¹ Yesu aingile mu bwato ayabukila kwishilya, no kwisa ku nushi wakwe. ² Moneni, baleta kuli ena uwabulebe ba lala pa butanda. Pakumona icitetekelo cabo, Yesu alanda kuwa bulebe, "We mwana, keseleshiwa. imembu shobe nashelelwa." ³ Moneni, bamo pali bakalemba bayamba ukulanda abene, "uyu muntu aleitunga bu Lesa." ⁴ Yesu uwaishibe amatontonkanyo yabo atila, "Cinshi muletontonkanya ifya muselu mu mitima yenu? ⁵ Bushe cinshi icayangukapo, ukutila, "Imembu shobe shaelelwa, 'nangula, "Ims no kwenda?" ⁶ Lelo pakutit mwishibe ukuti umwana wa muntu alikwata insambu pa calo ichakwelela imembu,..." atile kuwa bulebe, "Ima, bula ubutanda bobe, kabili kabiye ku ng'anda." ⁷ Elyo uyu muntu aimine nokuya kumwakwe. ⁸ Ilyo ibumba lyamwene ici, lyakwete umwenso nuko lumbanya Lesa, Uwapele insambu shamusango uyu ku bantu. ⁹ Ilyo Yesu alepita filya, amwene umuntu uwe shina lya Mateo naikala mu ng'anda yamisonko. Alandile kuli ena, "Nkonka. "Alimine nokumukonka. ¹⁰ Ilyo Yesu aikele panshi mukulya mu ng'anda, moneni, bakasosnkesha bamisonko abengi naba bembu baishele bokulya na Yesu naba sambi bakwe. ¹¹ Ilyo aba Falise bamweni ici, balandile kubasambi bakwe, "Bushe nindhi kasambilisha wenu alelila naba mosonko naba bembu?" ¹² Yesu pakumfwa ifi, atile, "Abantu abatuntulu tabakakabila shing'anga kanofye abalwele. ¹³ Mufwile mwaya nokuyasambilila umo ici cilolele: 'Nkabila uluse telambo iyo.' Pantu nshiishile mu kwita abalungami nukulapila, lelo ababembu." ¹⁴ Elyo abasambi bakwa Yoani baishile kuli ena nokutila, "cinshi ifwe naba Falise lyonse tulafunga, lelo abasambi bobe tabafunga?" ¹⁵ Yesu sbrbrlr ati," Bushe abana abaume abale mu kufya kuti balaloosha nashibwinga ali nabo? Lelo inshita ikafika elyo shibwinga bakamusenda, lyena bakafunga. ¹⁶ Takwaba umuntu uubika akasalu akapfya pa mwingila uwakale, pantu icikamba cikalepula umwungila, no mwingila ukalepu nokucilapo. ¹⁷ Kabili takwaba abantu ababula umwangashi uupya noku ubika minsupa yamwangashi iyakale. Ngabacita ifi, insupa kutobeka, no mwangashi uketika, ne nsupa ikonaika. Lelo, babika umwangashi uupya mu nsupa iyisuma, nafyose fika sungwa bwino." ¹⁸ Pashita Yesu alelanda ifi fintu kuli bena, moneni, intungulushi yaishile nokwisa fukamina wena. Yatile, "Umwana wandi umukashana afwafye nomba line. lelo twendeni muyebikapo ukuboko pali ena, naena alaba umutuntulu." ¹⁹ Elyo Yesu aimine baya bonse, nabasambi nabo bakonka. ²⁰ oneni, umwanakashi uwacilile mukufuma umulopa pamyaka ikumi limo naibili aishile kunumalyakwe. ²¹ Pantu atile mumima wakw ati, "Ngacakuti naikatafye ku nsalu yakwe, ndeba bwino." ²² Lelo Yesu apilibwilke nokumomona, kabili atile, "We mwana mwanakashi, shipa, iicitetekelo cobe cakuposha." No uyu umwanakashi slipola pali ilya ine inshita. ²³ Ilyo Yesu aishile mu ng'anda yantungulusgi mwene abalelisha bamutolilo ne bumba lilepanga icongo icikalamba. ²⁴ Atile, "Kabiyeni, pantu umwana uyu umukashana tafwile, lelo alelefye." Lelo balimusekele kaile balamupumya. ²⁵ Ilyo ibumba balifumishe panse, aingile kumuputule nakumwikata kukuboko, nokukashana aima. ²⁶ Ne imbila yasalangene mu ncende yonse ilya. ²⁷ Ilyo Yeso alepita ukufuma kulya, impofu shibili ishaume shali mukonkele. Bakonkenyepo fye ukubilikisha baletile, "Tubeleleko uluse, Mwana Dabidi!" ²⁸ Ilyo aishile mu ng'anda, bampofu abaume ba ishile kuli ena. Yesu atile kuli bena, "Bushe namu cetekela ati kuti nacita ici?" Batile kuli ena, "Ee, shikulu." ²⁹ Elyo Yesu aikete amenso yabo kabili ati, "Lekeni cicitike kuli imwe ukukonka ne cicetekelo cenu," namenso yabo yaliswile. ³⁰ Elyo Yesu abakonkomeshe nokutila," Mumone ukutila kwiba nangu umo ukwishiba pali ici." ³¹ Lelo aba bantu bbabili baile balesabankanya ilyashi mu ncende shonse. ³² Lilyafye balya bantu babili balefumapofye, moneni, umuntu cibulu uwali ne ngulu bamuletele kuli Yesu. ³³ Ilyo ingulu bashitamfyamo uyu muntu cibulu alanda. Namabumba yali sunguka nokutila, "Ici tacalata acimonekapo mu Israeli!" ³⁴ Lelo aba Falise balelanda abati, "nimuli bukateka bwa fiwa, emo afunisha ifiwa." ³⁵ Yesu aile mu misumba yonse namu mishi. Akonkenyepo ukusambilisha muma Sunangoge yabo, ukushimikila imbila yabu fumu kabili ukuposha amalwele yonse namalwele ayapusana pusana. ³⁶ Ilyo amwene amabumba, abomfwilile inkumbu, pantu bali aba cushiwa kabili aba tompokwa. Bali kwati ni mpanga iyabula kacema. ³⁷ Atile kulasambilakwe, "ubulobololo bakalamba, lelo aba bomfi naba cepa. ³⁸ Eico mukwangufyanya pepeni kuli shikulu wabubololo, pakuti atume ababombfi mubulobololo bwakwe.