¹ Elo Yobo aasukile no kulanda , ² "Ifyo mwa afwilishe umo uutali na maka! Ifyo mwa puswishe ukuboko ukokutali na mpamfu! ³ Ifyo mwapandile umo uyo utali na mano no kabili sha kuli o mano aya kushila! ⁴ Bushe kwafwa kwakwa nani wa sosele aya mashiwi? Bushe mupashi wakwa nani uyo wa fumine muli webo? ⁵ Abafu balengelwe ukututuma, abo abekala panshi ya menshi nabo bonse abekala muli bo. ⁶ Imbo ili ubwamba pa menso kwa Lesa; ubonaushi ubwine tabukwete icakumufimba. ⁷ Ayanshile imyulu iya kukapinda kasu mulwelele umutali kantu, kabili akobeka isonde apatali kantu. ⁸ Abika pamo amenshi mumakumbi yakwe aya kutikama, lelo amakumbi tayalepuka panshi yayako. ⁹ Afimba pa mulu wa mweshi no kutambalika ikumba lyakwe pali yo. ¹⁰ Ali shila umupaka wa kushinguluka pa mulu wa menshi nge cishilwa pakati ka lubuto ne mfimfi. ¹¹ Iceshi sha muulu sha tutuma no kupapuka pakukalipilwa kwakwe. ¹² Atalalike babemba ku maka yakwe; pakwishiba kwakwe ali talalikile Rahab. ¹³ Ku mupu wakwe alengele imyulu uku lengama; ku kuboko ku kwe kwatulile iciswango cali kufulumuka. ¹⁴ Mona, iyi mipaka ya micitile yakwe; ifyo kwacepa ukutepelekesha uko tumfwa kuli yo! nani engeluka ukubulukuta kwa maka yakwe?"