¹ Lilya Petelo na Yoani balelanda ku bantu, bashimepeo mushika wa mwi tempele naba Saduke baishile kuli bena. ² Baishile bemina nabafitwa Petelona na Yoani balesambilisha abatu no kubilila muli Yesu uku tutubuka ku bafwa. ³ Balibekete nokubabika mu cufungo ukufika ulucelo, pantu cali cungulo. ⁴ Nomba abantu abengi abaumfwile icebo balitetekele, ne mpendwa ya baume abatetekle bafikile amakana yasano. ⁵ Ilyo cafikile ubushiku bwakonkapo kwali ukulongana kwa bakateka wabo na bakalamba naba kalemba balongene mu Yerusalemu. ⁶ Anasi shimapepo mukalamba ali palya, na kayafa, na Yoaani, na Elekesandere, bonse bali bamulupwa lwakwa shimapepo. ⁷ Ilyo baletele Petelo na Yoani mulwalala, balabepusha, ''Ni mumaka nshi, nangu ni mwishina nshi mwacitila ifi? ⁸ Elo Petelo ukusulamo no mupashi wa mushilo, atile kuli bena ''mwe bakateka wabantu, naba kalamba, ⁹ nga cakuti tuleshiwa pa cisuma ico twacitile ku walemana no musango untu aposhiwemo, ¹⁰ Lekeni cishibikwe kuli imwe abantu bonse bamu Isreali ukuti uyo mwaume aposhiwe ni mwi shina lyakwa Yesu Klistu umwina Nasarete uyo mwatanike, nomba uyo Lesa abushishe ku bafwa. ¹¹ Yesu Klistu libwe ilyo imwe bakakula mwasulile ilyaisa ba ilibwe lya pacifutu. ¹² Takuli ipusukilo mu muntu nelyo umo, takuli ishina limbi pe samba lya mulu ilya pelwa ku muntu emo tuli no ku pusukila. ¹³ Nomba ilyo bamwene ukushipa kwakwa Petelo na Yoani ilyo baibukishe ukuti bali batutu, abashasambilila, kabili balipapile, nokwishiba ukuti Petelo na Yoani bali pamo na Yesu. ¹⁴ Pantu balimwene umwaume ulya baposeshe naiminina nabo, tabakwete ne fyakulanda pali ici. ¹⁵ Nomba ilyo baeba abatumwa ukufuma mu cilye, bashele baleisosha abene, ¹⁶ Batile, ''Bushe twalacita shani aba bantu? Pantu ifishinka ne filangililo naficitwa no kwishiwa kuli onse umwikashi wamu Yerusalemu, teti tukane kuli ici. ¹⁷ Pakutila ati cisabankaniwa ukuya ukutali ku bantu lekeni tubasopeshe belanda kabili kuli onse mwi shina ili.'' ¹⁸ Elo babetile nokubakonkomesha ukti tabafwile kulanda nangula ukusambilisha mwi shina lyakwa Yesu. ¹⁹ Nomba Petelo na Yoani balibaswike ati, ''Pinguleni nga calungama mu menso yakwa Lesa ukumfwa kuli imwe ukucila ukufuma kuli Lesa, pinguleni. ²⁰ Twafilwa ukuleka ukulanda pa fintu twamwene no kumfwa.'' ²¹ Panuma yakukonkomeshiwa Petelo na Yoani, babalekele baya, Balifililwe ukusanga umwakubalimwina, pantu abantu bonse balecindika Lesa pacacitike. ²² Umuntu uo cacitilweko icakundapwa ali ne myaka ucila pa myaka amakumi yane. ²³ Panuma yakubalekako, Petelo na Yoani baile ku bantu babo nokubeba fyonse ifyo bashimapepo naba kalamba basosele kuli bena. ²⁴ Ilyo baumfwile ifi, basaswile amashiei no mutima umo kuli Lesa no kutila, ''Shikulu mwapangile imyulu na pamonse naba bemba na fyonse ifya bamo. ²⁵ Mwandile mu mupasshi ukupitila mu kanwa ka mubomfi wenu, shifwe Dabidi, ''Ninshi inko sha bena fyalo shalulukanine, elo abantu baelengenye ifintu fyafye. ²⁶ Ishamfumu shapano isonde sha kolongana shonse pamo, naba kateka bakunganina shikulu na Klistu wakwe. . ²⁷ Cine cine, bonse Herode na ponti, Pilato, pamo na bena fyalo na bantu bamu Isreali bakolongene pamo mu musumba palwa wa mushilo umubomfi wenu Yesu, uyo imwe mwasubile. ²⁸ Balongene pamo ukucita ifyo amaboko yenu no kupanga kwenu kwalingi ukuti fili kucitika ²⁹ Nomba, shikulu moneni amapenge yabo no kupela ababomfi benu ukulanda cebo no kushipa. ³⁰ Fungulula ukuboko ku kuposha no kulanga ifishibilo ifibilo ne fipeshamano ukupitila mwi shina Lya mubomfi wenu wa mushilo Yesu. ³¹ Panuma bapepa, incende io balongenepo yali sunkene, kabili baisushiwe no mupashi wa mushilo kabili balandile icebo cakwe Lesa no kupama. ³² Impendwa iikulu ya abo abalesuma bali umutima umo no umupashi. Tapali uwatile conse ico akwete cakwe umwine, lelo bakwete fyonse ifya bonse. ³³ Na maka ayengi abasole balebila no kupela ubunte palwa ku tutubika kwa kwa shikulu Yesu, ukusenaminwa ukukalamba kwali bena bonse. ³⁴ Takwali umuntu pali bena ubulishe akantu, pantu bonse abakwete isambu sha mpanga nangu amayanda balishitishe no kuleta indala sha fintu bashitishe. ³⁵ Kabili bafibikile pa makasa ya basole, kabili fya akanishiwe kuli cila umo ukulingana nefyo alekabila. ³⁶ Yosefe uyo abasole baleita Barnaba (icalepilibula umwana wa cikoseleshi), Umwina lebi uwafumine ku Kupro, ³⁷ Ashitishe ibala ilyali lyakwe no kuleta indalama no kunshibika pa makasa yabasole,.