¹ Icebo cakwa Yawe calishile kuli Yeremiya ulo sedekea imfumu yatumine pashi umwana mwaume wakwa Makiya elo na Sefania umwana mwaume wakwa maasia shimapepo kuli ena nokusosa ai. ² ''Fwaya ukupandwa amano ukufuma kuli Yawe palwa fwebo pantu nebukandnesari imfumu ya Babele akocita inkondo pali fwebo Limbi Yawe akocita ifipapwa pali fwebo nga kunsita shakale nokumuleka afume kuli fwebo ³ Kanshi Yeremiya asosele kuli bena ,'' ifi efyo mulingile ukusosa kuli sedekia, ⁴ Yawe . lesa asakwa Israeli , asosa ai, moneni nkobwesha ifipe fyabulwi ifili muminwe yenu ifo mukolwilako ne mfumu ya babele elo naba kaldi abakamisali mukati kafibumba pantu nkabalonganya pakati kumu somba. ⁵ Elo nebo nemwine nkalwa namwebo nokwimya ukuboko kaili ukuboko ukwakosa ne cipyo ubukali , elo ne cifukushi icikulu. ⁶ Pantu nkapakasa ifyakala mu musumba abantu nenama. Bakafwa umupwilapo kucikunka. ⁷ Panuma yaifi- cisemo cakwa Yawe sedekia imfumu yaba Yuda ababomfi bakwe , abantu elo naonse uwashala muli uno musumba penuma yali nkunka ulupanya elo ne cipowe nkabapela muminwe yamfumu ne mumaboko yabafwaya imyeo yabo elo akabepaya nolupanga takabomfwile uluse ukubaleka nangu ukubakwatila icikuku ⁸ Elo kuli aba bantu umfwile ukusosa ai,' Yawe asosa ai,'' Yawe asosa ai moneni nkobika ne nshila yamfwa. ⁹ Onse uukekala muli uno musumba akafwa kulupanga icipowe necinkunka lelo onse uukoya kunse nokuwa pamakufi kuba kaidi abamisalila ukekala umweo wakwe ukuba. ¹⁰ Pantu ndibikile icinso candi pali uyu musumba kukuleta amasanso cakwa Yawe calipeelwa mu kuboko kwamfumu ya ba bele elo akaoca ¹¹ Ulwa ng'anda yamfumu yaba yuda umfweni kucebo cakwa Yawe. ¹² Ing'anda yakwa Davide Yawe asosa ,'' leteni umulinganya ulucelo , pususheni umo uwapilitilwe kukuboko kwa ucesha , ngatefye icipyo candi cekoya ngomulilo elo nokoca elo tapali nangu umo uwakuushimya pamulandu wamicitile yenu iuakubembuka. ¹³ Lolesheni ifikala mumukonko ntali na webo uibwe lyamwilungu ici cisemo cakwa Yawe- ntali na onse uukososa ai'' Ninani akoisa kukutupakasa? Nangu '' Ninani akoingila mumayanda yesu?'' ¹⁴ Ndisuminishe icisabo camicitile yenu ukupinikana na mwebo icicisemo cakwa Yawe - elo akakosha umulilo umwakutikama elo ukoca ifyaushinguluka fyonse.