¹ Elo Yesu atungulwilwe no mupashi ukuya mu matololo ku kutunkwa na kasebanya. ² Ilyo alekele ukulya inshiku amakumi yane akasuba no bushiku, aliiketwe ne nsala. ³ Katunka aishile nokutila kuli ena, ''Nga uli mwana mwaume wakwa Lesa, eba aya mabwe ukwaluka umukate. ⁴ Lelo Yesu amwaswike no kutila kuli ana, ''Calilembwa aciti, 'umuntu teti ekalile ku mukate weka, lelo ku cebo conse icifuma kukanwa kakwa Lesa.'' ⁵ Elo kasesebanya amutwele pa musumba wa shila no kumutwala pakansoshi pacikulwa ce tempele, Kabili atile kuli ena, ⁶ ''Nga uli mwana mwaume wakwa Lesa, Ipose we mwine panshi, pantu cali lembwa aciti, Akeba ba malaika uku kusunga; kabili, 'Bakakwimya mu maboko yabo pakuti tauipunwine ulukasa lobe kwilibwe.'' ⁷ Yesu atile kuli ena, ''Nakabili cali lembwa aciti, 'Wila esha shikulu Lesa Obe.'' ⁸ Nakabili kasebanya amutisele pamulu palupili ulwasansamisha no kumulanga amabufumu yonse aya calo no bukata bwayako bonse. ⁹ Atile kuli ena, ''Fyonse ifi fintu ndekupela, nga wawa panshi noku shinshimuna ine.'' ¹⁰ Elo Yesu atile kuli ena, ''Fuma pano, kasebanya! pantu calilembwa aciti, uleshinshimuna shikulu Lesa obe, kabili ekafye eo mwakulapyungila.'' ¹¹ Elyo Kasebanya amushile, kabili moneni, bamalaika baishile no kupyungila ena. ¹² Nomba ilyo aumfwile ukuti Yoani na bamwikata, afumineko nokuya ku Galili. ¹³ Afumine ku Nazareti kabili aile no kwikala mu kape namu, iyo iyaba mululamba lwa Bemba wa Galili mu mipaka yakwa Sebuluni na Nafutali. ¹⁴ Ifi fyacitike mukufikilisha ku fwasoselwe na Esaya kasesema, ¹⁵ ''Icalo cakwa Sebuluni ne calo cakwa Nafutali, ukulola kuli bemba, kwishilya lya Yodani, Galili wabena fyalo! ¹⁶ Abantu abaikele mu mfimfi bamona ulubuto ulukalamba, kabili kuli abo abaikele mucipalalwa ne cinshingwa ca mfwa, pali bena epo lubuto lwimine.'' ¹⁷ Ukufuma ilya nshita Yesu atendeke uku shimikila nokusosa ati, ''Lapileni, pantu ubufumu bwa mumulu bwaisa mupepi.'' ¹⁸ Lilya ale enda mululamba lwa Bemba wa Galili amwene bamunina babili, Simoni uwitwa Petero, na Andreeya munina baleposa isumbu pali besambi. ¹⁹ Yesu atile kuli bena, ''Iseni, nkonkeni, kabili nalamulenga ukuba abalondo ba bantu.'' ²⁰ Palya pene bashile amasumbu noku mukonka. ²¹ Ilyo Yesu aleya pantanshi ukufuma palya amwene nabambi bamumina babili Yakobo umwana mwaume wakwa Sebedi, na Yoani munina, Bali mu bwato na Sebedi wishibo balelunda amasumbu yabo. Ali betile, ²² na palyapene balishile ubwato na wishibo kabili balimukonkele. ²³ Yesu aile monse mu Galili, alesambilisha muma sunagoge, ukushimikila imbila nsuma yabu fumu no kulaposha imisango ya kulwala konse na malwele yonse pa bantu. ²⁴ Ilya pali ena lyaile mu Silia monse, na bantu baletele kuli ena bonse abo aba cushiwe ku malwele yalekana lekana no bukali bonse, abo abawilwa ne ngulu, abacipumputu, naba bulebe. Yesu alibaposeshe. ²⁵ Amabumba yakalamba yamukonkele ukufuma ku Galili Dakapoli, Yerusalemu, na Yuea, na kwishilya lya Yodani.