¹ Ulo Yesu na basambi bakwe bapalamine ku Yerusalemu ni kwisa ku Betifage, ku lupili lwa Olife, elo Yesu atumine abasambi babili, ² no kutila kuli bene, ''kabiyeni mu mushi ukonkelepo, kabili mkwangufyanya mulesanga punda nakulikwa kulya, na kamwana kakwe. mubakakule no kubaleta kuli ine. ³ Nga umo asose acili conse kuli imwe pali ici, musose ukuti, 'shikulu alefikabila, kabili ulya muntu akafituma mukwangufyanya na imwe.'' ⁴ Nomba calishile ukutila icasoselwe ukupitila muli kasesema cingafikilishiwa. Atile, ⁵ ''Sosa ku bana banakashi baku sioni, 'mona, imfumu yobe ileisa kuli iwe, Iyafuka no kwendela pali punda- pa kamwana, umwana wakwa punda.'' ⁶ Elyo abasambi baile no kucita nga fintu Yesu abebele. ⁷ Baletele punda na kamwana na, ukubikapo amalaya yabo, kabili Yesu aikele pa malaya yabo. ⁸ Na bengi mwi bumba bayanshike amalaya yabo pa musebo, kabili bambi batemene imisambo ku fimuti no ku itambalika mu musebo. ⁹ Elyo amabumba yamutangilile Yesu nabo aba mukonkele balebilikisha ukuti, ''Hosana ku mwana mwaume wakwa Dabidi! Aba uwapalwa uyo uwishila mwishina lya kwa shikulu! Hosana mu myululu lyapulamo!'' ¹⁰ Ilyo Yesu aishile mu Yesrusalemu, onse umusumba wasunkene no kutila, ''Nani uyu?'' ¹¹ Amabumba yali asuka, ''uyu ni yesu kasesema ukufuma ku Nazareth mu Galilea.'' ¹² Elyo Yesu aingile mwi tempele. Atamfishe bonse abo abaleshita na ukushitisha mwi tempele, apili bwile ifintamba fyabakacinja wa ndalama na ifipuna fya abo aba leshitisha inkunda. ¹³ Atile kuli bene, ''calembwa aciti, ''inganda yandi ikalaitwa inganda yamapepo, 'lelo imwe mwaicita icifulo cabapupu.'' ¹⁴ Elyo impofu na icilema fyaishile kuli wene mwi tempele, kabili ali bondepe. ¹⁵ Lelo bashi mapepo mukulamba na bakalemba bamwene ifintu ifyakubasungusha ifyo acitile, kabili uli baumfwile abana abanono balepunda mwi tempele baletila, ''Hosana ku mwana umwaume wakwa Dabidi, '' balifulilwe apakalamba. ¹⁶ Batile kuli bene, ''Bushe naumfwa ifyo balesosa?'' Yesu atile kuli bene, ''ee! lelo bushe tawabelenga ukuti, 'ukufuma mu tunwa twa bana banono na utunya utonka emo mwapekanya amalumbo?'' ¹⁷ Elyo Yesu abashile, na ukulya ku musumba wa Betani kabili asendeme ubushiku kulya. ¹⁸ Nomba ulucelo ulo alebwela ku musumba, ali ne nsala. ¹⁹ Ukumona icimunti camukunyu mumbali ya musebo, aile kuli cena kabili tasangile icintu, ''takwakabe lelo amabulafye. Atile kuli cena, ''takwakabe icisabo kuli lwe nakabili, ''kabili mukwangu icimuti ca mukunyu calipulwile. ²⁰ Ulo abasambi bacimwene, balisungwike na ukutila, ''Bushe capulila shani icimuti mukwangufyanya? ²¹ Yesu aliyasuka nokusosa kuli bene, ''icine ndesosa kuli webo, ngauli ne citetekelo kabili taukwete ukutwishika, tawacite icacitilwe kuli ici icimuti camukunyu, lelo ukasosa nakuli ulu ulupili, ''imishiwa na ukuposwa muli bemba, kabili cikacitwa. ²² Conse ico ukalomba mwi pepo, nausumina, uukapokelela.'' ²³ Ulo Yesu aishile mwi tempele, kwaishile bashimapepo bakalamba na intungulushi sha bantu kuli wene ulo alesambilisha no kutila, ''Nikunsambu nshi wacitila ifi finti, kabili nani akupele ishi insambu?'' ²⁴ Yesu ayaswike na ukusosa