¹ Moneni, ilinso lyandi lyalimona ifi fyonse ukutwi kwandi kwalyamfwa no kwiluka. ² Ifyo mwaishiba, cimo cine nefyo naishiba; Nshapelebela kuli mwe. ³ Awe, kuti nalanda no wamaka yonse; Nkofwaya ukukansana na Lesa. ⁴ Lelo mwebo musamfya ubufi pamo ne cishinka imwe bonse muli bakondapa bakubulo mutengo. ⁵ Alale, kanshi nga bonse mwingekatilila umuteende! Pakuti ube emano yenu. ⁶ Umfweni nomba kufya ne mwine nkososa kutikeni ku kupapata kwa milomo yandi. ⁷ Bushe kuti mwasosa ifyabubi pali Lesa, kabili kuti mwalanda ifya kukowela pali ye? ⁸ Bushe kuti mwa mulanga akapatulula bushe kuti mwatalikana umulandu na ye? ⁹ Bushe kuti caba bune kuli mwe ulo amifwailisha bushe kuti mwamubepa ngefyo munga bepasha abantu? ¹⁰ Cine cine fye akamikalipila nga mu bumfisolo mukopatulula ¹¹ Bushe ubukata bwakwe tabwa kamitulumushe kabili no mwenso wakumutima tawa kapone pali mwe? ¹² Ukulanda kwena uko mwibokisha mapinda ayapangwa ne mitoi; inkwela shenu ninkwela she bumba. ¹³ Ikateni umutende wenu, ndekeni neka, pakutila nsose lekeni cise icingaba pali ne. ¹⁴ Nkasenda umubili wandi mu meno yandi Nkasenda umweo wandi mu maboko yandi. ¹⁵ Moneni, nga cakuti anjipaya, nshakashalepo nesobil; lyena, nkapokoloko imibele yandi pacinso cakwe. ¹⁶ Uyu ukaba mulandu we pusukilo lyandi, pantu takuli umuntu uwa tulesa uwingesa ku cinso cakwe. ¹⁷ Mwe lesa, umfwikisheni kukulanda kwandi; lekeni ukupunda kwandi kwise ku mawi yenu. ¹⁸ moneni nomba, ndi pekenye umulundu wandi bwino; Nebo ndishibile ukuti ndi wa kulungama. ¹⁹ Bushe ninani uungalubulula nandi mu cilye? nga walishile ku kucite ifi, kabili nga nasangilwe uwaluba. lyena kuti natalala nokuleka umweo. ²⁰ mwe Lesa , ncitileni fye ifintu fibili epela kabili nandi nshakafisame ukufuma ku cinso cenu: ²¹ Fumyenipo ukuboko kwenu kwa kukosa pali kabili mwileka ubukali bwenu buntinye. ²² Elo munkute, nandibo nkasuka; nangu lekeni nsose kuli mwe, kabili namwe munkonjasoka. ²³ Amampulu yandi yali yanga na masambi? Lekeni njishibe ukupondoka kwandi pamo namasambi yandi. ²⁴ Cindo ufishila icinso cobe ukufuma kuli ne no kuncita ngo mulwani obe? ²⁵ Bushe kuti mwacusha ibula iliko ululuka? Bushe kuti mwapepeka icani icakuma? ²⁶ Pantu mwalemba ifintu ifya kulu pali nebo; mwanenga ukuculila amasambi yaku bwaice bwandi. ²⁷ Kabili mwabika makasa yandi mu makoli; mukololekesha mu nshila shandi shonse;mwalabula umushili umo filonda fya kumakasa yandi yenda, ²⁸ nangu ndifye nge cintu icakubola kupo swa fye, nge cakufwala icalikwa cipelebesha.