¹ Nebo ne paulo-ne mutumwa utasalilwe ne bantu nanguve kusontwa ne muntu,lelo ne wasalilwe na yesu kristu na leza tata,wa busizye yesu kufuma kubafwa. ² Nebo mpamo ne bandume bananji bonse,kulivilonganino vya mu Galatia: ³ Cikuku cakwa leza ne mutende kufuma kuli leza nsifwe na kuli sukuku yesu kristu ⁴ Ngo waipelesie pamulandu wa masambi yeesu pakweba ati atupokesie kuli mbuno bwikazi bwa kwa satana,kulingana ne kufwaya kwa kwa leza wesu nakambi shifwe. ⁵ Kuli wamenke kuba bucindani muyayaya,Ameni. ⁶ Napapa sana nvi mukoangufyanya kufuma ku wamwitile mu cikuku ca kwa kristu.Nko papa muko akukila ku mbila ku mbila yimbi, ⁷ Lelo taili mbila isuma imbi yayi,nicove kuli bamo bakomufulunganya ne kufwaya kwalula mbila isuma ya kwa kristu. ⁸ Lelo nga kweba ati umo palifwebo nangu malaika kufuma kumulu abila kuli mwebo mbila suma yimbi neyo twabilile kuli mwebo lekeni abe wasyama. ⁹ Ngenjo tusosele kale,kososa nakambi ati,''onse ukobila kuli mwebo mbila isuma yimbi neyo mwazumile,abe washama.'' ¹⁰ Nakuba busye bantu nkofwaya nangu ni leza?Nangula busye nkofwaya kusekesha bantu?Nga ncili nkosekesha bantu tetimbe muzya wakwa kristu. ¹¹ Cintu kofwaya mwizibe bandame,cakwe ba ati imbila suma njo nabilile teili ya buntunsi. ¹² Nsiapokelele nji mbila isuma kumuntu yayi,nakambi takwali wansambilizye,yesu kristu e waifisulwile kuli nebo. ¹³ Mwalyumvwa ivyo bali kale uli nali kukonka bu Yunda,ivyo bali kucuzya cilonganino cakwa leza ne kuconaula ¹⁴ Nakambi nalikulunduka bwangu mu bu Yunda kucila bonseve mamisiku yanji pa ba Yunda bananji pantu nalibacilile banseve ku ku tinamila ntambi zya vikolwe vyanji. ¹⁵ Lelo leza wandengele ati vyalwe,ne kunkita ku cifundo cakwe abwene ati cilive bwino. ¹⁶ Kunsokolwela mwana walwe muli nebo pakweba ati mbile mbila isuma pali yesu kristu kubene vyalo Nsiaile mpove ku kufumba muntu nangu umo ivyakucita. ¹⁷ Nakambi nsiaile ku Yerusalemu kuba ambilepo kuba batumwa.Lelo naile ku Arabia nabwe lele ku Damaseke. ¹⁸ Nomba panuma yamyaka itau naile ku yerusalemu kukutandalila kefasi naikele na kwe masiku ikumilimo neya sano ¹⁹ Lelo nsya bonenepo ne mutumwa umbi kano ve yakobo ndumenakwe na sukulu ²⁰ Nvi nkomulembela vyacine.Boneni kososa cisinka pumenso ya kwa leza. ²¹ Panuma yanvi naile ku calo ca siria na ku calo ca kilikia. ²² Lelo bali mu vilonganino vya bena kristu vya ku Yudea taba mbwenepo; ²³ Bali mukuvwave ati,''wali mutucuzya kale nomba akobila mbila isuma iya mipepele iyo kale alikonaula.'' ²⁴ Batampile kucindaka leza pa mulanda wa nji.