¹ Lintu Yesu atentemukile lupili , cintu bwinji calimukonkele . ² Kwaizile wavibasi , aizile kumufukamila nekulanda , '' we mfumu ngawatemwa kuti wampozya.'' ³ Yesu aizile kuvyungulula kuboko nekumukumya nekulanda .'' nditemelwev, pola '' papoye ne vibasi vyakwe vyapola. ⁴ Yesu amwebele , '' wiyebako uli onse kabiye , uyilange kuli basimapepo uye utule nemutulo ngevyo Moze amweba, uleke basininkizye ati ulipolele .' ⁵ Lintu ywsu aite ku kapenamu , mukulu wa vita mwanda umo aizile kuntu ali nekumupapata ati, '' ⁶ Mubovi wanji alilwala bulebe kumwanji , alalave alacula sana.'' ⁷ Elo Yesu aizile kulanda ,'' nkoiza kumupozya.'' ⁸ Mukulu wa vita ayasukile nekulanda,'' We mfumu, nsili mucidami sana cakubi mwize mwinjile munanda mumyanji, lelo sosenive ziwi nemubonvi wanji akopolo .'' ⁹ Pantu nane nalikwaba bantu nguvwila nanebo nali kwata vita vingumvila. Nganamweba ati, kabiye' , afwile aya nakambi nganaeta munakwe ati, ' iza , afwile aiza. ¹⁰ Yesu lintu aumvwile evi aizile kucenukka nekweba bantu ali nabo,'' Mucisinka nkomyeba , shabaonapo cisumino nga ceci nangu nikubena Isileali . ¹² Nkomyeba bantu benji bakoza kufuma kumasamba nekukabanga bakoza kwikala nekulila pamo na Abrahamu , Isaki na yakobo mubufumu bwa mumulu. ¹¹ Nomba bene babufumu bakoza kubapoza panze mu vinzi , epantu bakoza mukulilila nekuisumanya meno. ¹³ Evyo Yesu asosele kumukulu wavita , kabiye ! ngevyo ucetekele evyo vicitike yayi nemubovi wakwe pansita yayove evyo apolele. ¹⁴ Lintu Yesu ainjile munanda muli Petulo, asangile mupongozi waku Petulo bakututuma kumpepo . ¹⁵ Yesu aizile kukumya minwe yakwe, yayi, papove nempepo yaya. Evyo aimile nekwamba kumupekanizya. ¹⁶ Lintu caizile kuba cungulo , bantu baletele kuli Yesu bantu benji bali nemipasi yakowela yayi nao atamfizye vimipasi vwakowela kwiziwi lyakwe nokupozya bantu bonse balwele. ¹⁷ Kwali kufikilizya maziwi yaku Ezaya yakuti , ewabula bucuzi bwesu bonse ewapiata ne malwele yesu yonse. '' ¹⁸ lintu Yesu abwene ati bantu bavula , aebele basambi bake kwabukila kwisilya lya bemba. ¹⁹ Evyo kalemba wa malango umo amwebele, ''' kafundisha nkokukona konse kuntu ukoya .'' ²⁰ Yesu amwebele ,'' bamulambwe bali kwata muntu bekala , ne vyumi navyo vyslikwata visa kuntu vikala, nomba mwana wa muntu takweta nepakusaila mutwe.'' ²¹ Musambi umo amwebele,'' We mfumu nzumilizya ndokuya nkazike bataa. ²² Yesu aizile kwasuka , '' nkoka, leka bafwa bekuzika bafwa banabo. ²³ Lintu Yesu ainjile mubwato nebasambi bakwe balimukonkele. ²⁴ Yayi evyo cikuuka cikulu caimile pali bemba ne malamba - tamba yayambile kufumuala ku bwato . Ninsi Yesu wamene ali mutulo. ²⁵ Evyo basambi baile kumusya nekulanda, '' tupususye , we mfumu ,apntu tukofwapove!'' ²⁶ Yesu abasukile ati, '' Cindo mukotina , mwebacisumino cinini? '' evyo aimile nekukalipila cikuka ne matamba - tamba pali bemba . Evyo ne matamba - tamba yayalele. ²⁷ Evyo bantu bapapileve nekulanda,'' nenga kasi nyu muntu , muntu wamusango shani wakuti cikuka ne matamba- tamba yakomumvwila?'' ²⁸ Lintu Yesu afikile kwisiya lya bemba mu calo cabena Gadala, bantu babili bakwete mipasi yakowela baizile kumukumanya . Baba bantu bali ne mpasi ibi sana cakuti tawali kupitila ku nzila bali. ²⁹ Baizile kupanda bakoti , ''we mwana wakwa Leza vindo nkofwaya kucita? busye waiza mukutucuzya nensita tailafika?'' ³⁰ Katalamukla nepantu bali , pali mukini wa nkumba nkulu zyali mukulya. ³¹ Evyo vibanda vyayambile kupapata Yesu nekulanda, nga ukofwaya kututamfya , ututamfizya mumukni wa nkumba.'' ³² Yesu alandile ku vibanda ,'' kabiyeni !'' nevibanda vgaile kivingila mu nkumba; evyo mukuni onse wankumba waile muli bemba , Zyanvwela ku menzi nekufwa. ³³ Bakacema bankumba baizile kubutuka mumusumba baya namukusimika vyacitike kubantu kuli ne mipasi yakowela. ³⁴ Necintu bwinji camuli ceco calo evya baile kuli Yesu. Lintu bamukumeye bayambile kumupapata kuti afume mu calo cabo.