¹ Ici ecebo cakwa Yawe icaishile kuli Yoeli umwana mwaume wakwa Petueli. ² Umfweni ifi, mwebakalamba, nokumfwa, bonse mwebekashi bamuno mushili. Bushe icamusango uyu calicitikapo munshiku shenu shonse nangu munshiku shafikolwe fyenu? ³ Ebeni abana benu pali ici, kabili lekeni abana benu bebe abana babo, nabana babo inkulo ikakonkapo. ⁴ Ifyo makanta wakupupuka asha, makanta mukalamba alilya; ifyo makanta mukalamba ashile, icipaso calilya; nefyo icipaso cashile, icishimu calilya. ⁵ Shibukeni, mwebacakolwa, nokulosha! Lileni, imwe bonse bakanwa ba mwangashi, pantu umwangashi walowa nauputulwa ukufuma kuli baimwe. ⁶ Pantu icalo nacisa pa musumba wandi, uwakosa uwabula impendwa. Ameno yakwe meno ya nkalamu, kabili akwata ameno ya nkalamu iyanakashi. ⁷ Alipanga ibala lyandi ilya myangashi muncende ya mapopa kabili aliputula umukunyu. Ali putula ifipapa fyaciko noku fiposa; imisambo yalibuuta ⁸ Losha nga na cisungu uufwele amasaka pa mfwa ya mulume wakwe umwaice. ⁹ Umutulo wa nseke no mutulo wakunwa nauputulwako ukufuma munganda yakwa Yawe. Ba shimapepo, aba bomfi bakwa Yawe balosha. ¹⁰ Amabala nayonaulwa; umushili ulelosha pamulandu wa nseke nashonaulwa. Umwangashi uupya nauma; namafuta nayafilwa. ¹¹ Mube ne nsoni, mwe balimi, kabili losheni, mwebalimi ba myangashi, pa ngano na baley. Pantu ubusomboshi nabupulula. ¹² Myangashi nashipulula kabili ne fimuti fya mukunyu nafyuma; ifimuti fya mu Pomegilaneti, ne fimuti fya nkoma, kabili ne fimuti fyama apele-fyonse ifimuti fya mumpanga nafyululuka. Pantu insansa nashifuma ku babufyashi ba buntunse. ¹³ Fwaleni amasaka nokuloosha, mweba shimapepo! Lileni, mwebabomfi ba cipailo. Iseni, laleli ubushiku mumasaka, mwebabomfi bakwa Lesa. Pantu umutulo wanseke kabili no mutulo wakunwa nafikatwa ukufuma munganda yakwa Lesa wenu. ¹⁴ Iteni ukufunga ukwashila, nokwita ukulongana kwamushilo. Kolonganyeni abakalamba nabonse abekashi ba mu calo ku nganda yakwa Yawe Lesa wenu, nokulila kuli Yawe. ¹⁵ Yangu pali ubu bushiku! Pantu ubushiku bwakwa Yawe nabupalama. Bwena bukesa nobonaushi ukufuma kumu Kalamba. ¹⁶ Bushe ifyakulya tafiputwilwe ukufuma mumenso yesu, kabili nensansa, nokusangalala ukufuma mu nganda yakwa Lesa wesu? ¹⁷ Imbuto shibola panshi ya mpasa shabo, na ma granaries fipopo, kabili amatala nayatobwa, pantu inseke nashululuka. ¹⁸ Ifyo ingombe shilila! Imikuni yabo ile enda cende ende mukusoba pantu tafikwete ifyakulya. Ne mikuni ya ma sheep nashicula. ¹⁹ Yawe, nalilila kuli imwe. Pantu umulilo naoca fyonse ifyani mumpanga, ne cimbilimbili nacoca ifimuti mumpanga. ²⁰ Ne finama fya mpanga fikabila imwe, pantu utulindi twa menshi natuma, kabili umulilo naonaula fyonse ifyani mumpanga.