¹ Yesu afumile kuli yelya ncende , aile mu calo ca Yude ya ne kwisilya lya mumana longana kuntu ali . Ali kuasambilizya kulungana nge ncito abelezye. ² Lintu ba Falisi baile kuntu ali muku mwezya nekufumba , ''Bushe calizumilizya mulume kukana mu kazi wakwe?'' , ³ Ayasukie ,lifunde ndo Moze amweba?'' ⁴ Balandile ati ''Mozesi azumilizye mwanalume ku lemba kalata wa kumukanlapo epakumuleka.'' ⁵ ''mulandu wakukosa kwamitima zyenu eca lengele kulemba leli funde'' Evyo yesu abasukile. ⁶ Pa kwamba , 'Leza apangile vyonse, abumibile mwalalume ne mwakanzi.' ⁷ 'Kansi pali ceci, mwalalume akoza kusha ba wisi na ba nina ne ku kuminkana ne mu kazi wakwe. ⁸ Lintu baba babili mubali umo ,kansi nomba tabali babili , baslive mubili umo. ⁹ Cintu Leza alundikanya , muntu eci lakenya.'' ¹⁰ Nomba lintu bali mu nanda , basambi bamufumba nakambi pali woyu mulandu. ¹¹ Nao alandile kuli bamene ati, ''uli onse waleka mukazi wakwe ne kuya kupa mwanakazu umbi ninsi acitta bucende ku mukazi wakwe. ¹² Ne mwanakazi nao nga afuma ku mulume wakwe ne kuya kupwa kumwanalume umbi ninsi nao bucende acita. '' ¹³ Bantu baletele twaice kuli wamwene pakweba ati atukumye , nomba basambi bali kubakanya. ¹⁴ Lintu Yesu aizile evi, alifulilwe ne kulanda kuli bamene ati , '' lekeni twana tunini twize kuli nebo, mwitulesha yayii, pantu baaba ngatotu tubaice , ebene ba bafumu bwakwe leza. ¹⁵ Nkomyeba visinka , ili onse atapokelele bufumu bwakwa Leza ngekq mwaoce taze kwingilamo yayi. ¹⁶ Elo Yesu akumbatila twana tunini ,atambalikapo maboko yakwe ne kutupaala. ¹⁷ Lintu Yesu atampile bulendo , muntu umo aizile lubilo amafukamila ne kumwipusha ati, '' kafundisha muwene, bushe vindo ndingile kucita pakubona moyo wape?'' ¹⁸ Yesu amweba ati, ''cindo wanjebele ati ndi muweme? takwaba muweme nagu umo kanove Leza eka. ¹⁹ Waiiyeziba mafunde yalanda , kwipaya yayi ,kwiba yayi, kubepezya munobe yayi , wiba kambani wabufi , wokucindika ba wiso neba noko. ²⁰ Nao amwasuka ne kumutemwa . Amweba ati wabulizyapo cimo. ²¹ Ulingile kusitisha vyonse nvitu wakwata, ndalama upelebabuzu, ninsi ukoza kukwata cuma mu mulu elo wize unkonke . ²² Lintu aumvwa evi, ena aumvwisa cifundo ne kuya akolanguluka pantu ali nevyuma vinji . ²³ Elo Yesu asalanyanga menso kulolesha ne kweba ba sambi bakwe ati, '' bama nebo vintu cashupa kubakwata vyuma pa kwingila mu bufumu bwakwa Leza! '' ²⁴ Basambi bakwe bena caba kankamikave pa maziwi yakwe. Yesu wena abwekezyapo kubeka kwinjila mu bufumu bwakwa Leza! ²⁵ Calipepukapo ngamila kupita pe liso lyaka kela kucila wavyuma kwinjila mu bufumu bwakwa Leza.'' ²⁶ Basambi caba kanakamikave ne kwamba kufumbana ati, ''nanga kansi niani angapusuka?'' ²⁷ Yesu abalolesha ne kubena ati, '' bantu bena kuti bavilililwave, lelo leza wamenke teti. pantu tapaba vintu leza avilwa. ²⁸ Petelo epakumweba ati, ''Bona, fwebo twalishja vyonse ne kukukonka.'' ²⁹ Yesu amwasuka ati, '' kumyebo visinka takuli nagu umo wasya nanda nangu , inndume zyakwe, nangu inkazi zyakwe nangu