁵ Elo lyonseve llyo mukopepa , mufwaikile mwaelelako bali bonse ba mulu vyanyapo, pakuti nsinwe waikala mumulu eze amwelele namwe vibi ivyo mwabifya.'' ²⁶ Nomba ngacakweba ati tamwelele, ninsi namwebo sinwe waba mumulu taize kumwelela vibi iivyo mucita.'' ²⁷ Baizile ku Yerusalemu nakambi elo Yesu ale enda mwi tempele , bansimapepo bakulu bakalemba elo naba kuli baizile kuli wamwene. ²⁸ Balandile kuli wamene at, '' bonse makando ubonvya pakucita vevi vintu , elo nibanani bakupele ayave maka?'' ²⁹ Yesu alandile kuli bamene , ''nko mwipushako fumbo limo njebeni elo nanebo nkoti mweba maka mbonyvya pakocita vevi vintu. ³⁰ Bushe lubastisho lwaka yaowani lwafumile kuli leza nangu lwafumile ku bantu? njasukeni.'' ³¹ Elo batampile kulanzyana bene beka elo batampile kususayana nekweba ati, '' Ngatwa landa ati, ''lwafumile kumulu akoti alande ati , cindo tamwamuzumile yowani?' ³² Elo nakambi ngatwalanda ati, lwafumile kubantu...'' Baletina bantu , pantu bantu bonse balisinikizye kwebati yowani ali ni kasesema. ³³ Elo bamwasukile yesu nekumweba ati, '' tatwuzibile .'' Elo yesu nao abe ati, ''kasi nangu ninebo nshyamwebe uko nafumya maka akubomba vevi vintu.''