¹ Shimapepo mukalamba elyo atila, ''Bushe ifi fintu fyacine?'' ² Stefani atile, ''Bamuninane na batata umfweni kuli; Lesa wabukata amonekele kuli shifwe elyo alimu mesopotamia, ninshi talati ese kukwikala mu Harani.' ³ Aebele Abraham ati, ''Fuma mu calo cobe, ushe no lupwa lobe uyo na ku calo nkakulanga.'' ⁴ ''Awe afuma mu calo ca kaludea aya na kukwikala mu Harani, ukufuma palya panuma ya mfwa yakwa wishi, Lesa afumya Abrahamu mu Harani amuleta na muli cino calo muleikalmo. ⁵ Tapelepo nangu imo uku apyaninine, awe takwali ne yakutifye anyantepofye ulukasa, Lelo alimulaile -nelyo cakuti tali na mwana pali ilya nshita -pakuti amupeela mpanga ngecikwatwa cakwe kunkulo ileisa panuma yakwe. ⁶ Kabili Lesa amwebele nokuti, 'Abana bobe bakekala mu bweni mu calo ca bene, muli ico calo bakabateka ubusha nokulabacusha pa myaka imyanda ine. ⁷ Lesa atile nokuti, ''Nomba nkakanda uyo mushobo uukabateeka ubusha, Elyo panuma bakafuma muli ico calo bakalempepa na muno muli ino ncende.'' ⁸ Elyo Lesa apeela Abrahamu icipangano ca kusembulula, kabili Abrahamu ali wishi wakwa Isaki, Isaki ali wishi wakwa Yakobo na Yakobo ali wishi wa Fikolwe ikumi limo na babili. ⁹ ''NOmba ifi ifikolwe fyali na kalumwa kuli Yose fu, fyamushitisha ku Engupto; Lelo Lesa alinankwe. ¹⁰ Ala mwafwilisha mu macushi yakwe yonse. Amupeela amano ayalengele nokuti Falao imfumu ya mu Egupto imuposeko amano kabili Falao acita Yosefu umulashi mu Egupto. Amucita na kangalila wa fyuma fya kwisano. ¹¹ ''Elyo kwaisa pona icipowe mu calo conse ca Egupto na mu kenani, mwaba bokucula nganshi, bashifwe tabasangile cakulya. ¹² Elyo yakobo aumfwile ukuti kuli ifyakulya ku Egupto, atumineko bashifwe pa lwendo. ¹³ Pa lwendo lwabubili yosefu aliisokolola kuli bamunyina, na falao aishiba ulupwa lwakwa Yosefu. ¹⁴ Elyo Yosefu alaisha amashiwi kuli wishi Yakobo, ukuti ese ku Egupto pamo pene naba lupwa lwakwe bonse. Bonse pamo bali amakumi cine lubali na basano. ¹⁵ Kabili Yakobo aya ku Egupto. Mu Egupto mwine emo afwila ena nabashifwe. ¹⁶ Basendelwe ku shekemu nokushikwa mu manda eyo Abrahamu ashitile mu mutengo wama Silfere ukufuma kubana bakwa Amori. ¹⁷ ''Awe inshita yasuka yalama, iya kufikilisha icilayo Lesa alaile Abrahamu.Abantu besu basanda bafula ngashi mu Egupto. ¹⁸ Ilyo nomba kwali imfumu imbi mu Egupto, imfumu ishaishibe palwa kwa Yosefu. ¹⁹ Kabili yalabepa abantu besu nokupamfya bashifwe ukuti balangishe utwana tunono ukuti twiba no mweo. ²⁰ Ni mu nshita ine iyo elyo Mose afyelwe, Ali umwana umusuma sana pacinso ca kwa Lesa kabili bamulishishe pa myeshi itatu mung'anda yakwa wishi. ²¹ Nomba ilyo bamufumishe panse, mwana Falao umukashana amubula alamulela kwati mwana wakwe. ²² Mose alisambilile mu mano yonse ayabena Egupto, Awe yali no bulamba mucebo na mu milimo. ²³ ''Elyo afisha imyaka amakumi yane iyakufyalwa, alafwaya ukupempula bamunyina kufikolwe fya bena Isreali. ²⁴ Pakumona umwina Isreali balemucusha. Mose amupokolwele nokulandula uyo uwatitikishiwe aumine umwina Egupto; ²⁵ Mose alatontonkanya ukuti abena Isreali bailuka, baishiba nokuti ni Lesa eumutumine pakuti abalubule, nomba tabailweke na kalya. ²⁶ Ubushiku bwakonkapo Mose asanga abaume babili balelwa Aesha ukubalamwina, Alabeba ati, ''Mwe baume , ala muli bamunyina, cinshi mulelwila?'' ²⁷ ''Nomba uwabalile umunankwe amusuka, amweba ati, Bushe nani akusalile ukuba imfumu na kapingula wa milandu yesu? ²⁸ Bushe ulefwaya ukunjipaya, nga filya mailo waipeye umwina Egupto?'' ²⁹ Mose abutuka panuma yakumfwa ifi, asangweke umulebeshi mu calo ca bena Midiani, umo mwine emo asangwike wishi wa bana baume babili. ³⁰ ''Elyo papitle imyaka amakumi yane malaika amonekele kuli Mose mu matololo mupepi no lupili lwa Sinai, mulubingu lwa mulilo mu mpanga. ³¹ Mose elyo amwene umulilo, camupesha amano ayako alefwaya ukumwenekesha, lelo aumfwa ishiwi lya kwa shikulu, aliti, ³² ''Nine Lesa waba shifwe bobe, Lesa wakwa Abrahamu. Isaki na Yakobo.'' Awe Mose alatutumafye ku mwenso, atiina