ba nina, nangu ba wisi nangu bana nangu minda pa mulandu waku nebo ne wa mbilaisuma. ³⁰ Atapokelelpo pali yeno nsita yonomba miku mwanda umo, ma yanda ne ndume ne nkazi ne banina ne bana ne minda pamo ne makuzi elo nsita ikoza kwiza , akoza kukwata moyo wa penape. ³¹ lelo benji batanjila bakoza kushila , ne bashalile eba koza kutanzi.'' ³² Lintu bali pabu lwendo lwakuya ku Jelusalemu , yesu ewali pantanzi yabo. Basambi bali bacenuka , na bali kukonka panuma baumvwa mwezo . Yesu abuula basambi likumi limo na babili ne kutampa kubasimikila vili neku mucitikila . ³³ Abeba ati, ''moneni tukuti tuye ku Yerusalemu elo mwana wamuntu akoya ku pozwa kuli ba simpapepo bacidimi ne baka fundisha bamafunde .Bakoya kumupingwila kufwa ne kumupaza mu minwe ya Benevyalo. ³⁴ Bakoza kumuseka , bakoza kumufwiza mate, bakoza ku vupula vibwembya ne kumwipaya lelo panuma yasinku zitatu akoza kubafwa.'' ³⁵ Elo Yakobo na Yoani bamwana Sebede baiza bapalamila kuli Yesu , Bamweba ati, ''Kafundisya , tukofwaya utucitile cintu tukotitulombe.'' ³⁶ Abeba ati, ''Cindo mukofwaya kuti muticitile? ³⁷ ''Nabo bamwasuka ati, ''Utuzumilizye kuti umo ezemukwikala ku ndilo kumobe , umbi kumzyele kumobe mu Bufumu bobe.'' ^{38 39 40} Yesu abeba ati,''Tamwizibile cintu mukolamba . Bushe kuti mwanwela mu cipanda ca mucuzi ndinekunwelamo, nangu bushe kuti mwebatisiwa lubatisyo lwa mucuzi ndinekubatisiwako?'' Nabo bamuwasuka ati, ''Ee kuti twacita.'' Yesu abeba ati, ''Cipanda ndinekumwelemo namwebo elo mukoza kunwelamo ne lubatisyo ndinekubatisiwako namwebo elo mukobatisiwako. Nomba kwikala ku ndilo kumwandi nangu ku nzyele kumwanji , tene mpeela vya yabo Leza avipekanizizya.'' ⁴¹ Lintu basambi bambi bali likumi limo , baumvwa evi, bafulilwa Yakobo na Yoani. ⁴² Yesu aita bonse nekubebe ati, ''Mwaziba ati Benevyalo bantu beta ati, Zyamfumu zilakasya bufumu bwaziko nebakulu baziko nabo ba bateeka nemukuzingwa. ⁴³ Mwebo tacili nekube evi yayi kano pali mwebo ali onse akofwaya kuba mukulu ,abe ngewakutuma. ⁴⁴ Nakamba akofwaya kutanjilabi abe muzya wa bonse. ⁴⁵ Pantu nemwana wa muntu nao taizila ati ba mutume, lelo kutumika ne kusya mayo wakwe pakususa benji .'' ⁴⁶ Elo batikile ku Yeriko , lintu yesu atampile kufuma mu Yeriko pamo nebasambi bakwe ne bumba likulu , mpofu Batimeo , emukuti mwana timeo ,ali mumbali yanzila alikele akolomba . ⁴⁷ Lintu aumvwa ati ni Yesu waku Nazareti , atampa kupunda ati, ''Yesu mwana Davidi, ngunwilako luse,'' ⁴⁸ Nomba benji batampa kuikalipila pakuti italalel lelo yamenke elo yacila kupunda ati, ''mwana Davidi ngunvwilako luse!'' ⁴⁹ Yesu aimilila abeba ati, ''Mwiteni eze kokunwale . Elo nabo baita mpofu , bayeba ati, ''teka mutima ima akokwita. ⁵⁰ Evyo yapozele civimbo caiko yatolola. ⁵¹ Yesu aipusya mpofu ati, ''cindo cintu uko fwaya nkucitile ?'' Mpofu yamwasuka ati, ''kafundisha nkofwya kulolesya.'' ⁵² Elo yesu amweba ati, ''Kabiye cisubilo cobe cakupozya.'' Kufumave papove atampe nekulolesya akonka ne Yesu kuntu ali mukuya.