¹ aya emashiwi yakwa yeremia umwana mwaume wa kwa Hilikia, umo muli bashi - mapepo ba mu Anatoti mu calo ca kwa Benjamini. ² ishiwi lya kwa yawe lyalishile kuli ena mu nshiku sha kwa yosia umwanamwaume wa kwa Amon, imfumu ya mu yuda, mumwaka ³ walenga ikumi limo na shitatu mu kuteeka kwakwe. kabili cali fyofine mu nshiku sha kwa yehoyakimu umwana mwaume wa kwa yosia, imfumu ya mu yuda kukufikafye na mumweshi wa busano uwa myaka ikumi limo na umo iya kwa sedekia umwanamwaume wa kwa yosia imfumu ya yuda, ulo abantu ba mu yelusalemu basendelwe ukufuma mulya nga aba fungwa ⁴ ishiwi lya kwa yawe lyaishile kuli nebo, ukweba ati, ⁵ ''libefye nebo ntalakubumba webo mwifumo, nebo nalikusalile webo;. libefye webo taulafuma ukufuma mwi fumo nebo nalikushishishe; nalikucitile ukuba kasesema wa ku nko.'' ⁶ ''alalee, mwe shikulu yawe!" nebo nalyaebele ati, "Nebo ntaishiba ifya kulanda, ico nebo ndi mwaice sana'' ⁷ lelo yawe alyebele kuli nebo ukweba ati, 'Wilakweba ati, 'Nebo ndi mwaice saana'. webo walekuya kpnsefye uko nakutuma, kabili walekulanda consefye ico nebo na kukambisha! ⁸ wilakubatina bena, ico nebo ndi nobe nalekukupokolola - uku ekulanda kwa kwa Yawe ⁹ nolu yawe alifungulwile ukuboko kwakwe, alinyikete pa kanwa, kabili alilandile kuli nebo, ''Nomba , nebo ndibikile amashiwi yandi mu kanwa kobe. ¹⁰ Nebo nkokulashika webo mu bwa leelo ku nko na mabufumu, ku kushuula kabili nokutobolola, ku konaula no kulofya, ku kuula no kulimba ¹¹ ishiwi lya kwa yawe lyalishile kuli nebo, ukweba ati, ''Nindo ukomona, we yeremia?'' Nebo nalyebele ati, ''Nebo nkomona umusambo wa muamonde.'' ¹² yawe alyebele kuli nebo ati, '' Ulimwene bwino, ico nebo nkololekesha pa cebo candi kucicita ¹³ ishiwi lyakwa yawe lyalishile kuli nebo umukuwa cibili, ukweba ati, ''Nindo ukomona?'' nebo nalyebele ati, '' nebo nkomona mwipika ukokafiwa, uyo umuli ifikobilauka, ulisungeme ukufuma ku kuso.'' ¹⁴ Yawe alyebele kuli nebo ati, '' icinkuuka cikapomoka ukufuma ku kuso pali bonse abekashi ba muli ici calo ¹⁵ ico nebo nkokuta imitundu yonse iya ku mabufumu ya ku kapinda kaku kuso, Ekulanda kwa kwa yawe. Yena yakesa, cilaumo akabika icipuna cakwe pa mpongolo sha kwingililapo mu yerusalemu, kabili na pa misumba yonse iya mu yuda. ¹⁶ Nebo nkalanda ubupingushi kuli bena pali bonse ububi bwabo ubwa kunsula nebo, mu kocela ulubani ku milungu limbi, kabili mu kushishimuna ifyo ba pangile ku minwe yabo abene. ¹⁷ Eco ipekanye we mwine! imanina kabili no kulanda kuli bena conse ico nebo nkokukambisha webo. Wilaku kwinda pa mulola wabo, nangu nebo nkulenge ukwinde pa mulola wabo! ¹⁸ mona! ubwa lelo nebo ndikucitile ukubo musumba we linga, uluceshi lwa cela, kabili icibumba ca mukuba ku kupilikika icalo conse - ku kupilika ishamfumu sha kwa yuda, ifilolo fyakwe, bashimapepo bakwe, kabili na bantu ba mu calo. ¹⁹ Bena bakalekulwa nobe, lelo bena tabakakucifye webo, ico nebo nkalekuba nobe ku kukupokolola webo - uku ekulanda kwa kwa