¹ "Mwipingula, naimwe tamwakapingulwe. ² Pantu ubupingushi mupingula, mukapingulwa, napa cipimo ico mupina, cikapiminwa kuli iwe. ³ Nga ninshi ulolesesha akapapa kakutobola akali mu linso lyakwa munonko, lelo icimulando cili mi linso lyobe taucomona? ⁴ Kuti walanda shani kuli munonko, 'aunti leka mfumye akapapa akali mulinso lyobe, 'elyo icicmulando cili mu linso lyobe? ⁵ We wa bumbimunda! Pakubala fumya icimulando mu linso, elo ulemona bwino pakufumya akapapa kali mu linso lyakwa munonko. ⁶ Mwipela ici ica mushilo ku mbwa, kabili mwiposa ubulungu bwa mutengo ku nkumba. Pantu kuti shanyantaula na makasa, kabili no kupilibuka no kulepanda mu tupimya. ⁷ "Lomba, kabili calapelwa kuli iwe, fwaya, kabili calasangwa. Konkosha, kabili calaiswila kuli iwe. ⁸ Pantu onse ulomba, alapokelela, na onse uufwaya alasanga; naku muntu uwakonkonsha, aleswilwa. ⁹ Nani pali imwe, ngo mwana alomba umukate, bushe alamupela ilibwe? ¹⁰ Nangu alomba isabi, bushe alamupela insoka? ¹¹ Eico, imwe mwe mbifi nga mwaishiba ukupela abana benu ifya bupe ifisuma, pali bufi shinwe wa mu mulu akacishapo nganshi ukupela ifisuma kubamulomba? ¹² Eico, fyonse mufwaya ukti abantu bacita kuli imwe, efyo naimwe mucite kuli bene, pantu ici mafunde na bakasesema. ¹³ Ingileni pa mpongolo ya kamfyemfye. Pantu impongolo yasalala kabili inshia yapabuka iitwala ku boni, kabili bantu abengi abapitamo. ¹⁴ Nomba impongolo yakamfyemfye ne nshila iyi intu yashupa eitwala ku mweo, banono baisanga. ¹⁵ "Cenjeleni naba kasesema babufi, abesa kuli imwe mu fyakufwala fya mpanya lelo icine cine mimbulu ya kutukanya. ¹⁶ Ku fisabo fyabo eko mukabeshibila. Bushe abantu kuti basaba imyangashi ku myunga nangu imikungu kuli bacilasa? ¹⁷ Munshila imo ine, umuti onse uusuma utwala ifisabo ifisuma, no muti uubi utala ifisabo ifyabipa. ¹⁸ Umuti uusuma tekuti utwale ifisabo ifyabipa, nangula umuti uubi utwale ifisabo ifisuma. ¹⁹ Umuti onse ushitwala ifisabo ifisuma ukatemwa nokuposwa mu mulilo. ²⁰ Awe mukabeshibila ku ifisabo fyabo. ²¹ Te onse utila kuli ine, 'Tata, Tata,' uukengila mubufumu bwa mu mulu, kano fye abo abacita ubufwayo bwkwa tata wa mu mulu. ²² Abantu abengi bakatila kuli ine muli bulya bushiku, 'shikulu, shikulu, bushe tatwaseseme mei shina lyenu, mwe shina lyenu twatamfishe ifibanda, kabili mwi shina lyenu ifisungushi? ²³ Kabili iylo nkasosa skuli bena, nshanwishibe imwe! Fumine apa mwebacita amampulu. ²⁴ "Eico onse uumfwa ifywbo fyandi nokufikonka aba ngo umwanaume wamano uwakulile ing'anda pa libwe. ²⁵ Imfula yaliponene panshi, mulamba alishile, ne cimwela calipupile no kuponena pa ng'anda , lelo ing'anda tayawile, pantu yakulilwe pa libwe. ²⁶ Lelo onse uumfwa amashiwi yandi kabili taleyakonka akaba ngo muntu icipumbu uwa kulile ing'anda pa mucanga. ²⁷ Imfula ya penena panshi, mulanda aishile, ne cimwela calimine no kupuma ing'anda, nokuwa, ekwali ekubongoloka kwa iko." ²⁸ Kabili iylo apwishishe ifyebo ifi, amabumba yalipapile ku misambilishe yakwe, ²⁹ pantu alebasambilisha ngo waba na maka, kabili te pamo nga bakalemba wabo.