¹ Pali bobulya busiku Yesu afuma munanda aya kwikala pa lulomba lwa ku bemba . ² Elyo cintu bwinji cikulu cazia kulongana camuzinguluka . Eco pa mulandu wa mabumba , ainjila na mu bwato , emo aikala , bantu bena bashala balimilile pa kulomba . ³ Elyo abeba vintu vinji mu milumbe ati, mulimi aile mukukuba mbuto. ⁴ Lolya akokuba , mbuti zimo zyaponde mumbali ya zila , ne vyumi vyaiza vyalya. ⁵ Zimbi zyaponde mu musili wamabwe , pamusili unini , awe bwangu bwangu zyamela, eco tapali musili winji. ⁶ Elyo kazuba kabala , zyatukuka zyauma nekuma. ⁷ Zimbi zyaponeke mu minga ne minga lolya yakula yavimbilizya zytuza. ⁸ Zimbi zyena zyaponele mu musili uweme , zyatwele vitwalo . ⁹ Zimo zyatwele msece mwanda umo , zimbi makumi mutanda , zimbi makumi yatatu. Ali nematwi yakuvwa omvwa!'' ¹⁰ Elo basambi baiza kuli Yesu bamwippusha bati , '' nanga cindo mukolandila ku bantu mu milumbe cindo. '' ¹¹ Nao abasuka ati, '' Mwebo mwalipelwa kwiza nkama zya bufuma bwa mu mulu, nomba bena awe. ¹² Pantu wakwata akozapeelelwapo na vimbi , elyo akoza kukwata vinji . Lelo utakwata , bakoza kumupoka nevyo akwata. ¹³ Emulandu wine nkobebela mu milumbe , pantu balalolesha lelo tababona, bolomvwa lelo tabatezya nangu kwiluka tabeluka. ¹⁴ Kansi ni kuli baba bantu vyafiviliziwa ivyo kasesema Ezaya asesemele ati, '' Kumvwa mukoya mumvwa lelo tamwali kwilula kulolesha lelo tamwakulabona. ¹⁵ Pantu mitima ya baba bantu yali kutwa. Ne matwi yabo tayamvwa bwini , bali zibatika ne menso yabo, epali baibwena ne menso yabo, bayumvwila ne matwi yabo, nekamba bapilibukils kuli wamene , na nebo aba pozya . ¹⁶ Nomba mwebo menso yenu alabons pantu mwalishuks , nematwe yenu pantu yalomvwa. ¹⁷ Nkomweba cine cine nati bakasesema benji ne bantu abaololoka benji bakofwaisha kubona, ivyo mwebo mukobona , lelo tabavibwene awe. Bakofwaisha kumvwa ivyo mwebo mukoumvwa , lelo tabavyumvwile awe. ¹⁸ Kansi mwebo umvweni mwaloloa mulumbe wakwa nsibulimi wa mbuto. ¹⁹ Imbuto zyaponele mumbsli ya nzila , muntu onse uumvwa ziwi lya bufumu bwakwa leza, nomba tomvwile umo lilolele. Awe na ciwa aiza apita catandilwe mumutwe wakwe. ²⁰ Elyo ne zyaponele mu musili wa mambwe, emuntu umvwa ziwi , papove alipokelela ne nsansa. ²¹ Nomba lyaikalamove kasita kanini, eico lyavilwa kupanga mizyu . Kansi elo paiza ubwavya nangu amcuzi anenuka. ²² Zyaponele mi minga emutu uumvwa ziwi, nomba masakaniko yapavya pa calo , ne mukonkelelelo wa vyuma, vyatusha ziwi lyavilwa kutwala vitwalo. ²³ Lelo zyaponele mu musili usuma, e muntu uumvwa ziwi , ailuka ne kwiluka . Epakutwala vitwalo vili mwanda umo . pambi makumi mutanda na pambi makumi yatatu . ²⁴ Yesu nakamba abomila mulumbe unstwe ati, ''' bufumu bwa mu mulu kuti twabupalanga ku muntu watandile mbuto ziweme mu munda wakwe. ²⁵ Mwe kuti lolya bantu bonse bali mu tulo, mulwani wakwe aiza , atandamo nakuba mu malyankatu aya nekuya. ²⁶ Lolya misonga yamela, yapapa nekupapa makuba yaboneka. ²⁷ Elo bamwine webala baiza kuntu ali, bamweba ati, mukwai bushe te mbuto zisuma mwatandiel mwibala lyenu? Nga kansi makumba afuma kwani? ²⁸ Nao abasuka ati, mulwani wacita vevi.' Bazya nabo bati , bushe mukofwaya kut tuye vitupaulamo? ²⁹ Nao abasuka ati, nwe , epali mukutupaulo mankumba mwatupawila kumo ne nemalya nkatu. ³⁰ Lekeni vikulile pamo mpaka ne nsita yakuseepa . olyo pa nsita yakusepa, nkeba bakuseepa ati, tale longanieni mankumba , muya kake mumina elo moyoce . Elyo mulonganike mlaya nkatu, muyabike mu butala bwanji . ³¹ Nakambi Yesu abomila mulumbe unakwe ati, '' Bufumu bwa mu mulu bwaab ngembuto zyakulubanga , ako muntu abuula, akomela mwibala lyakwe. ³² Ekacepesha pa mbuto zyonse , nomba lolya kakula , kucila pa vitwalo vyonse . kabave citi, cakutila nevyuni vyaiza mukwikala kumisambo yaciko. ³³ Yesu abomila mulumbe unakwe ati, '' Bufumu bwa mu mulu bwaba nge ntutumusi yo mwanakazi abuula, akasawila mu vipimo vitatu vya bunga , mpaka muvuba watutumuka.'' ³⁴ Vyonse vevi Yesu alikulandila mu milumbe ku cintu bwinji . Na mu cacine talikulanda nangu cimo, kanove mu milumbe . ³⁵ Kansi epakufikilizya vyasosele kasesema ati, nkoya muku mwebela mumilumbe . Nkoya muku mweba ne vintu vyafisama . kufumave epo sonde lyatampile. ³⁶ Elyo Yesu aizile cintu bwinji aile na munanda . Awe basambi bakwe baiza bamweba ati, '' Twilwileko mulumbe wa mankumba mwibala. ³⁷ Yesu abasuka ati, '' katanda wambulo ziweme, mwana wamuntu . ³⁸ Bala, lisonde lelino ,ne mbuto ziweme, ebana ba bufumu, elyo mankumba, ebana bakwa ciwa. ³⁹ Ne mulwani watandile mankumbas ni ciwa . Nsita yakuseepa nayo kupwa kwa calo . Elyo bakaseepa nsbo ni bamalaika . ⁴⁰ Kansi evilya batupawile mankumba, bakolonganikka ne koca, evyo cikoza kua na pakupwa kwa calo. ⁴¹ Mwana wamuntu akoza kutuma bamalaika bakwe, bakwiza kufunya bafumu bwake balenga banabo kubifya ne mpulumusi zyonse. ⁴² Bakoza kubapoza mucilangalilo camulilo, emukoza kuba nkonde nekusumanya meno. ⁴³ Elyo bakaele bakoza mukubakama nge kazuba mu bufumu bwakwa nsibo uuli ne matwi yakumvwa omvwe. ⁴⁴ Bufumu bwa mu mulu bwaba nge cuma bafisa mwibala l intu muntu acisanga , acifisa nekambi. Elyo aya nasansamuka saana, asitisja na vyonse vintu akwata , asita naleli bala. ⁴⁵ Nakambi bufumu bwa mumulu bwaba ngwe muntu wamakwebo ukofwaya bulungu bwa mutengo busuma saana. ⁴⁶ Nomba alolesha bwamutengo saana, ayasitisha vyonse vyo akwata aiza kusita ne bulungu. ⁴⁷ Nakambi bufumu bwa mu mulu bwapala ku kwisumbu ba poza muli bemba , lyaikata nswi zyamisongo ne misango. ⁴⁸ Kuti lolya lyaibla nswi , elyo bakepeya wanswi bakulila ku mulundu . Elyo baikala bakosala ziweme bazibika mu misele , zibi, zyena bapoza. ⁴⁹ Evyo cikoza kuba napa kupwa kwa calo. Bamalaika bakoza kupatulula babi kufuya ku bantu baololoka . ⁵⁰ Babi bakoza kubapoza mucilangalilo ca mulilo , mukoza kuba nkonde neku sumanya meno.'' ⁵¹ Elyo Yesu abepusha ati, '' Bushe mwaumvwa vyonse vevi ? nabo bamwasuka bati , ''Ee'' ⁵² Yesu elyo abeba ati , '' kansi kafunisha wamafunde vyonse waba ni kasukulu wa bufumu bwa mu muulu, aba nge mwine wa nanda , uufunya mu cipao cakwe vipya ne vyakale.'' ⁵³ Lintu afika apwile kubomila yeyi milumbe , alifumileko . ⁵⁴ Lolya afika kumusumba kumwabo, aamba kufunda mu sinagoga . Bantu bena bapapa bati, '' Nanga aya mano na aya makak yakucita vipezyamano , wiyi muntu aya funya kwani? ⁵⁵ Bushe wiyu tali mwana wakwa kapoka wama pulanga? Na nyina nao, bushe tewiyu balanda ati mana? Elyo bamuwakwe , buseh te yakobo na Yosefu na Simoni na yuda? ⁵⁶ Banakazi wakwe bushe tebaba bonse twikala nabo? Nga kansi woyu muntu nikwani afunga vevi vyonse? '' ⁵⁷ Awe cabashupa ne kuzumilo . Yesu wena abeba ati, '' kasesema kumbi balamucindika , kanive ku ba mu calo cake, naku ba mu nanda yakwe.'' ⁵⁸ Awe tacitikilep vipapwa vinji , pantu tabali neciweme.