¹ Nomba ulo bapitile mu musumba wa Amfipolisi na Apolonya, baishile ku musumba wa Tesalonika, uko ukwali Sinagogi wa ba Yuda. ² Paulo, nga umubele wakwe, aile kuli bena, pa nshiku shitatu isha isabata alesambilishanya na bena ukufuma mu Malembo. ³ Aleisula amalembo noku balondolwela ukutila cali icayana Kristu ukucula na ukushukuka nakabili ukufuma ku bafwa,. Atile, "uyu Yesu eo mbilisha kuli imwe ni Kristu." ⁴ Bamo aba Yuda baliwilile no kukonka Paulo na Silaso, ukubikako impendwa iikalamba iya ba Giliki bakapepa nabana mayo baletungulula balifulile. ⁵ Lelo aba Yuda abayuda abashasumine, baiketwe na kalumwa, basendele abaume bamo abawele wele ukufuma ku fisankano, bakolonganike ibumba pamo, kabili babikile umusumba mu fyongo. Ukucena abang'anda yakwa Yasoni, balefwaya ukuleta Paulo na Silasi panse ku bantu. ⁶ Nomba ulo basha basangile, bakululwile Yasoni na munyina umbi ku ntanshi yabashilika ba musumba, balelila, "Aba baume ebayalula icalo nabesa kuno nakabili. ⁷ Aba bantu abo Yasoni apokelela bacitila mukupinkana na ifinde lya kwa Kaesare; baletila ukuti kwaliba na imbi imfumu Yesu." ⁸ Basakamike ibumba na bashilika ba musumab abaumfwile ifi fintu. ⁹ Lelo panuma basendele ubucingo ukufuma kuli Yasoni na bashala balibalekele baya. ¹⁰ Bulya bushiku bamunyina batumine Paulo na Silasi ku Belya. Ulo bafikile kulya, baile muma Synagogi yaba Yuda. ¹¹ Nomba aba bantu bali abacindami sana ukucila aba mu Tesalonika , pantu balipokelele icebo ne mitima yabo yonse iyateyanishiwa, ukubebeta amalembo cila bushiku ukumona nga cakuti efyo cali. ¹² Napalici abengi pali bena basumine, ukubikako na banamayo abakankala aba ci Giliki an bashi tata abengi. ¹³ Lelo ulo aba Yuda baku Tesalonika baishibe ukuti Paulo nao alebila icebo cakwa Lesa ku Beria, baile kulya kabili batampile no kufulunganya amabumba. ¹⁴ Elyo mukwangufyanya, bamunyina batumine Paulo ukuya kuli bema, lelo Silasi na Timote baikele kulya. ¹⁵ Abo baletungulula Paulo bamutwele ukutali nga kumusumba wa Anten. Ilyo bashile Paulo kulya, bapokelele ukufuma kuli ena ukuti Silasi na Timote bengesa kuli ena mukwangufyanya. ¹⁶ Nomba ilyo Paulo alebalolela ku Anteni, umupashi mukati kakwe walikalipe ilyo amwene umusumba waisushiwa no tulubi. ¹⁷ Eco alesambilisha cila bushiku mu sinagoni na ba Yuda na bambi abaleshinshimuna Lesa, ukubikakofye na mufisankano nangula abaleba kulya. ¹⁸ Lelo bamo abena Epikulyani na ba kalemba abea Stoic bali mukumenye. Bamo baletila, "ninshi alefwaya ukusosa uyu kasebaseba wa mano?' Bambi baleti, "alemoneka nga umo uwita abantu ukukonka tu Lesa tumbi tumbi," Pantu aleshimikila imbila nsuma pali Yesu na ukushukuka. ¹⁹ Basendele Paulo no kumuleta kuli Aelopagusi, baletila, "kuti twaishibako aya amasambilisho ayapya ulesosa?" ²⁰ Pantu uleleta ifintu ifipya ku matwi yesu napali ci tulefwaya ukwishiba ifyo ifi fintu fipilibula." ²¹ (Nomba bonse abena Antenya na beni abaleikala kulya baposele inshita mu fyafye lelo nangula ukumfwa nangu ukutesha palwa fintu ifipya.) ²² Eico Paulo aiminine pakati ka bema Aeropaga no kutila, "imwe mwe baume baku Antenya nimbona ukutila muli bakapepa mu nshila shonse. ²³ Pantu ilyo nalepita no kukonkomesha ifipe fya kushinshimuna kwenu, nasangile icipailo naya amalembo, "kuli Lesa uushaishibikwa." Ico kanshi ico mushinshimuna mukukana ishiba, eco ndebilisha kuli imwe. ²⁴ Lesa uwapangile isonde nafyonse ifyabamo, apo ni shikulu wa mumulu na panshi, uushikala muma tempele ayakulwa ne minwe. ²⁵ Nangula ukubombelwa na maboko yabantu, kwati alefwayapo fimo, apo umwine apela abantu umweo no mupu na fyonse ifyashala. ²⁶ Ukufuma ku muntu umo apangile uluko lwa bantu no kwikala pesonde, mukuteyanya umwine apimine inshita ne mipaka ya fyalo fyabo, ²⁷ pakutila bengafwaya Lesa mu nshila yabo ukulola kuli ena nokufwaya ena. Lelo taba ukutali ukufuma kuli cila umo pali ifwe. ²⁸ Pantu ni muli ena twabela aba mweo, kabili emo twendela, kabili nokuba abantu kwati fintu umo pali bakalanda benu asosele. 'Pantu naifwe tuli bufyashi bwakwe.' ²⁹ "Eico, apo tuli bufyashi bwakwa Lesa, tatufwile ukutontokanya ati Lesa aba nga Golide, nangu Silfere, ilibwe-ifipasho fyapangwa na kelenganya na ukwelenganya kwa muntu. ³⁰ Eico Lesa alisulako munshita yakukana ishiba, Lelo akonkomesha abantu bonse konsefye ukulapila. ³¹ Ni pamulandu wakuti alipekenye ubushiku ilyo akapingual isonde mu bulungami ukupitila mu muntu uyo asala. Lesa alipela icishininkisho kuli uyu muntu ku uli onse ukupitila mukumubusha ku bafwa." ³² Nomba ulo abaume baku Antens baumfwile ulwa kubushiwa kwa bafwa, bamo balitumfishe Paulo; lelo bambi batile, "tukomfwa kuli iwe nakabili palwa uyu umulandu." ³³ Panuma yafilya, Paulo alibashile. ³⁴ Lelo abaume bamo bamukonkele na ukumusumina, ukubikako Diyonisiasi, umwina Areopagati, na umwanakashi uwe shina Damaris, na bambi abali nabo.