¹ Bushe kuti waloba ingwena ku kalobo nangula kuti wakak incendwa yaiko kukalobo? ² Bushe kuti wabika intambo mu myona yaiko, nangula ukualasa mu ncedwa yaiko na kalobo? ³ Bushe kuti afusha ukupapata kuli nebo? Bushe kuti asosa amashiwi ayakunakilila kuli nebo? ⁴ Bushe kuti acita icipangano nobe ukuti umusende ngo wacinto umuyayaya. ⁵ Bushe kuti wayangala nankwe ngefyo angala ne coni? Bushe kuti wamukakula pakati ababomfi bobe abanakashi balemwangasha? ⁶ Bushe amabumba ya bapau kuti bakabushanyapo pali o? Bushe kuti bamyakanya no kushitisha paba makwebo? ⁷ Kuti waisusha mu mpapa yakwe amafumo ya nkalwe nangu umutwe wakwe ne mwela? ⁸ Bika ukuboko kwakwe pali wo umukufye umo, kabili ukebukisha ubulwi tawakabwekeshepo. ⁹ Mona, isubilo lya onse acita ifyabufi; Bushe te onse anga funtulwa panshi pakumonafye? ¹⁰ Takuli uwingapama ukutendeka ingwena; ninani, nomba, uyo uukoiminina pali nebo? ¹¹ Nani uwabalilepo ukupa icili cinse kuli ne pakuti mubweseshe? Conse icaba pe samba lya mulu candi. ¹² Ntakekalepo tondolo palwa mulu ya ngwena, nangula pa mulandu wa maka yakwe, nangula palwa kuyemba kwakwe. ¹³ Nani anga funda mpapa yakwe? Nani engapulinkanya mu cakufwala cakwe? ¹⁴ Nani engesula ifiseko fya menso yakwe -- ifyashinguluka na meno yakwe, ayakutinya? ¹⁵ Inuma yakwe ya pangwa ne milale ya mamba yalilundinkana kwati bakakatikapofye. ¹⁶ Limo lilipalamine kuli nankwe icakuti tapali mwela wingesa pali wo. ¹⁷ Yalilambatana kuli limo neli nankwe yalakakatana, ukuti teti yapatukane; ¹⁸ Ukufoloma kwakwe kubyasha ulubuto; amenso yakwe yali nge kopyo shapali kundwe. ¹⁹ Ukufuma mukanwa kakwe muya imwenge. nsanse sha mulilo shikofuma. ²⁰ Mumyona yakwe mufuma icushi nge nongo inkobilauka pa mulilo uyo bakunkileko pakuti ukabishe. ²¹ Ukupema kwakwe kubilimuna amalasha ku cimbilimbili umulilo ufuma mukanwa kakwe. ²² Mumukoshi wakwe mwaba amaka no mwenso ucinda pantanshi yakwe. ²³ Impika sha munofu wakwe shalilundikana pamo shalikos pali wo; teti shi seshiwe. ²⁴ Umutima wakwe wakukosa nge libwe-- icine wakukosa nge mpelo ya panshi. ²⁵ Umfwa ngaibuka umwine, no tumilungu tulatina;umulandu wa mwenso, tulabwelela ku numa. ²⁶ Ngo lupanga lwa mulasa, talucita nangula kamo kabili nangula lifumo, umufwi, nangula canso conse ica kutwa. ²⁷ Amona kela nge cani,no mukuba kwati cimuti ca kuboko. ²⁸ Imwela tailenga ukubutuka; kuli wo amabwe yamu malekeni ya cabecabe. ²⁹ Inkonto imoneka kwati cani; ulaseka ukutenta kwefumo likopupuka. ³⁰ Palufumu lwakwe paba utupimfya twakutwe nge nongo iyakutobaika; asha umukulu mu matipa kwati caku pelelako. ³¹ Alenga amenshi ukushunda nge nongo ya menshi aya kubilauka; acita bemba nge nongo ya musashi. ³² Umo apita mushala mukobeka; umo kuti watontonkanya kwati ameshi yali kwte imfwi. ³³ Pano calo tapaba uwalingana na o, uwapangwa ukwikala ukwakubula umwenso. ³⁴ Amona conse ica filumba; ni mfumu pa bana baume ba cilumba.''