¹ Paulo umutumwa - Ushaitwa nangu ukutumwa no muntu, leloni Yesu Kristu na Lesa wishi, umushishe ku bafwa- ² kabili nabwananyina bonse abo tuli nabo, pamo na ine wine twamulembela mwenkuta sha mu Galatia: ³ Ukusenaminwa no mutende wakwe Lesa shifwe ne mfumu Yesu Kristu fileba naimwe, ⁴ Kristu aliipeela ilambo pamulandu wa fyabufifyesu, epakuti atulubule ku bubifi bwa muli cino calo, acita ifyo pantu efyo Lesa shifwe alefwaya. ⁵ Lesa nalelumbwa umuyayaya. Amen. ⁶ Kwena namusungusha pa nshitafye inono namusangikila Lesa uwamwitile pa mulandu wa cikuula cakwa Kristu. Mwapokelele ne mbila imbi, ⁷ Awe kwena takwaba mbila nsuma na imbil, nicofye kuli abantu bamo abalemufulunganya kabili balefwaya no kwalula imbila nsuma yakwa Kristu no kuilosha mumbi. ⁸ Lelo cibe nifwe nangu nimalaika nkufuma ku mulu ngu aisa bila imila iyapusana ne mbila nsuma twabilile kuli imwe, ena uyo alapishiwe. ⁹ Twalimwebele kabela, nomba bakabili nabwekeshapo, "nga cakuti kwaba umuntu uwalanila imila iyapusana neyo mwasuminamo, ena uyo alapishiwe." ¹⁰ Bushe pakulanda ifi, ndefwaya ukuti abantu bansuminishe atemwa Lesa? Ngacakuti ndefwaya ukusekesha abantu ninshi nshilimubomfi wakwa Kristu. ¹¹ Mwebamunyinane, ico ine ndefwaya ukuti mwishibe nici, icakuti imbila nsuma mbila tayafuma ku bantu. ¹² Nshaipokelela ukufuma ku muntu nelyo umo, nangu ukufundwa ku muntu nelyo umo. Ni Yesu Kristu ¹³ Mwalyumfwa ifya pa bumi bwandi ilyo nalekonka imipepele ya ciyunda, nacushishe nganshi ulukuta lwakwa Lesa kabili nokufwaya ukulonaula. ¹⁴ Nalicinsile ukucila aba Yuda banandi abengi aba nkulo yandi, mukunkonka imipepele ya ciyunda. Kabili nalibacilile bonse ukukonka ifishilano fya fikolwe fyesu. ¹⁵ Lelo Lesa, ku cikuuku cakwe ansalile ninishi nshilafyalwa, anjitile mukusemina ukba umubomfi wakwe, ¹⁶ umwine wine ewantemenwe no kunsokolwela mwane, epakuti mone no kubila imbila nsuma yakwe ku benafyalo, pa nshita ilya, nshaile nangu ku muntu nelyo uo pakuti ampandeko amano. ¹⁷ Kabili nshaile nangu ni ku Yerusalemu kwine kukumona abatangilile ukuba aba abasole. Lelo, naile ku calo ca Arabia ilyo nafumineko, nabwelele ku Damasiko. ¹⁸ Panuma ya myaka itatu elyo naile ku Yerusalemu kukumonana na Kefa. Kabili naikele nankwe inshiku ikumi limona shisano. ¹⁹ Nshamonene abamutumwa bambi kanofye Yakobo, munyina wa mfumu. ²⁰ Ndemweba pamenso yakwe Lesa, ifi ndemulembela fyacishinka tefya bufi iyoo. ²¹ Elyo kabili naile ku calo ca Siria na Kilikia. ²² Inkuta sha mu Yudeya ishaba muli Kristu shena tashanjishibe no kumonana tatwamonanapo. ²³ Shale umfwafye ifyo baleshishimikila abati, "Umuntu ulya uwaletucusha, nomba eulebila imbila ya cisumonp iyo kale alefwaya ukonaula." ²⁴ Nabo epakulalumbanya Lesa pa mulandu wa ine.