¹ Ukufuma ku mukulu naku mwanakashi uwasalwa na bana bakwe, uyo natemwa mucishinka-na kuli nebofye, lelo nakuli bonse abo abakwata ukwishiba icishinka- ² pamulandu ne cishinka ico cashala muli fwebo nokuba cikaba nafwebo umuyayaya. ³ Icikuku, uluse, nomutende fikaba nafwebo ukufuma kuli Lesa Tata nokufuma kuli Yesu Klistu, umwana wakwa Tata, mucishinka na mucicetekelo. ⁴ Nasekelela apakalamba pakuti nakwata ukusanga abana bobe bamo abali mukwenda mu cishinka, ngefyo twapokelele ili funde ukufuma kuli Tata. ⁵ Napapata na webo we mwanakashi- tali ifyo nalelembela kuli webo ifunde lyandakai. Lelo nilyo lintu twakwata ukufuma pakutampa- ilyo tufwile ukutemwa umo nomunankwe. ⁶ Ici ecitemwiko, ico tufwile ukwenda naco ukulingana namafunde yakwe. Ili efunde, ngefyo waumfwa ukufuma pakutampa ukuti ufwile ukwenda muli ena. ⁷ Ba cabufi abengi baliya mu calo, no kusumina tabasumnina ukuti Yesu Klistu alishile muli bu mubili. Uyu ewa bufi ushasumina muli Klistu. ⁸ Ilolesheni palwenu, ukuti mwilufya ifintu ifyo bonse twabomba, lelo ico kuti mwapokelela icilambu capwililika. ⁹ Uyo onse uya kuntanshi nokutashala mukusambilisha kwakwa Klistu takwata Lesa. Uyo umo ushala mukusambilisha, uyu alikwata Tata nomwana umwaume. ¹⁰ Ngacakuti uli onse aisa kuli webo ushileta kusambilisha, wimupokelela mu ng'anda yobe nokumuposha wimuposha. ¹¹ Onse uyo uwamuposha aibika mu ficitwa ifibili. ¹² Nikwata ifintu ifingi ifyakulembela webo, lelo nshasubile ukubalembela napepepala na kashinshinka. Nangu cibefi, naleenekela ukwisa kuli webo nokulanda pa menso namenso, pakuti insansa shenu shikapwililike. ¹³ Abana bakwa nkashi obe uwasalwa bakuposha.