¹ "Cenjeleni ukuti mwicita imilimo yenu iya bulungami ukuti abantu bamumone, pantu tamwakakwate icilambu ukufuma kuli shinwe uwaba mu mulu. ² Ilyo mwapela ifya nkumbu, mwilisha intandala kuli mwebene ngefyo ba mumbi munda bacita mu ma Sinagogi na mu misebo, ukuti bacindikwe nabantu. Cine nalanda kuli imwe, naba pokelela icilambu cabo mukupwililika ³ Lelo ilyo mwapela ifya nkumbu, mwileka ukuboko kwa kukuso kwishibe ifyo ukuboko kwa kukulyo kulecita. ⁴ "Pakuti ifya nkumbu fyenu finga pelwa munkama. Elyo shinwe umona munkama aka mulambula. ⁵ "Ilyo mulepepa, mwiba nga ba mumbi munda, pantu batemwa ukwiminina nokupepa muma Sinagogi na mufifuti fya misebo ukuti babamone ku bantu. Cine nalanda kuli imwe; naba pokelela icilambu cabo. ⁶ Lelo imwe, Ilyo mulepepa ingileni mu muputule wenu uwa mukati. Isaleni icibi no kupepa kuli shinwe, uwaba munkama. Elyo shinwe uumona mu nkama aka mulambula imwe. ⁷ Ilyo mulepepa, mwisosa cisose sose noku bwelela muli fimo fine ngefyo abena fyalo bacita, ba tontokanya ati balabomfwa pa mulandu wa mashiwi yabo ayengi. ⁸ Eico mwiba nga bena, pantu shinwe alishiba ifinti ifyo mufwaya ilyo tamula mulomba. ⁹ Eico pepeni amuti, "Tata wesu mu mulu lekeni ishina lyenu libe ilya cindikwa nge lya mushilo. ¹⁰ Lekeni ubufumu bwenu bwise. Lekeni ubufwayo bwenu bucitwe pano isonde ngefyo mu mulu mwaba. Tupeleni lelo mukate wa nshiku shonse. ¹¹ Tupeleni lelo umukate wa nshiku shonse. ¹² Tweleleni ku misha yesu, ngefyo naifwe twelela abatukwatila imisha. ¹³ Mwituleta mu kweshiwa, lelo mututule ukutufumya ku mubifi." ¹⁴ Nga mwaelela abantu impulumushi, shinwe uwa mumulu nao aka mwelela. ¹⁵ Lelo ngatamwelele impulushi, shinwe uwa mumulu nao aka mwelela. ¹⁶ "Ilyo mwaleka ukulya, mwikwata icinso ca bulanda ngefyo ba mumbi munda bacita, pantu bafinya pa menso pakuti abantu ba mone ati nabaleka ukulya. Icine nasosa kuli imwe, naba pokelela icilambu cabo mukupwililila. ¹⁷ Lelo iwe, Ilyo waleka ukulya, suba umutwe obe no kusamba pa menso ¹⁸ ukuti cimoneka kuli bambi ukuti na uleka ukulya, kano kuli wiso uwaba munkama; na wiso umona munkama aka kulambula. ¹⁹ "Mwilonganika ifyuma fyenu pano isonde, apo ifi pelebesha ne ndalawa fyonaula, naba pupu ba toba no kwiba. ²⁰ Lelo, Longanikeni ifyuma mu mulu, umo nangu fipelebesha ne ndalawa teti fyonaule kabili umo aba pupu taba toba no kwiba. ²¹ Pantu ukuli ifyuma fyenu, eko no mutima wenu ukaba ²² Ilinso e nyali ya mubili. Eico, nga ilinso lyobe lili bwino, umubili onse na wisulamo no lubuto. ²³ Nomba nga ilinso lyo libi, umubili obe onse na wisulamo ne mfifi. Eico nga ulubuto ululi muli iwe nga ni mfifi, ifyo ya fitisha iyo imfifi! ²⁴ Takuli unga bombela ba shikulu babili, pantu kuti apatapo umo no temwa umubiye, nangu kuti aipela kuli umo nokusula umubiye. Teti ubombele Lesa no bunonshi. ²⁵ Eico ndesosa kuli imwe, mwisakama palwa mweo wenu, ifyo mwalaya nangu ifyo mwalanwa: nangu pa mulandu wa mubili wenu, ifyo mwala fwala. Bushe umweo tawacila ifyakulya, no mubili ukucila ifyakufwala? ²⁶ Moneni ifyuni mulwelele, tafitanda nangu ukusepa nangu ukulonganika mu matala, lelo shinwe wa mumulu ala filisha. Tamwaba no mutengo ukucila fyene? ²⁷ Ni nani pali imwe uwo ukusakamana kunga lunda umulingo pa myaka ya mweo wakwe? ²⁸ Ninshi mwasakamanina pa kufwala? Tontokanyeni pali ba cananika ba mumpanga, ifyo bakula. Taba tukuta, kabili tabapikula nsalu. ²⁹ Eco ndesosa kuli imwe, nangu Solomoni muli fyonse ubukata bwakwe tafwikilwe nga cimo palifi. ³⁰ Nga Lesa kuti afwika ifyani fya mu mpanga, ifyo ifibapo lelo kabili mailo fya poswa mu mulilo, nga imwe ca cilapo ukumufwika, mweba cicetekelo ica cepa? ³¹ Eico mwisakamana nokusosa, 'Twalalya inshi?' Nangu 'Twalanwa inshi?' nangu 'Twalafwala finshi?' ³² Pantu abena fyalo bafwaya ifi fintu na shinwe wa mumulu alishiba ati mulafikabila. ³³ Nomba fwayeni icakubalilapo ubufumu bwakwe no bulungami bwakwe, na fyonse ifi fikapelwa kuli imwe. ³⁴ Eico, mwisakamana pali mailo, pantu mailo ikaisakama iyine yeka. Cilabushiku bwali kwata ifingi ifibi fya buko.