¹ Paulo na Timote, Ababomfi bakwa Klistu Yesu, ku bantu bonse abakwa Lesa abamushilo muli Klistu Yesu ababa ku Filipi, pamo naba kangalila elo naba fwilisha. ² Lekeni ukusenaminwa kube kuli imwe no mutende ukufuma kuli Lesa Tata wesu na Shikulu YEsu Klistu. ³ Ndatotela Lesa wandi inshita yonse namwi bukisha, ⁴ Lyonse, mwipepo lyandi lyonse pali imwe bonse, ukulapepa ne nsansa. ⁵ Pamulandu wabwampano bwenu mu mbila nsuma ukufuma pabushiku bwa pakubala ukushinta na nimba. ⁶ Ndi uwashinikisha muli cintu, ukuti uyo uwatendeke umulimo usuma muli imwe akatwalilela uku upwisha mpaka ubushiku bwakwa Yesu Klistu. ⁷ Cilifye bwino ine ukumfwa ifi pali imwe bonse pantu nalimikwata mu mutuma wandi. Bonse imwe mwaliba ababomfi banandi mu kusenaminwa monse mukufungwa kwandi na mukupokolola kwandi elo na muushinikisha kwa mbila nsuma. ⁸ Pantu Lesa nikambone wandi, fyo mfwaisha imwe bonse ne nkumbu shakwa Klistu Yesu. ⁹ Eico ili epepo lyandi; ukuti ukutemwa kwenu kupake mubwingi na mubwingi mukwishiba na mukwiluka konse. ¹⁰ Pakuti mwinga suminisha ifyawamisha, ne co mwingaba abacishinka kabili ababula umulandu mpaka ubushiku bwakwa Klistu, ¹¹ Ukwisushiwa ne cisabo cabulungami icisa ukupitila muli Yesu Klistu kubukata no kulumba Lesa. ¹² Nomba ndefwaya mwishibe bamuninane, ukuti ifyacitika kuli ine fyali pyunga mubu tantalisha imbila nsuma. ¹³ Eico iminyololo yandi muli Klistu yaishile palwalala ukupita mubalinshi bonse abaku cipango na kuli bonse. ¹⁴ Abengi muli bamunina nabakwata ukushi ninkisha ukukalamba muli shikulu pamulandu wa minyololo yandi, kabili nabakwata ukushipa mukusosa icebo ukwa bula umwenso. ¹⁵ Bamo icacine babila Klistu ukufuma mu kalumwa ne fikansa, na kabili bambi uku fuma mubusuma. ¹⁶ Abapanuma bacicita mukutemwa, Ukwidhiba ukuti mbikilwa muno muku pokolola ikmbila nsuma. ¹⁷ Lelo abakunuma babila Klistu muli bukaitemwe, te mucishinka. Batontonkanya ukuti bata cusha ine ulo ndi mu minyololo. ¹⁸ Cinshi nomba? cakuti fye munshila yonse -cibe nimubufi nangu mucishinka - Klistu alebilwa, na muli ici Ndasekelelela. ¹⁹ Eee, kabili Ndasekelela, Pantu nalishiba ukuti ifi fikatumbuka mu kukakulwa kwandi ukupitila mu mapepo yenu nobwafwilisho bwa mupashi wakwa Yesu. ²⁰ Kufwaisha kwandi subilo ukuti nshasebane munshila ili yonse, lelo no kushipa konse, nomba nga lyonse, Klistu alesumbulwa mu mubili wandi abe mubumi nangu mu mfwa. ²¹ Pantu ine ukuba nobumi ni Klistu nokufwa bunonshi. Lelo nga ningekala mu mubili, ico cilepilibula mulimo wakusandulula kuli ine. Lelo ico ninga sala? nshishibe. ²² Lelo nga ningekala mu mubili ico cilepilibula mulimo wakusandulula kuli ine. Lelo ico ninga sala? nshishibe. ²³ Pantu Ndi uwa fyanikwa pakakati ka fintu fibili; ²⁴ Ukukabila kwandi kuya nokuba na Klistu, icili ecawamishapo, Lelo ukushala mu mubili cikankala pa lwa imwe. ²⁵ Ukuba uwashinikisha pali ifi, Ningishiba ukuti Ndeshala nokukonkanyapo naimwe bonse, pa buyantanshi bwenu ne nsansa mu citetekelo, ²⁶ Pakuti muli ine mwinga kwata ifyakuitatishishamo ifingi muli Klistu Yesu ulo nkesa kuli imwe nakabili. ²⁷ Muisunge mwebene munshila iya linga ne mbila nsuma yakwa Klistu pakuti abe ngise mukumimona nangu nshilipo. Ningimfwa palwa imwe, ukuti mule iminina ndi mu mupashi umo, ne tontonkanyo limo ukushipikisha capamo mucitetekelo ca mbila nsuma. ²⁸ Mwiba abatina mu fili fyonse kubalwani benu. Ici ecilangililo cabo kuli bena mukonaulwa kwabo, Lelo nimukupusuka kwenu kabili ici kufuma kuli Lesa. ²⁹ Pantu calipelwa apafye kuli imwe pamulandu wakwa Klistu te paku suminafye muli ena, lelo noku cula palwa ena, ³⁰ Ukukwata ukupinkana kumo kwine uko mwa mwene muli ine, kabili nomba muleumfwa muli ine.