¹ Yawe angeba mfi,'' kabuye kashite insalu iyabusaka iyatelela nokukakaka mumusana obe, leelo wibala tumpinka mumenshi. ² Emfyo nailekushita isalu iyabusaka iyatelela ngemfyo Yawe angebele, elo naikaka namumusana wandi. ³ Elo nankaili ishiwi lyakwa Yawe lya ishile kuli nebo ayi, ⁴ ''Buula insalu yobe iya telela iyabusaka iyo washitile ilili musana obe kabuye nomba nokuya ku Perati. Parati bambi batiila Yufureti. Iisa nkulya kucilibwe mumulala. ⁵ Elo naimine nokuya belamika Perati, ngefyo Yawe ankonkomeshe. ⁶ Ulo papita inshiku ishingi Yawe asosa ayi,'' ima nokubwelela ku Perati kabuye nokusenda insalu iyo nakwebele ukuyabelamika.'' ⁷ Emfyo nabwelele ku Pereti uo batiila Yufureti. nokwimbalamu cilibwe umo nafishile nati mbone nayoneko ukonekelela ukwaluka iyafye. ⁸ ELo ishiwi lyakwa Yawe lyaishile kuli nebo ayi, ⁹ ''Yawe asosa ifi cimo cine emfyo nebo nkonaula umusumba wakosa uwafyango uwa kwa Yuda na Yerusalemu. ¹⁰ Aba bantu babi balikaneko ukumfwa kwi shiwi lyandi uwenda kukukosa kwa mitima shabo uuya kuli tu Lesa twabo nokutupepa nokutuk=fukamina-bakasanguka kwati niine isalu iisuma nokutolela fe ifyafe. ¹¹ Ngefyo iine insalu ikala mumisana wamuntu eico ndilengele bonse abang'anda bakwa Yuda ukukakata kuli nebo uku ekusosa kwakwa Yawe ukuba abantu bandi ukubwesha ukwishibikwa kwandi ukundumbanya nokucindika leelo tekuti bamfwe kuli nebo. ¹² Eico ufwile wasosa kuli bena,'Yawe Lesa wakwa Israeli asosa mfi: imitondo yonse ukeulamo umwangashi , Bakasosa kuli webo Bushe iciine imitondo yonse nokwiulamo umwangashi?'' ¹³ Eico sosa kuli bena ,' Yawe asosa ayi, mona, ndi nokwiushapo bucakolwa pa mwikashi onsefe muli ii ncende nenshamfumu ishakala pacipuna cakwa Davidi, nabashimapepo bakasesemanabonse abekashi bamu Yerusalemu. ¹⁴ Elo nkabaula umo no munankwe bashibo nabana capamo bonse uku ekusosa kwakwa Yawe- ntakabalangulukileko nangu ukubomfwila ubulanda, nebo ntakabaleke ukutana anaulwa. ¹⁵ Umfweni nokupoosako amano mwiba necilumba Yawe acisosa. ¹⁶ Peleni umucinshi kuliYawe Lesa wenu libe talati alete imfimfi olo tamutlati muipunune ku mpili icungulo bushiku. ¹⁷ Pantu imwe taamwaumfwe, nebo nakulalila mubumfinsolo pamulandu wacilumba cenu amenso yandi yakuloponyafe ifilamba nokuloosha ku menso pantu abantu bakwe balibatwelel mu busha. ¹⁸ "Sosa kumfumu nakuli inyina wakwa mfumu,' fulumukeni nokufuma pafipunafyenu ifya bufumu, pantu ifisote fyenu ifyayemba fili fulike kumitwe yabo. ¹⁹ Imisumba sha mu negebu baliseleko icakuti takuli nangu umo wakwusulako .Abena Yuda balebetwala mu busha, icakuti babatwalilila mu busha. ²⁰ Inuna amenso nakulolesha pali mbalya bakoisa ukufuma ku Kapinda kakukuso ngabantu beenu abo bamupeele kuli mwebo nga bantu abaali ababune kuli webo? ²¹ Bushe mukatilapo shani olo bakamwalukila nga Lesa abika kubantu abo mwaletontonkanya ukuti ebacibusa wenu? Bushe fyonse ifi tafili fya kutendeka kwa kukualipwa ubo mukamba ukumfwa ngabamipakololo kwati ninamayo pakulo umwana? ²² Elo wingasosa mumutima obe ,'' nindo ififintu filecitikila kuli nebo?'' cikaba nipamulandu wa bwingi bwa mampulu yenu pakuti amalaya bayemye nakabili naonaulwa. ²³ Bushe abantu baku kushi benga alula ukumoneka kwa nkanda yabo, nangu bushe imbwili kuti yayalula amabala yauko? nga kuti caba mfyo, imwe mwebene. nanguliine mwabelela ukucita ifyabipa tekuti mucite icisuma. ²⁴ Nomba nakuya kubasalanganya kwati mwela uuonaukafe uutulo mumatololo. ²⁵ Ifi efyo napeela kuli webo ne cakaniko ico nakulaile uku ekusosa kwakwa Lesa- pamulandu wakuti mwali mwalindekeleshe nokucetekela imilungu yabufi. ²⁶ Nebo ne Yawe nkamufwila imfwalo, nefyansoni fyenu fika moneka. ²⁷ NImbona ifya bunani fyenu mwacita, ububifi bwenu ubwabu cilende mumpili namumabala, nakabili nimbo na ifyabubifi fiine akalanda kuli webo Yerusalemu! pakapita inshiku shingi pakuti mukaluko nokuba uwawamishiwa?''