¹ Abaume bamo baishile ukufuma ku Yudeya ukuya ku Antioki nokufunda ababwana nyina, nokutila, "ngatausembulwile ukulingana nentambi shakwa Mose, tekuti upusuke." ² Ici calengele Paulo na Barnaba ukwingila mu fikansa nabo. Eco Paulo na Banaba, nabo bamo abali muli bena, basontelwa ukuya ku Yelusalemu mukukumanya abatumwa na bakalamba palwa ici icipusho. ³ Eico bene, ukutumwa kulu kuta, bapitile mu Phenisha elyo namu Samilya nokubilisha ukupilibuka kwabena fyalo. Baletele insansa ishingi kuli babwanyina. ⁴ Ilyo bafikile mu Yelusalemu, balipokelelwe kuli kuta na batumwa kabili nabakalamba, nokulanda fyonse ifintu Lesa acitile nabene. ⁵ Lelo abaume bamo abasumine, abali mwibumba lya ma Falise, baiminine nokutila, "cilifye bwino uku basembulula nokuba konkomesha ukusunga amafunde yakwa Mose." ⁶ Eco abatumwa na bakalamba balongene pamo nokupititulukamo muli uyu mulandu. ⁷ Panuma yakulashanya, Petelo aliminine nokutial kuli bene, "bamunyinane, namwishiba ukuti panshita inono kunuma uku Lesa alisala muli imwe, ukuti mukanwa kandi abena fyalo bakomfwa icebo cambila nsuma, noku sumina. ⁸ Lesa, uwaishiba umutima, na shininkisha kuli bene pakuba pela umupasi wamushilo, ngefyo acitile kuli baifwe. ⁹ Tapangilepo ubupusano pali ifwe na bene, mukuwamya imitima yabo kucitetekelo. ¹⁰ NOmba cinshi ico mwesesha Lesa, pakuti imwe mubikila ikolo pa mukoshi wa basambi ifyo bashifwe wesu naifwe twafililwe ukusenda? ¹¹ Lelo twasumina ukuti tukapusuka ukupitila muku senamina kwakwa Shikulu Yesu, ngefyo baali? ¹² Cinkupiti yonse yaikele tondolo elyo balekutika kuli Barnaba na Paulo ukulanda ifilangililo nefipapusho Lesa abombele mubena fyalo ukupitila muli bene. ¹³ Panuma baleka ukulanda, yakobo aliasuka, noktial "Bamunyinane, kutikeni kuli ine. ¹⁴ Simoni nalanda ifyo Lesa pakubala ayafwilishe abena Fyalo pakuti afumyemo muli bene abantu pamulandu weshima lyakwe ¹⁵ Namashiwi yaba kasesema yasuminisha ifi, ngefyo calembwa," ¹⁶ 'Panuma yaifi fintu nkabwela, kabili nkakula nakabili ulukuta lwakwa Dabidi icapona panshi; nkacipanga nokucibwesha ukonauka kwaciko nakabili; ¹⁷ Pakutila abashala abaume bakafwae shikulu ukubikapofye nabonse abena fyalo abaitwa peshina lyandi; ¹⁸ Ifi efyasosa shikulu, uwacita ifi fintu ifyaishibikwa ukufuma kunshita shakale. ¹⁹ Eico, ninsala ukuti tatufwile ukucusha abo abena fyalo abaisa kuli Lesa. ²⁰ Lelo twalalemba kuli bene ukuti bafwile ukutaluka ukupepa utulubi, ubulale lale, nokukanalya inama isho baipaya ukwabula ukuteka pamukoshi, no mulopa. ²¹ Pantu Mose alishimikilwe mu mu sumba onse ukufuma kunko shakale kabili acli aleshimikilwapo muma Sinagogi pe Sabata." ²² Cilemoneka icisuma kubatumwa naba kalamba necilonganino conse, ukusala Yuda uwitwa Barsabba na Sila, abaali intungulushi babamunyina, nokubatuma bene ku Antioki, na Paulo kabili na Barnaba, ²³ Ukulemba ukupitila muminwe yabo, "ukufuma ku batumwa na bakalamba, bamunyina nobe, kumwina fyalo bamunyinefwe mu Antioki, Silia, na Kilikia: Imitende!' ²⁴ Pantu twalyumfwa ukuti kuli abaume ukufuma muli ifwe abaya, ababula insambu kuli ifwe, kabili naba micilinganya na mashiwi ayakumikalifya imitima, ²⁵ Nacimoneka icisuma kuli ifwe, abakwete ilangulushi limo, nokusala nokubatuma kuli imwe naba temwikwa besu Barnaba na Paulo, ²⁶ Abaume abaipelesha imyeo shabo peshina lyakwa shikulu Yesu Kristu. ²⁷ Eico natutuma na Yudas na Sila, abakesa landa kuli imwe ifintu fimo fine muma shiwi yabo. ²⁸ Pantu nacimoneka icisuma kuli mupashi wamushilo nakuli ifwe, ukukana bika pali imwe ifisendo ifikulu ukucila ifi fintu ifilingile: ²⁹ Ukuti ifishitetwa pamukoshi, kabili nobulalelale. Nga mwaisunga ukufuma kuli ifi; cikaba bwino kuli imwe. Shalenipo! ³⁰ Eco bena, elyo babasalangenye, baishile ku Antioki; Panuma bakolonganike ibumba pamo, babapele nakalata. ³¹ Ilyo babelengele, balisekele kucikosleshi. ³² Yuda na Sila, pamo na bakasesema, bali ba koselesha bamunyina na mashiwi ayengi no kuba kosha. ³³ Panuma bapwishako inshita shimo kulya, balitumwa mumutende ukufuma kuli namunyina kuli abo babatumine. ³⁴ Camoneka icisuma kuli Sila ukushala kulya kwine. ³⁵ Lelo Paulo na Barnaba bali ikala mu Antioki, ukusambilisha nokushimikila (nabambiko abengi) Icebo cakwa shikulu. ³⁶ Panuma yanshiku shimo Paulo atile kuli Barnaba, "Katubwelelemo nomba nokutandalila bamunyinane mu mi sumba yonse uko twabilile icebo cakwa shikulu nokumona efyo bali." ³⁷ Barnaba alefwaya ukusenda Yoani uwaleitwa mako. ³⁸ Lelo Paulo atontokenye ukuti tacali icisuma ukusenda mako uwabashile mu Pamphylia nokukana konkanyapo nabena mumilimo. ³⁹ Elyo paimine ukupusana pakuti balipatulukana umo no mubiye, Barnaba alisenda Mako naena nokwabuka naku Sapulasi. ⁴⁰ Lelo Paulo asalile Sila nokuya, panuma bamunyinane bamupele kuku senamina kwakwa shikulu. ⁴¹ Elyo aile ukupita mu Silia na Kilikia, ukulakosha inkunta.