¹ Yesu aitile abasambi bakwe ikumi limo nababili kabili nokupela amaka pa mipashi iyakowela, ''Ukuitamfya, kabili nokuposha amalwele aya yonse. ² Nomba amashina ya basambi ukumi limo na babili yali ni aya Umutanshi, Simoni(uo aleitwa ukuti Petero), Kabili Andrea munyina; Yakobo umwana mwaume wakwa Sebeti, kabili Yoani munyina, ³ Filipo, kabili batolomeo; Toma kabili Mateo kasonkesha wa misoko, Yakobo umwana mwaume wakwa Alfeo kabili ta Deo; ⁴ Simoni uwamwibumba lyaba Baselote, kabili Yuda Iskalioti; uyo uwali nokumwalukila. ⁵ Aba ikumi limo nababili ebo Yesu atumine. Abakonkomesha atila, ''Mwiya muncende umwikala abena fyalo, kabili mwila ingila mu mishi yabena Samatiya. ⁶ Lelo muye ku mpanga ishiluba isha mu bena Isreali; ⁷ Kabili ilyo muleya, mulebila icebo kabili muletila amuti, ''ubufumu bwa mu mulu buli mupepi.'' ⁸ Muleposha abalwele, mulebusha abafwa, muleposha na bafibashi, kabili mule tamfya ne mipashi iyakowele. Mwapelwa fye ubu bupe naimwe mulepela fye. ⁹ Mwilasenda golide uli onse, silifa, nangu umukuba mu fikwana fyenu. ¹⁰ Mwilasenda icola pa lwendo, nangu imingila ibili, nangu indyato nangu inkonto, pantu umubomfi alilinga ukumuoa ifyo alekabila. ¹¹ Mu musumba nangu mu mushi uo mwaingilamo fwayenimo umuntu uulingile ukufikilako, kabili mwikale mpaka napo mukafuminako. ¹² Ilyo mwaingila mu nganda muletila amuti, umutende ube muli ino nganda. ¹³ Mul iyo nga bampokelela, lekeni umutende wenu wikalemo. Nomba nga tabamupokelele, lekeni wenu ubwelele uko muli. ¹⁴ Kuli abo bonse abakaana uku mupokelela nangu uku mfwa ku mashiwi yenu, nga mwafuma muli iyo nganda nagu umusumba, mukunte nolukungu ku makasa yenu. ¹⁵ Nde mweba icine cine, Lesa akakanda ulya umusumba ukucila pali Sodoma na Gomora pali bulya ubushiku bwa bupingushi. ¹⁶ Noneni, namutuma nge mpaanga pakati ka mimbulu, eico muleba aba cenjela nge nsoka kabili abafuka nge nkunda. ¹⁷ Mulecenjela ku bantu. Bakamutwala ku filya, kabili nokumuma ifikoti mu masinagogi. ¹⁸ Elyo kamutwala kubalashi kabili nakuli ba sha mfumu pa mulandu wa ine, epakuti mukabe ba kambone bandi kuli bena naku bena fyalo. ¹⁹ Ilyo bakalamutwalako, mwilasakamana ifyo mukalalanda pantu mukalangililwa ifyakusosa panshita ine ilya. ²⁰ Pantu teimwe mukalalanda, lelo ni mupashi wakwa shiwe eukalandila muli imwe. ²¹ Munyina ekapaisha munyina, wishi nao mwane. Abana bakemina abafyashi babo bokubepaisha. ²² Mukapatwa kuli bonse pa mulandu we shina lyandi. Lelo uukashipikisha ukufika noku mpela, uyo muntu eukapusuka. ²³ Nga balamucusha mu musumba umo, mu butukile kuli umbi, pantu ne mweba ivine cine, ilyo mushilati mukumane imisumba yonse iayamu Isreali ninshi umwana wa muntu naisa. ²⁴ ''Umusambi tacila kafundisha wakwe, nangu umusha tacila shikulu wakwe. ²⁵ Kuti calingafye umusambi ukuba nga kafundisha wakwe elyo umusha nao nga shikulu wakwe. Nga cakuti baleita umwine nganda abati Balesebu, pali bufi abamu nganda yakwe. ²⁶ Eico kanshi mwilabatina aba bantu, pantu takwaba nangu cimo icabelama icishakasokoloke, kabili nangu icafisama icishakeshibikwe. ²⁷ Ifyo nde mweba mu mfifi imwe mukafisose akasuba, kabili ifyo bamutotosha mukutwi, imwe mukalefya lasha kuli bonse. ²⁸ Mwilatina abapaya umubili lelo bafilwa ukwipaya umupashi. ²⁹ Lelo muletina uyo uwaba na maka yakulofya umupashi kabili no mubili kumo ku mbo. Bushe inseba shibili tashishitwa pa ndalama imo? ³⁰ Nomba pali uto tapaba nangu kamo kaponena panshi ukwabula shinwe eshibe, Elo mishishi ya mitwe yenu ine yonse intu yapendwa. ³¹ Mwilaba na mwenso. Imwe mwalicindama ukucila inseba ishingi. ³² Eico umuntu onse uushitina kunumbula pa bantu ukuti muntu wandi, naine nshakatine ku mulu mbula pali tata wa mu mulu. ³³ Lelo uyo onse uunkana pa bantu, naine nkamkana pali tata wamumulu. ³⁴ ''Mwilatila ine naisa pano calo ku kulela ici bote, Nshaishile mukuleta ici bote, lelo ulupanga. ³⁵ Pantu naisa ku kulwishanya umwana mwaume na wishi kabili umwana mwanakashi na nyina, elyo nafyala na nyina fyala. ³⁶ Abakaba abalwani ba muntu ba mu nganda mu mwakwe mwine. ³⁷ Uwatemwa wishi nagu nyina ukucila ine talingile ukuba umusambi wandi; elyo nowatemwa mwana umwaume nangu umwanakashi talingile ukuba umusambi wandi. ³⁸ Na Onse uushisenda umusalaba wakwe no kulankonka talingile ukuba umusambi wandi. ³⁹ Uyo uufwaya umweo wakwe akaulofye. Lelo uulofya umweo wakwe pali ine akausanga. ⁴⁰ Onse uwamupokelela ninshi apokelela ine, na onse uwampokelela nishi apokelela uwantumine. ⁴¹ Onse uwapokelela kasesema mwishina lyabu kasesema akapoka icilambu cabukasesema, elo onse uupokelela umuntu umu lungami mwishina lyabylungami akapoka icilambu ca muntu umulungami. ⁴² Onse uwapela kuli utu utunono nangu fye ulukombo ulwa menshi yakunwa ayatalala ico kamusambi kandi, icine cine ndetila kuli imwe nati, akapokelela icilambu cakwe.''