¹ Paulo na Timoti, umubonfi wakwa Klisitu Yesu, kubantu bakwa Lesa abamushilo muli klisitu Yesu kubali mufilipi, kuli ba kangalila naba dikoni. ² Ukupalwa kwandi kube kuli mwebo no mutende uwafuma kuli Lesa na kuli shikulu Yesu klistu. ³ Ndetashe kuli Lesa mu kashita konse mulenjibukisha, ⁴ mukupepa, kwandi konse pamulandu wamwebo bonse ndepepa lyose no kusansamuka. ⁵ Pamulandu wakwikatana pamo mumbila nsuma ukufuma pa kubalilapo ukufika na nomba. ⁶ Mukuti watampile imilimo iya wama muli mwebo akafishapo ukafika na mubushiku bwa kwa Yesu klistu. ⁷ Kwena cintu calinga kuli nebo ukusakamana mwebo bonse. Pantu ndina mwebo mu mutima wandi. Aba ampana pamo nanebo mu kusenamina kwa mukukakwa kwandi mucifungo na mukulandila imbila nsuma. ⁸ Peka pantu Lesa ni kambone, pafyo milanguluka mwebonse muluse lwa kwa shikulu Yesu klisitu. ⁹ Ili epepo lyandi: Pakuti ukutemwa kwenu kwisule ukucishamo mukwiluka na mwishiba ¹⁰ mukuleka musuminishe ifyapulomo pakuti mwebo mube abapulamo mukuba abalungami, kabili abapwililika bukasuke bwafika ubushiku bwa kwa Klisitu, ¹¹ abaisulamo nefisabo fya bulungami fyaishila muli klisitu nakube ubukata no kutasha Lesa. ¹² Mwebamuninane, ndefwaya mwebo ukwishiba, ifyancitikila fyaishila mukukushishako imbila suma. ¹³ Peka ifyatumbukamo, ifikakilo muli klistu fyaisaba lubuto ukukumanafye muncende yonse yaba malonda ukufika na kuli bambi bonse. ¹⁴ Abengi pamulandu wa minyololo yandi cinkupiti waba munyinane bamo balamwenamo fimo muli shikulu ukushipa ukulanda ishiwilya kwa Lesa. ¹⁵ Bamo bashimikila Klistu pamulandu wambikishi nefikasa fyakutalika, nabambi pamulandu wakusamwa. ¹⁶ Bambi nabo bacita mukutemwa pakwishiba ukuti nacilwa pamo pakuti mbile imbila nsuma. ¹⁷ Nomba bambi bashimikila klisitu mulupato, temucishinka. Pakulundilako ubucushi palinebo muminyololo. ¹⁸ Nga kanshi cinshi? kanofye kumisango wonse-katwishi ngakufumakwitontonkanyo lwabipa nangu lituntulu, peka mulifi ndasansamuka, na kabili nakulasansamuka. ¹⁹ Elo ninjishiba ukuti ifikesa tumbukamo kukakulwa pa mulandu wa mapepo yenu naku kwafwiwa kuli mupashi wakwa Yesu Klisitu. ²⁰ Umwalola icakupembelela kwandi cisumino candi pantu nshakekatwe insoni, awe lelo ukuti mukupama konse, efyo nakale cali efyo nandakai nkapelela klistu mucinshi mumubili wandi, nangu mubumi, nangu mumfwa, ²¹ Pantu kulinebo ukuba no bumi ni klistu peka ukufwa busambashi. ²² Peka nganaba nomweo mumubili, ninshi ici kuli nebo mulimo wa kufusha fitwalo. Nicinshi ico ningasala? nshikishibe. ²³ Nebo nabikilwa kufintu fibili. Mfwaya kuya nokuba pamo na klistu, pantu ecawama, ²⁴ peka ukwikala mumubili ecisuma ukubapo mwebo. ²⁵ Peka pa kushinkisha ulwa ici, subilo nebo naishiba ati peka nkalaba pamo na mwebo bonse, mu kukula kwa kuli mwebo no kusansamuka mukucetetela, ²⁶ pakuti ukumfwa kwenu kufule muli klisitu palinebo pamulandu wakwisa kwandi napeka. ²⁷ Mwebo mwikale imikalile iwamina mbila nsuma yakwa Klisitu, nangu naisa nokumimona nangula ndikumbi, ndefwaya ukumfwa ifyakuti na mwinina abakosa mucitetekelo cambila nsuma. ²⁸ Mwebo mwiba abamwenso kucintu nangu cimo kufilwani fyenu. Ukukosa kwenu kuleba necishibilo cakubalanga, ukonaulwa kwabo lelo cikalanga ipusukilo lyenu-icafuma kuli Lesa. ²⁹ Pantu capelwa apabula amalipilo kuli mwebo muli Klisitu temukumusunafye, lelo nokuculila pali ena, ³⁰ peka nokuba abapilinkita kumokwine mwamwene muli nebo, nefyo muleumfwa muli nebo.