¹ Kale Lesa ali mukulanda kufikolwe fyesu ukupitila muli bakasesema iliyonse na munshila ishingi. ² Nomba muli shinonshita Shakulekelesha, alelanda kuli fwebo ukupitila mumwana umwaume, uwo asontele kube impyani yafintu fyonse. Nimu kupitila muli ena emo apangile ulwelele. ³ Ena elubuto lwalulumbi lwakwa Lesa, eulangilila imbela yakwe. Nakabili ewatitila fyonse pamo kwishiwi lyakwe. Panuma apanga ukuwamya kwa membu, aikele panshi kukuboko kwakulyo ukwalulumbi bwa pamulu. ⁴ Alisa aba ngo mukulu kuli bamalaika ngefyo ishina lyakwe lyaliwama ukucila amashina yabo. ⁵ Nangula ni kuli bamalaika nshi Lesa alandile, üli mwana wandi, ilelo ningisa naba umufyashi wenu''? Nangula nikuli bamalaikanshi alandile ukutila, "Nkaba wishi, nangula akaba umwana'? ⁶ Nomba nakabili, elo Lesa aletele mu calo, alandile, "Bonse bamalaika balingile ukulumbanya ena." ⁷ Palwa pali bamalaika alandile, ena eka eupanga imipashi shaba malaika, no umulilo wababomfi bakwe.'' ⁸ Elyo umwana alandile, '"icipuna cenu icabufumu, Lesa camuyayaya nomuyayaya. Ukuteka kwabufumu bwenu kuteka kwa mulinganya. ⁹ Webo watemwa ubulungami nokupata ububifi. Palico Lesa, Lesa wenu, alimisubu namafula yabusubo yansansa ukucila abanobe." ¹⁰ "Pakutampa, Shikulu, wakulile iciputa ca calo. Imyulu kubomba kwa minwe yenu. ¹¹ Fikonaulwa, elo imwe mukatwalilila. Fikakota ngo mukansu, nakabili fikapilibulwa ngo tuputulwa twansalu. ¹² Mukafifunganya ngo mukansu, lelo baka pili buka ngo tuputulwa twansalu. Nakabili mwebo tamucinja, nemyaka yenu yamuyayaya." ¹³ Lelo lesa nibamalika nshi alandileko inshita ili yonse ukuti, Ïkala kukuboko kwandi ukwa kulyo mpaka nkapange abalwani banu ifya kunyantapo amakasa yenu'? ¹⁴ Bushe imipashi shaba malaika yabubomfi, nabatumwa ukucingilila bonse aba kapyana ipusukilo?