¹ Umupashi wandi waliwa, nenshiku shandi shili pwile; nshishi yandi ilipekani shiwe. ² Mucishinka kuli abakupumya nandibo; ilinso lyandi lifwile lyonse ukumona ukusonsomba kwabo. ³ Nomba pela ukulaya, be cikatilo candi nobe wemwine; nani umbi uuloko uukangafwa, ⁴ Kuli we, Lesa wa talwishe imitima Yebo kukumfwa; eico ta waka basumbule ukuncila. ⁵ Uyo webaula abanakwe pamulandu wa cilambu , amenso yabana bakwe yaka filwa. ⁶ Lelo alimpangile ukuba umulumbe wabantu Balansakila pa menso. ⁷ Ilinso lyandi nalyo lyatobolwa pamu landu wa bulanda ; fyonse ifipande fya mubili wandi filyondele nge finshinshingwa. ⁸ Abaume abololoko bakashuka kuli ci; uwa kaele akalwisha kubasha! shiba Lesa. ⁹ Umuntu umulungami akasunga inshila yakwe; uyu ukwete iminwe iya bune akalakosela kofye. ¹⁰ Nomba kuli mwe bonse, palameni nomba nshakasange uwamano pakati kenu. ¹¹ Inshiku shandi shilipitile; amapange yandi yalyonaikile, kabili eco nokukabila kwamutima wandi. ¹² Aba bantu , aba bakapumya bapilibula ubushiku ukuba akasuba; ulubuto luli mupepi ne mfimi. ¹³ Nga ngánda ndesubilamo fe ni mbo; kabili nga nolyanshikile icipuna candi umwa kufita; ¹⁴ kabili nganalanda ku cilindi,'Niwe tata naku chambo,'niwe mayo nangula nkashi yandi,' ¹⁵ Nikwisa nomba ukuli subilo lyandi? Nga pe subilo lyandi, ngo winga monapofimo, ¹⁶ Bushe isubilo likaya nandi panshi ku mpongolo sha ku mbolyo tukatentemukila ku lukungu?"