kuli bene, naine nalamipusha ilipusho limo ngamwanjeba, nalamyeba kunsambu ncitila ifi fintu. ²⁵ Ulu batisha lwakwa Yoani- nikwi lwafumine? lwafumine ku mulu nangu ku bantu?'' Balanshenye pakati kabo, ukutila, ''ngatwasosa ukuti, ukufuma ku mulu, 'alasosa kuli ifwe, ''cinshi nomba mushamusuminine?'' ²⁶ Nomba ngatwasosa ukuti, ''ukufuma kubantu, 'tutine ibumba, pamulandu bamwene Yoani nga kasesema.'' ²⁷ Elyo bayaswike Yesu na ukusosa ukutila, ''Tatwishibe.'' Kabili atile kuli bene, ''shamyebe ku nsambu ncitila ifi fintu. ²⁸ Nomba muletontokanya inshi? umuntu akwete abana abaume babili. Aile ku wantantashi na ukuso ukutila, 'we mwana mwaume kabiye mukubomba ilelo mwibala lya myanhashi. ²⁹ ''Umwana mwaume ayaswike no kusaso ukuti, 'inshaye, 'lelo panuma apilibwile amano yakwe nokuya. ³⁰ ''Elyo umwaume aile ku mwana mwaume wa cibili no kusosa cimo cine. Ayaswike na ukusosa ukuti, Nalaya, mukwi, lelo taile. ³¹ Pali aba abana abaume nani wacitile ukufwaya kwa kwa wishi?'' Batile, ''wantashi. ''Yesu atile kuli bene, ''icine ndesose kuli imwe, abasangushi na bacilende bakengila mu bufumu bwakwa Lesa ilyo tamulaingila. ³² Pantu Yoani aishile kuli imwe munshila ya bulungami, lelo tamwasumine muli ena, Lelo abasangushi naba cilende balimusumine. lelo imwe nangu mwamwene ici, talimusumine panuma no kumusumina.' ³³ ''Imfweni ku mulumbe na umbi. kwali umwaume, umwine we bala. Alibyele ibala lya myangashi, ashingulwisheko na ulupango, alimbile icilindi cakutinamo umwangashi, bakulile ulupungu, kabili asonkeshe ku balimi ba myangashi. Elyo aile ku calo cimbi. ³⁴ Ilyo inshita yakosombola ifisaba ya palamine, atumine bamo ababomfi ku balimi mukusenda ifisabo fyakwe, ³⁵ Lelo abalimi ba myangashi basendele ababomfi bakwe baumine umo, umbi bamwipaya, kabili umbi bali mutoba. ³⁶ Nakabili umwine atumine nabambi ababomfi, ukucila abo atumine intanshi, lelo kabalimi ba myangashi babacitile cimo cine. ³⁷ Panuma yaifi, umwine atumineko umwana wakwe umwaume kuli bene, atile, 'Bakamucindika umwana wandi umwaume.'' ³⁸ ''Lelo ulo abalimi bamwangashi bamwene umwana, basosele pakati kabo ukutila, ''uyu empyani iseni, natumwipaye kabili na ukupokolola ubupyani.'' ³⁹ Eco bamusendele no ukumuposa kunse ye bala lya mwangashi na ukumwipaya. ⁴⁰ Nomba umwine we bala lya mwangashi nga aisa, akacita shani kuli abo abalimi bamwangashi?'' ⁴¹ Basosele kuli ena, ''akabonaula abo bantu abankalwe munshila iyabipisha, kabili akasonkensha ibala lya mwangashi kuli bambi abalimi ba myangashi, filimwa pa nshita yakusombola.'' ⁴² Yesu atile kuli bene, ''Bushe tamwabelenga mu malembo, 'ilibwe ilyo bakakula basulile lyalengelwe icibwe iya pa cifutu. ifi fyafumine kuli shikulu, kabili cakusungusha mu menso yesu? ⁴³ Eco ndetila kuli imwe, ubufumu bwakwa Lesa bukapowa kuli imwe kabili bukapelwa kuluko lukalatwala ifisabo fya luko. ⁴⁴ Uyo onse uwaponena palibwe ili akatobaulwa mu tupimfya uyo likaponrna akashonaulwa. ⁴⁵ Ulo bashimapepo bakalamba na ba Pharise baumfwile imilumbe baiwike ukutila alelanda pali bena. ⁴⁶ Ukufwaya ukumwikata, batinine ibumba pantu abantu bamwishibe ukuti ni kasesema.