¹ Nebo Yuda mubonvi waku yesu makambi muwakwe waku Yakobo namviembela xmwebo Leza cita, mwebo mwebo Leza atemwa, nakambi mwebo Yesu Kristu asunga. ² Lekeni luse, kutemwa ne ctemwiko vivulileko kuli mwebo. ³ Mweba temwika, nalikufwaisha sana ku mulemelako pakupusha twashukila bonse, nasangile kwebati mikoselezya kwebati mwakuulwila cizumilo ceco Leza apeela saana kubantu bamusilo. ⁴ Pantu bantu bamo batavwila Leza baiza pakati kenu mubumfisolo. Emba bantu bafulunganya maziwi yapa cikuku cakwa Leza ne kuyalozya mubusensi. elo basuula na Yesu Kristu imfumu yesu nakambi sukulu wesu vwapave umo. Imba bantu ebo nekupingulwa kwa lembelwepo kufumave nakale. ⁵ Pantu nangu mwaiziba invi vintu vyonse kale, nkafwayako kumwibusizyako vintu sikuluv yafumizye bana ba Israele kufuma Egupto, elo batazumile bonseve balyo nawile. ⁶ Ibukisheni imbalya bamalaika batasungile maka yabo naya kucetekela, lelo basile vifulo fyabo. Imba bena, imba bena Leza alibakakilila ne simbi muyayaya itaputuka mucende yamfizi bii mpaka ne busiku bukulu bwabupinguzi. ⁷ Nganvilyave Sodoma na Gomola nemisumba imbi dyapalamileko. Mu musango umowineve, bantu bamuli ngviya musumba bali kucita bucende ne misango imbi imbive, yakulungana, imbo bantu Leza alibapaza mumulilo wa muyayaya pakuti babe cakubwenako kuli bonse. ⁸ Enzila imo ine, imba bantu balalota viloto vyakuti bakubifya nemibilizyebo. Busula ne maka yaikuteeka, elo basusla na ba malaika ba mu mulu. ⁹ Nanguve ni malaika Mikalaeli mukulu wakuba malaika, luntu kwali busasi pacitumbi cakwa Moze na ciwa, tabonvezye maziwi yabi pakumusinila. lelo alandileve ati, "Sukulu ikoza kukulopala." ¹⁰ Nomba bantu bena balamda vyabipa pavintu batonvwile muntu vikoya. Evintu baiziba ngenama zita tontonkanya invi evintu vikoza kubonaila. ¹¹ Imba bantu bakoza kucibona! Pantu bakonkelezya misango zyaku Kanani Pamulandu wandalama, baipoza mucilubo cacicitile balamu. Kansi nabo balisangukila Leza ngenvilya kora acitile, enco pamo nakora bakoza kulopalwa. ¹² Imba bantu babakwati vito pansalu, luntu mu pakulya vyakulya vyakutemwana. Baisakamalave kulisha tabonvwa nensoni. Babakwati makumbi apitwane mwela atalosha ne nvula. Babakwati viti vitatwala vitwalo nepasitansita cilinsile kutwala, invyo viti ngaba vizyukula nemizyo nisi invyo vyafwa libili. ¹³ Bala kwayi matamba tamba yapali bemba, bashifulo lyavicitwa vyabo vibi. babakwati ni ntanda zyendaendave. Incende Leza abasungila nimuncende yamfinzi. ¹⁴ Anoke wamunkulo yalengele isoano naibili kufuma pali, Adamu, asesemele pali imba bantu ati, boneni, imfumu ikozakwiza ne ba malaika bakwe bamusilo bakwata vizo. ¹⁵ Ikoza kupingula bantu bpnse, ikoza kuvyapula ombo babifya pavibi vyabo, Ikoza kulopalo babifya bonse pamaziwi yonse yabi balandile pali Leza!" ¹⁶ Imba bantu bailizyegave lyonse ne kwebaula bantu bambi. Bakonkelezyave lunkumbwa lwaboy. Baozibave kuyunvwa nekuzumbeleka bantu pakuti babule vintu bakofwaya. ¹⁷ Lelo mwebo dmweba temwkwa bannji mwakwibokisha vintu basambi bamfumu Yesu Kristu bamwebele kale. ¹⁸ Bamwebele kweba ati, "Musikunzyalekelezya, kukozakuba bantu bakoza mukumusuzya abantu bakoza mukukonkelenzyave lunkumbwa lwabo." ¹⁹ Bantu banvi baleta kupatana, bakonkelezyeve vyabuntunse bwabo tabakwata nemupashi wa musilo. ²⁰ Lelo mwebo dmwebatemwikwa banji mwimilille ndi nekukoselako mucizumilo cenu camusilo, mwakupepa ne kunvwana mu mupasi wamusilo. ²¹ Mwakwikala mucitemwiko calwa Leza, lelo mukopembela ne kunvwabwino kuti imfumu yesu Yesu Kristu ku cifundo wakwe cikoza kumupela moyo wamu muyayaya. ²² Mwaku nvwilako cifundo imbo bacili bakotwishika. ²³ Mokwizyako kuzompolako bamo mu mulilo. bambi nabo mwakubonvila cifundo ne mwenzo - lelo mwakutaluka kunvyakuvwala vyabo vyakowela ku vibi vyabo vyalunku mbwalubi. ²⁴ Leza acindikwe uwakwata maka yakumu cingilila pakuti muya mukucita vibi, kabili aba nemaka yakumuketapa cinso cakwe cacindama batakwata vibi vilivyonse. ²⁵ Leza wabave eka uwatupususha pamulandu wakwa yesu Krustu imfumu yesu eco kansi lekeni okucindikwa, abe nebufumu, amaka nekuteka kufumave kale lintru calo tacilatampa, nepali lelo nekuyave lyonse! Ameni.