¹ Ilyo Yesu aleika panshi ukufuma ku lupili, ibumba likalamba lya limukonka. ² Moneni, umulema aishile kuli ena ukumutotela, asosa, "shikulu nga imwe mwatemwa, kuti mwa lenga ine ukusangululwa." ³ Yesu alitambalike ukuboko kwakwe elo uku mwikata, asosa, "nintemwa. Sangululwa." Apopene alisanguluka ku fibashi fyakwe. ⁴ Yesu atile kuli ena, "mona ukuti mwisosa nangu cimo ku muntu uuli onse, kabiye mu nshila yobe, kailange we mwine kuli ba shimapepo, elo langa ica bupe ico Mose akonkomeshe, pantu cilangililo kuli bena." ⁵ Ilyo aleisa ku Kapenamu umukalamba wa bashilika aishile kuli ena, ukumupapata, ⁶ elo asosa, "shikulu umubomfi wandi nalala mu ng'anda ali nobulebe alekalipwa icibi." ⁷ Elyo Yesu atile kuli ena, "ndeisa nokumuposha." ⁸ Umukalamba wa bashila alyaswike elo atile, shikulu nshilingile ukuti mwingile mu mutenge wa Ng'anda yandi. Soseni icebo elo umubomfi wandi alapola. ⁹ Pantu naine ndi muntu uwa sontwa ku balipaka elo nalikwata abashilika abanakila. Nsosa kuli uyu, 'kabiye,' alaya , elo na kuli umbi, 'isa,' elo na ku babomfi bandi, 'cita ici,' alacita." ¹⁰ Ilyo Yesu aumfwile ifi alipapuka elo atile na kuli abo abalemukonka, "icine nde sosa kuli iwe, nshatala sanga uuli onse icitetekelo ca musango uyu mu Israeli. ¹¹ Nde mweba, abengi ba kafuma ku kabanga elo na kumboshi, no ku kuwama kwitebulo pamo na Abulahamu, Isaki, na Yakobo, lmu bufumu bwa mumulu. ¹² Nomba abana baume ba bufumu bakafumamo no kwingila mu mfimfi, uko ukukaba ukulila no kusumanya ameno." ¹³ Yesu atile ku mukalamba waba shilika, "kabiye! Ico nausumina, cili nokucitikila iwe." Elo umubomfi ali poshiwa pali kalya kene kashita. ¹⁴ Ilyo Yesu aisa mu ng'anda yakwa Petelo, amwene na fyala wakwa Petelo nalambalala ku bu lwele bwa mpepo. ¹⁵ Yesu aikete ukuboko kwakwe, ne mpepo kuli ena yapwa. Lelo aliminine elo atampile noku batangata. ¹⁶ Ilyo cali cungulo abantu baletele kuli Yesu abengi abaiketwe ne ngulu. Alishifumishemo imipashi ku cebo no kuposha bonse abalwele. ¹⁷ Muli uyu musango walifikilishiwa ukuti ico ica soselwe kuli Esaya kasesema. ukutila, "Ena umwine alisendele ukunakuka kwesu elo na malwele yesu. ¹⁸ Nomba ilyo Yesu amwene ibumba na lumushinguluka ali ba pele amakambisho ukufumapo, ukuya kulubali lumbi kuli bemba wa Galili. ¹⁹ Elo kalemba aishile kuli ena nokutila, "kasambilisha nshi nokukukonka onse uuleya." ²⁰ Yesu atile kuli ena, "ba mumbwe bali na mendo, elo ne fyuni fyamulwelele fili ne finsa, lelo umwana wa muntu ta kwate apa kubika umutwe." ²¹ Na umbi umusambi atile kuli ena, "shikulu nsuminisha pakubala nje shika tata." ²² Nomba Yesu atile kuli ena, "nkonka, nokusha abafwa ba shike abafwa babo." ²³ Ilyo Yesu aingile mubwato, abasambi bakwe bali mukonkele mulya. ²⁴ Moneni, kulya kwaima ici mwela icikalamba pali bemba, no bwato bwalifimbwa na mabimbi. Lelo Yesu ali nalala. ²⁵ Nabasambi baishile kuli ena nlo ku mu busha ukusosa, "Tupusushe. Shikulu; twalafwa!" ²⁶ Yesu atile kuli bena, "ciinshi imwe muletina mwe ba citetekelo cinono?" Elo abukile no kukalipila umwela na benba. Elo kwali ukutalala ku kalamba. ²⁷ Abaume bali sungwike no kutila, Bushe muntu wa musango shani uyu uwakuti no mwela na bemba alemunakila?" ²⁸ Ilyo Yesu aisa ku lubali lumbi ku calo caku Gadara, abantu babili abalwele ingulu balimukumanya. Balefuma mu nshinshi elo bali abafi kansa icakuti takwali aba kupita kulya. ²⁹ Moneni, balilisha no kutila, "cinshi tufwile ukucita na iwe, umwana wakwa Lesa? Bushe wishile kuno ukutulungulusha apo inshita tailaisa?" ³⁰ Nomba umukuni uwingi uwa nkumba wali kulya ulelya, tawali ukutali sana ukufuma kuli bena. ³¹ Ingulu shakonkenyepo uku mu papatila Yesu no ku sosa, "Nga watufumya, tutumekulya ku mukuni wa nkumba. ³² "Yesu atile kuli bena, "Kabiyeni!" Ingulu sha fumine nokuya mu nkumba; elo moneni onse umukuni wa butukile panshi ya mukunkuluko wa lupili no kuya wila muli bemba nokufwila mumenshi. ³³ Abo abalekumba inkumba ba butwike no kuya mumusumba no kulanda fyonse, nokucilisha kukucitike ku baume abali ne ngulu. ³⁴ Moneni, umusamba onse walishile mukumanya Yesu. Ilyo bamumwene ena, bali mupapatila ukufuma mu citungu cabo.