¹ ''Pantu bufumu bwa mu muulu bwaba kwati mwine wa muuda,wafumile kacelo celo muku fwaya babonvi bakubomba mu munda wakwe wa mwangazi. ² Elyo aunvene ne babonvikuti ali ne ku balipile Denali umo pabusiku bumo,abatumine mwibala lya mwangazi. ³ Kabili Elyo aile papitile awala lyalenga butatu,abwene bambi babonvi batakwete cito balimilile pa maliketi. ⁴ Kabili abebele ati,namwenve,kabiyeni mu munda lya mwangazi,elo nomba komipela malipilo yalingave! ⁵ Nakambi alifumilepo kufikanve nekwi awala lyalenga mutanda (6)nelya lenga pabula(9),nekucita cimo cine. ⁶ Pakulekelezye pe awala lyalenga ikumi na limo(11),alifumule nekusanga nabambi balimilile panze kabili abafumbile ati,nga kasi cindo mwimililile paano kazuba konse kwabula cinto/ ⁷ Bamwaswike ati,pantu tapali wakutwingizya cito.Nao abebele ati,namwe bene kabiyeni mwibala lya mwangazi. ⁸ Elyo cali cungulo,mwine wa munda aebele kapitao wakwe ati ita babonvi ne kubalipila malipilo yabo,kutapila ku wakulekelezya kuya kuwakutapa. ⁹ ''Elyo ba yambile pe yawala lyalenga ikumi na limo (11)baizile,bapeele cila muntu Denali umo. ¹⁰ Eico ilyo batazi baizile batontokentye kuti alabapela malipilo yenji lelo nabove bene malipilo yali yamo yeneve abapele Denali umo. ¹¹ Elyo bapokelele malipilo yabo batendeke kuilizyana ku mwine wa munda. ¹² Abati baba balekelezye babombe iyawalalimo,lelo mwabapa zimozine nafwebo,fwebabombele kazuba konse ne kupya ku kanzuba. ¹³ Lelo abasukile ne kulanda ati kuli bena,mune nsikuluvyene yayi.bushe tatwanguvwana ati kokulupila Denali umo. ¹⁴ Pita ndenari ebo kabiye,nangu salababa bakulekelezya kubapela ndenari umo wine ngawebve. ¹⁵ Bushe sikwete sambu zyakucita kuvyo kofwaya kuvintu vyanji?Bushe niceco waba ne liso libi eco wakalipila apo nebo ndi muntu muweme? ¹⁶ Envo nabaulekelezya bakoza kuba batazi,nebatazi kuba ba kulekelezya.'' ¹⁷ Elyo yesu alimukuya ku yelusalemu,apitile basmbi ikumi na babili (12)ku mbali nekubeba muzila ati, ¹⁸ ''Boneni tukoya ku yelusalemu,kabili bali nekupela mwana wa muntu kuntungulusi zyaba shimapepo naba kalemba kabili bakoza kumupingwila kufwa. ¹⁹ Ne kumupela kubena vyalo pakuti ba mutufye,kumupuma ne kumupopa.kabili pabusiku bwalenga zitatu akoza kubuka.'' ²⁰ Elyo nyina wa bana bakwa sebende aile kuli wamene ne bana bakwe.afukama nekulombako vimo kuli wamene. ²¹ yesu asose kuli wamene ati,''cindo ukofwaya?kabili ayaswike ati,''soseni kuli baba baana banji babili kuti bekale,umo ku kulyo kwenu munakwe ku kuso kwenu mu bufumu bwenu.'' ²² Nao yesu ayaswike nekusosa ati,''Tamwizibile ceco mukofumba.Bushe kuti mwanwa vili muli kapu iyo konwelamo nambave? ²³ Nao asosele kuli bamene ati,''kwena mukoza kunwa nkili muli kapu yanji nomba kwikala ku kulyo na kuzyeletene peela lelo abo tata apekenizizya ebo akoza kupela. ²⁴ Elyo basambi bvali ikumi bauvyile venvi,balifulilwe babwananyina babili. ²⁵ Lelo yesu elo abatile abebele ati,''mwaliziba kuti zyafumu zyabena vyalo ziteka bantu baziko kwati bazya nambi intungulusi nazyo zititikizya abo zitungulula. ²⁶ Tavy cifwile kuba kuli mwebo.lelo onse ufwaya kuba mukalamba pali mwebo,afwile kulamibombela. ²⁷ Na onse ufwaya kuba watazi pali mwebo afwile kuba kuzya wenu, ²⁸ Ngevyo ne mwana wa muntu taizile kuti bokumubombela,lelo aizile mukubombela,bantu nekupela mweo wakwe cilubula pakuti alubule benji.'' ²⁹ Nomba elyo balimukufuma mu yeliko cintumbwinji calimukokele. ³⁰ Kwali impofu zibili zyakele zyanalume zyaikele mumbali ya zila.Elo zyauvyile kuti yesu akopita,zyabilikizye aziti,''Tubeleleko luse,mweshikulu mwana Davidi! ³¹ Yayi bumba lyalizikalipile,kuti zitalale,elo zyacilile ne kulila mukupunda,''yesu mwana Davidi tubeleleko luse.'' ³² Elo yesu aimilile nekulanda kuli bamene,''vindo mukofwaya nebo micitile?'' ³³ Nabo basosele kuli wamene ,;;shikulu menso yesu yengamba kubona. ³⁴ Elo yesu ,anvyile luse,azikete pa pa menso.papove balyambi kubona kabili zyalimukokele.