¹ Pali ilya nshita abasambi baishile kuli Yesu no kutila, ''Ninani umukulu mu bufumu bwa mu mulu?'' ² Yesu aitile umwana umunono kuli ena, no kumubika mukati kabo, ³ No kutila, ''Ndemweba icin, nga tawalwike no kuba nga abana banono, iwe tawakengile mu bufumu bwa mumulu nakalya. ⁴ Eico, ulyo onse aicefya no kuba ngo mwana umunono uyu emukalamba sana mu bufumu bwa mu mulu. ⁵ Uyo onse uwapokelela umwana umunono nga uyu mwishina lyandi ninshi apokelela ine. ⁶ Lelo uyo onse uwulenga umo uwa muli aba abanono abo abasumina muli ine ukuipununa, kuti cayana uyo ukukakwa ne cilibwe, kabili wene akebishiwe pe tenga lya bemba. ⁷ ''Akalanda kwi sonde pamulandu na mabwe ya kuipununako! ico cili cikankala ukuti ayo mabwe ya kuipununako yese, lelo kalanda kuli uyo muntu uyo aya mabwe yakuipununako yaleishilamo. ⁸ Nga ukuboko kobe nangu ukukasa lobe lwakulenga ukuipununa, kuputule noku ku posa ukufuma kuli iwe. Cayana iwe ukwingile mu mweo wa pee uwaputulwa icilundwa nangu umulema ukucila ukuposwa mu mulilo wa pee na maboko yabili nangu amakasa yabili. ⁹ Nga ilinso lyonse lyakulenga ukuipununa, litonkole no kuliposa cayana iwe ukwingila mu mweo wa pee ne linso limo ukucila ukuposwa mu ngehena ya mulilo na menso yabili. ¹⁰ Mumone ukuti ati tamulecisha nangu umo pali aba abana banono. Pantu ndemweba ukutila ba malaika babo mu mulu lyonse batamba icinso ca kwa tata uyo uwaba mumulu. ^{11 12} Ni finshi muletontonkanya? nga umo nakwata impaanga umwanda umo, kabili limo pali shene lyaluba, bushe teti ashe shilya ishili amakakumi pabula na pabula pa mbali ya mulundu no kuya alefwaya ilya imo iyilubile? ¹³ Nga ena aisanga, ndemweba icine nati, ena alasekelela pali iyo ukucila shilya amakumi pabula na pabula isho ishishaciluba. ¹⁴ Munshila imoyine, tebufwayo bwa kwa wishinwe mu mulu ukuti umo pali aba abana banono abe uwakuloba. ¹⁵ ''Nga munyinane akubembukila, kabiye no kulanshanya nankwe iwe na wene epela. Nga cakuti atesha kuli iwe, ninshi iwe naunonka munonko. ¹⁶ Lelo ena nga tomfwile kuli iwe, sendapo umo nangu nabambi babili pamo na iwe pakutila kutunwa twa bantu babili nangu ubunte bwa batatu cila cebo cishininkishiwe. ¹⁷ Kabili ena nga akana ukumfwa kuli bene, twala umulandu ku cilonganino. Kabili nga akana ukufumfwa ku cilonganino, lekeni uyo obe kuli imwe nga umwina fyalo kabili umusangushi. ¹⁸ Ndemweba icine nati, icintu conse ico mwakaka pa calo cikaba icakakwa na ku mulu kabili icintu conse ico mwakakula pa calo cikaba ica kakulwa na ku mulu. ¹⁹ Nakabili ndemweba, nga imwe babili mwasumininshanya pano calo palwa cili conse ico mulelomba, Tata uyo waba mu mulu ali nokumicitila ico. ²⁰ Ico epo babili nagu batatu balongene pamo mwishina lyandi, nanine ninshi ndi pakati kabo.'' ²¹ Elo Petelo aishile ni kutila kuli Yesu, ''Shikulu, nipamiku inga munyinane enga membukila kabili nokumwelela? Bushe ni pamiku cine lubali? ²² Yesu atile kuli wene, ''Nshilekweba pa niku cine lubali, lelo pa niku amakumi cine lubali ne miku cine lubali. ²³ Eico ubufumu bwa mu mulu bwapalana ne mfumu imo iyo yalefwaya ukwishiba ifyo abasha bakwe babomfesha indalama. ²⁴ Lulya yatendeke ukupitulukamo, umubomfi umo bamuletele kuli yene uyo uwakongweleko amakana imyanda mushila ayandama. ²⁵ Lelo ico takwete inshila ya kabweseshamo, shikulu wakwe amupingwile ukushitiwa, pamo no mukashi wakwe na bana kabili na fyonse efyo akwete, kabili na malipilo ukucitwa. ²⁶ Eco umubomfi awile panshi, amufukamine, kabili atile, ''Shikulu mpeniko inshita kabili ndinokulipila shonse isho nakongwele.' ²⁷ Eco na shikulu wakwa ulya mubomfi, ico ena aiketwe ne nkumbu, amulekeleko kabili alimwelela Imisha amukwatile. ²⁸ Lelo umubomfi afuminepo kabili asangile umo pa babomfi banankwe, uyo wamukwatile imisha indalama umwanda umo. Ena amwikete, atendeke ukulamukama pa mukoshi no kutila, Lipila inkongole.' ²⁹ Lelo umubomfi munankwe awile panshi no ku mupapata, ukutila mpelako akashita nkakulipila imisha yobe. ³⁰ Lelo umubomfi wa kubalilapo alikana. Eco kanshi, ena aposele mumbiye mu cifungo ukudukafye ilyo akalipila imisha yakwe. ³¹ Ilyo ababomfi banankwe bamwene ifyacitike, bena balifulwa icibi. Bene baishile eba shikulu wabo fyonse ifyacitike. ³² ''Elyo shikulu wa ulya, mubomfi amwitile nokutila kuli wene, iwe we mbifi ya mubomfi, ine nalikwelela imisha shonse shilya pantu walipapata kuli ine. ³³ Bushe nga tawakwatile umubomfi munobe, uluse ifyofye ine nakukwetile uluse iwe?' ³⁴ Shikulu wakwe alifulwa kabili amupele ku nimwe imisha isho akongwele. ³⁵ Eco nefi efyo Tata uwa mumulu akacita kuli imwe nga cakuti tamwele elela munyina ukufuma pa mutima wenu.