¹ Kwaliko umwaume mucalo ca Usi uweshina lya Yobo; kabili Yobo wali uwakubula umulandu kabili uwakulungama, umo uwalikutina Lesa kabili uwapilinikile ukufuma kububifi. ² Kulya kwalifyelwe kuli wo abana baume cine lubali nabana banakashi batatu. ³ Walikwete amakana cine- lubali impanga, amakana yatatu ingamila, imyanda isano lya makoli ya ngómbe yabili, yabili , kabili imyanda isano bakabalwe na babomfi ibumba ilikulu. Wali mwaume uwaishibikile sana pali bonse abantu bakukabanga. ⁴ Pabushiku bwa cila mwana ubwapekanishiwa, walikupela umatebeto mundánda yakwe. Balikutuma nokukuta pali bankashi shabo batatu kukulya nokunwa nabo. ⁵ Ulo inshiku shamatebeto shalikupwa, Yobo walikutuma pali bo kabili walikubashisha. Walikwima bwangu mulucelo nokutula umutulo wakoca pali cila mwana wakwe, pantu walikulanda, ''Epali kuti abana bandi balibembukile nokulapisha Lesa mumitima shabo. Yobo lyonse walikuciteci. ⁶ Elo bwali bushiku ulo abana baume bakwa Lesa baishile kukuilanga abene kucinso cakwa Yahweh. Satana nao walishile nabo. ⁷ Yahweh walandile kuli Satana,''Bushe nikwisa wafuma?'' Kibili Satana wayasukile Yahweh nokulanda ,'' nafuma mukusabanta pesonde, ukufuma po nokubwelelapo nakabili palico.'' ⁸ Yahweh walandile kuli Sana ,'' Bushe ulimutontonkenyepo umubomfi wandi Yobo? Pantu takwaba umo nga wo pesonde ,wakubula mulandu kabili mwaume wakulungama, umo uutina Lesa kabili uwapilibuka ukufuma kububi.'' ⁹ Kabili Satana wayasukile Yahweh nokulanda, '' Bushe Yobo utinina Lesa apafye? ¹⁰ Bushe tawabika bucingo pali wo, pangánda yakwe, kabili pafyo akwata fyonse ukufuma mumbali shonse? Mwalipala ificitwa fyaminwe shakwe, kabili ifitekwa fyakwe fyali palangana mumpanga shonse. ¹¹ Lelo nomba tambululeni ukuboko kwenu kabili ikateni fyonse akwata, kabili moneni nga talapishe kumenso yeenu.'' ¹² Yahweh walandile kuli Satana,''Tekanya fyonsefyo akwata fili mukuboko kobe . Kuli wo fye umwine witambulula kuboko kobo .''kabili Satana walile ukufuma kucinso cakwa Yahweh. ¹³ Calishile kuba pabushiku bo, abana baume bakwe nabana banakashi bakwe bali kulya nokunwa umwangashi mungánda yamukulu wabo. ¹⁴ Intumi yalishile kuli Yobo nokulanda,''amakoli yangómbe yalikulima nabakalwe balikulya lubali lwa bo. ¹⁵ Kabili abena Sabe bawilile pali bo kabili balibapitile . Kubabomfi, balibapumine kukanwa kalupanga. Nebo nekafye mpusukile kuku myeba.'' ¹⁶ Ulo acili akolanda, naumbi walishile noku landa,'' Umulilo wakwa Lesa waliponene ukufuma umumyulu kabili wayocele impanga nababomfi. Nebo nekafye mpusukile kuku myeba.'' ¹⁷ Ulo acili akososa,naumba walishile kabili walandile,''Abena Chaldea balipangile amabumba yatatu ,ukusansa ingamila, kabili balishipitile. Kubabomfi, balibapumine kukanwa kalupanga. Nebo neka mpusukile kuku myeba.'' ¹⁸ Ulo wali akolonda, nomuliye nao walishile kabili walandile ,''Abana baume bobe nabana banakashi bobe balikulya nokunwa umwangashi mungánda yamukulu wabo. ¹⁹ Umwela wakosa walishile ukufuma mumatololo nokupuma ififutu fine ifya ngánda. Caponene pabana abanono, kabili balifwile . Nebo neka mpusukile kuku myebo.'' ²⁰ Elo Yobo waimine, walepwile umwingila wakwe wabeyele umutwe wakwe, ukulala icinso panshi pamushili, kabili wapepele Lesa. ²¹ Walandile,'' Nalyu bwamba ulo naishile kufuma munda muli mayo, kabili nkabobwamba ulo nkabwelela kulya. Ni Yahweh uwapele , kabili ni Yahweh uupitile lekeni ishina lyakwa Yahweh libe lya palwa.'' ²² Muli fyonse ifi, Yobo tacitile isambi nangula kutunga Lesa kukucita ububi.