no kuloleshako. ³³ ''Elyo shikulu amweba atile kuli ena, 'Fuula insapato shobe, pantu incende wimininepo ni ncende yamushilo. ³⁴ Ninjimwena fyo abantu bandi batitikishiwe mu Egupto, Ning'umfwa nefyo balelilishika. Eico ningika kukubalubula; kanshi isa, nkutume ku Egupto.'' ³⁵ ''Ni Mose umo wine uo abena Isreali bakeene, ilyo basosele abati, ''Bushe nani akucitile katungululula na kapingula'' Eo Lesa atumine kukubateeka no kubalulubula Lesa atumine mukuboko kwa kwa mailaka uyo uwamoneke kuli Mose mucimpusa. ³⁶ Mose abafumishe mu Egupto panuma yakupanga ifisungusho ne filangililo mu Egupto Acitile, pali bemba wakashika, elyo na mu matololo pa myaka amukumi yane. ³⁷ ''Ni uyu wine Mose ewaebele abena Isreali ati, ''Lesa akamwimisha kasesema wenu ukufuma muli ba muninenwe, uwaba kasesema nga ine.'' ³⁸ Ali pamo ne cilonganino ca bena Isreali mu matololo. Ni Mose eo malaika alandile nankwe pa lupili lwa Sinai, ninshi ali mashiwi aya kwikalilila ayakutupela. ³⁹ ''Lelo bashifwe balikene ukumusumina Bamufumishe nakuti bena ne mitima yabo yaalukila ku Egupto. ⁴⁰ Pali ilya inshita batile kuli Aroni, ''Tupangile imilungu yakuti iletutungulula. Pantu Mose, uwatutungulwile ukufuma mu Egupto, tatwishibe icacitika kuli ena.'' ⁴¹ Awe kanshi epakupanga icilubi icapala umutepa wa ng'ombe. Balacituula na malambo. Basefya ne nsansa pantu cali milimo yakuminwe yabo. ⁴² Lesa nao abalukila, abaleka ukuti balepela intanda sha mu mulu, ngefyo calembelwa mu citabo ca bakasesema, ukuti, ''bushe mwalimpele ifya malambo na mabupe pa myaka amakumi yane mu matololo, imwe mwe ba ng'anda yakwa Isreali? ⁴³ Nimwe mwalesenda itenti lya mulungumoleki, elyo ne cilubi ca tutanda lwa mulungu Refani, ifilubi mwapangile pakuti mule fipepa kanshi naine nkamutanfisha ukutali ukucila babiloni.'' ⁴⁴ ''Ba shifwe balikwete Ihema lyabuntu mu matololo, nge fyo Lesa akonkomeshe ilyo bali na Mose, afwile acipanga nge cimpansho ico amwene. ⁴⁵ Panuma bashifwe, abali na Joshua bapokele iema nokuli senda pamo nabo ku mpanga intu bakwete Lesa apokele impanga ku nko nokubafumyumo pacinso cabashifwe iema lyaikele mucalo cilya mpaka na ku nshita yakwa Davidi, ⁴⁶ Uwasangile ububile ku cinso cakwa Lesa, kabili aipwishe nga kuti asanga incende apwikala abang'anda yakwa Yakobo. ⁴⁷ Eico Solomoni ewakuli ing'anda yakwa Lesa. ⁴⁸ ''Nangu cingaba ifi, uyo uwakulisha tekala munayanda yakulwa ne minwe, ngefyo kasesema atile, ⁴⁹ ''Umulu ecipuma cabufumu candi, Isonde icipuna ca makasa yandi. Ning'anda yamusangoshi mwingankulila ine, nangu nincendenshi iyakutushishapo ine? ⁵⁰ Bushe iminwe yandi tayapangile fyonse ifi?'' ⁵¹ Mwebantu bakosa imikoshi abashasembululwa mu mitima na mu matwi, lyonse mukana umupashi wamushilo; mucita ngefyo bashinwe bacitile. ⁵² Bushe ninani pali bakasesema uyo bashinwe tabapakese? Baipeye bakasesema abo bamonekele libela mukwisa kwa mulungami, kabili imwe mukwisa kwa mulungami; kabili imwe nomba mwasanguka bakamfutu nabakepaya wa ena. ⁵³ Imwe mwebantu mwapokelele amafunde ayo bamalaika basubile lelo tamwayasungile.'' ⁵⁴ Nomba ilyo bashicilya baumfwile ifi fintu imitima yabo yalilaswa, elyo bashetele amenso pali Stefani. ⁵⁵ Lelo ena, ukwisulamo umupashi wamushilo aloleshe mukumwekesha kabili amwene ubukata bwa kwa Lesa, kabili amwene Yesu naiminina kukuboko ku kulyo kwakwa Lesa. ⁵⁶ Stefani atile, ''Moneni, namona umulu nawisuka, nomwana wantu naimina ku kuboko kwakwa Lesa kwa kulyo.'' ⁵⁷ Pali ici cilye abasangilwepo bshinkile mu matwi, nokupunda ishiwi ilikalamba, bamusendele ulubilo mukucita icinti cimo. ⁵⁸ Bamusendele panse yamusumba nokutampa ukupola amabwa, Bakambone bayanshike ifyakufwala amabwa. Bakambone bayanshike ifyakufwala fyabo ifyakunse pamakasa yamulumendo uwaleitwa Saulo. ⁵⁹ Elyo balepola amabwe Stefani aleita kuli shikulu ukutila, ''Shikulu Yesu, pokelela umupashi wandi.'' ⁶⁰ Afukeme panshi nokubilikisha ishiwi ilikalamba, ''Shikulu, mwibapela lubembu pali ici bacita.'' Elyo alandile ifi, alifwile.