¹ Kuta nomba; bushe kulipo umo ukokwasuka nikuli nani kuba mushilo uko pilibukila? ² Pantu ubukali bulepaya icungwa ca muntu, umufimbila ulepaya umungulyalya. ³ Nalimonapo icungwa ukwikala bwino lelo bwangubwangu ndatipa inganda ya ciko. ⁴ Abana baciko bali ukutali no mutende bafyengelwa mu mpongolo ya musumba ukwakubula nangu uwakubapokulola. ⁵ Abansala balya ubusomboshi bwabo, bafibula ikufuma na mumyanga. Aba cilaka bafuluka ubukankala bwabo. ⁶ Pantu amacushi tayafuma mu mushili; nangu ubwafya ukupuka pa mushili. ⁷ Lelo umuntunse afyalilwa ukucula ngefyo insase shimina mu mulu. ⁸ Nomba kuli nebo, nkopilibukila kuli Lesa umwine kuli o eko nkobika umulandu wandi- ⁹ Ucita ifikulu ne fintu ifitanga fwalishiwa ifintu ifyakupapa ifyabula ukupenda. ¹⁰ Apela imfula pe sonde kabili atuma amenshi mu mabala. ¹¹ Acitefi mukubika abalanda pa mulu; mukwimisha abo losha ku mutende. ¹² Atobolola amapange ya bantu abacenjeshi pakutila amaboko yabo yesenge ishuko. ¹³ Asembeleka abantu ba mano mu bu cenjeshi bwamilimo yabo; amapange yanantu bakolobana yabatwalwa bwangu ku mpela. ¹⁴ Baponena mu mumfifi munshita yakasuba, kabili no kupampatila mukasuba kwati nalino bushiku. ¹⁵ Nomba apokolola umuntu umulanda ku lupanga mu kanwa umubusu ukufuma ku kuboko kwa muntu uwa maka. ¹⁶ Eco umuntu umupina alikwete isubilo, kabili umucisha cinani wisala pa kanwa kakwe. ¹⁷ Mona, upalilwe ni uyo umuntu uyo Lesa alungika; eico, wisula ukufunda kwa wamaka yonse. ¹⁸ Ico alacena no ku kakila alacena ne minwe yakwe ilaposha. ¹⁹ Akakupokolola ukufuma ku macushi mutanda icine , na mumacushi cine lubali , ububi bonse tabwaka kwi kate. ²⁰ Mu cipowe akakulubula ku mfwa , kabili mu nkando ukufuma ku maboko ya lupanga ²¹ .Uli nokufiswa ukufuma kululimi ulwatwa; kabili tawakatine ilyo ubonaushi bukaisa. ²² Ukaseka pabonaushi ne cipowe kabili tawakatine ifiswango fyape sonde. ²³ Pantu ukakwata icipangano mabwe mwibala lyobe, kabili ne fiswango fya mwibala fikaba no mutende nobe. ²⁴ Ukeshiba ukuti ubwikalo bobe buli mu mutende; ukatandalila ikola lya mbushi lyobe kabili tawa kalufyepo nangula imo. ²⁵ Kabili ukeshiba ukti imbuto shobe shikesa kufula ukuti abana kufyalwa bobe bakesa kuba nge fyani pa mushili. ²⁶ Ukesa ku manda yobe mukufula kwa myaka, ngo mupili wa nseke ukotulama panshita yauko. ²⁷ Mona, tulipitilemo muli uyu mulandu; cili nge fi umfwa kuli co, kabili cishibe we mwine.