¹ Elo yahweh wa kitile Yobo ukufuma mucipupu icikali no kulanda, ² "Nani uyu ukoletemfinshi pamapange mukupitila mumashiwi ukulanda ifyakubulamo amano?" ³ Nomba kaka nyemba ngo mwaume ico nkakwipusha amepusho, nobe uka ngasuka. ⁴ Wali kwi ulo nakulile umufula we sonde? Njeba, ngoli kwetepo ubwishibilo ubukulu. ⁵ Nani wapimine ubukulu bwaliko? Njieba, mfwa walishiba uwatambalikilepo umwando wakupiminako pali co? ⁶ Nipi apo imifula yashimpilwe? Ninani washimpile ilibwe lyapacifutu. ⁷ Ulo intanda shalucelo shalikwimbila pamo kabili bonse amana baume bakwa Lesa balikubilikisha nensansa? ⁸ Bushe ninani waisele bemba ne fiseko ulo atunkile, kubati afumine mwifumo- ⁹ Ulo napangile amakumbi icakufwala cakwe nemfinshi iyakutola kupombana kwaliko? ¹⁰ Iyo elo nahilile bemba imipaka yandi kabili elo nabikileko amaingwe nefiseko, ¹¹ Kabili elo na webele, upelele apa, lelo wicilapo pano epo nebo nkabika umupaka wacilumba ca amaba yobe: ¹² Bushe walyebapo ulucelo ifyakucita nangula ukwishiba kundwa wakumaca icifulo cakwe. ¹³ pakuti cinge katilila ye sonde noku sunkanya ababifi? ¹⁴ Insonde lilyalukile muku moneka ngefyo ibumba ifyo lyaluka pesamba lyacikakatikilo; fyonse fintu apofyabafile moneka bwino ku bati kufungwa kwansalu. ¹⁵ ukufuma kubantu ababi 'ulubuto lulifuminepo; nokusumbuka kwakuboko kwabo kulifunikile. ¹⁶ Bushe wali yako kuntulo ya menshi yakuli bemba? Bushe walitala awenda mumpalapala ya menshi? ¹⁷ Bushe impongolo sha mfwa shali sokololwa kuli webo? Bushe wali monapo impongolo shacinshingwa ca mfwa? ¹⁸ Bushe mwalyumfwikisha ukupabuka kwe sonde? njeba, ngawalishiba fyonse. ¹⁹ Ilikwisa inshila yakuya mukutusha kuncende ya lubuto-palwa mfinshi,ilikwisa incende? ²⁰ Bushe kuti watungulula ulubuto nemfifi kuncende yamilimo yafiko? Bushe kuti wasanga nshila ukubwelela kuma yanda yafiko? ²¹ Tekutwishika walishiba, pantu walifyelwe lulya; impendwa yanshiku shonse shalikulisha! ²² Bushe walingilamo munatala yamfula ya bungululu, nangu walimonapo amatala yepunga, ²³ Ififintu ifyo ne bo nasungile munshita yamafya , pa nshiku sha bulwi ne nkondo? ²⁴ Ili kwisa inshila umwayakanikila ulubuto kabili nikwisa kusalanganina umwela wa ku kabanga pano pe sonde? ²⁵ Bushe ninani uwapangile imimbwa yaku mulamba wa mfula, nangu ninani wapangile icibulukuto umwakupita, ²⁶ ukulenga ukuti iloke pafyalo uko uku ataba muntu, kabili mu matololo, umo utaba nangu umo, ²⁷ ukusekesha ifibolya ne ncende shaku sulwa, kabili kukulenga umushili wisule mo ifyani? ²⁸ Bushe mfula yali kwata wishi nangu, nibashibo ndo abaponye cine? ²⁹ Nimwifumo ndo amenshi makasa ya fuma? ninani wafyele imfubishi ukufuma mwiulu? ³⁰ Amenshi yalifisama ayene kabili noku sanguka kubati libwe; icapeulu lya menshi casanguka ukukosa. ³¹ Kuti wakaka iminyololo pantanda nokukakula insambo sha Orion? ³² kuti watungulula ifipinda bushiku ukumoneka munshi ta yafiko iiluntuntulu? kuti watungulula bere nabana bakwe? ³³ Bushe walishiba amafunde ya mulu? kuti wapekanisha incende ifunde lya mulu pesonde? ³⁴ Kuti wasansula ishiwi lyobe ukufika muma kumbi, pakutila ubwingi bwamenshi yamfula yengakufimba? ³⁵ Bushe kuti watuma ifikakwilo fyaku byata pakuti kwingafuma ? pakuti fingalanda kuli webo ati; Epotuli pano? ³⁶ Nani wabika amano mumakumbi nangu ukupela ukwishiba kucine? ³⁷ Ninani uwingapenda amakumbi kukwishiba kwakwe ninani uwingetila amenshi ukufuma kuli tunakafu kaula twamumulu. ³⁸ ulo ulukungu lwakosa ne fibungululwe fyesonde fyaikatana pamo? ³⁹ Kuti wapalukila mukota wa nkalamo ifyakulya nangu ukwikusha umulyolyo wabana nkalamo? ⁴⁰ Ulo bako alangana muncende shaiko nokufisamina icakwikata? ⁴¹ Ninani winga pekonishisha bamwankole ifya kulya ulo abana babo bakolilila kuli Lesa nokutelententa pakubulilwa ifyakulya?