¹ Nomba muli iyo ine nshita imfumu Helodi atambalike amaboko pali bamo aba mu lukuta kukubacusha. ² Yaipeye Yakobo munyina wakwa Yoani no lupanga. ³ Panuma amona uuti ici cansansamusha aba Yuda, nakabili yakonkenyepo ukwikata Petelo. Awe shilya shali ni nshiku shamukate ushatutumuka. ⁴ Panuma yakumwikata, amubikile mu cifungo, no kumupela kumpuka shine kuku mulinda, alepanga noku mufumisha ku bantu panuma yacaku cilila. ⁵ Eico Petelo bamusungile mu cifungo, lelo balepepa mu cishhinka kuli Lesa kuli abo aba mulukuta. ⁶ Awe ubushiku bweka ilyo Helodi talaya mukumuleta kuku mulubulwisha, petelo alele pakati ka bashilka, babili, nabamukaka ne minyololo ibili, ilyo abalinshi abali kuntanshi yamwinshi balelonda icifungo. ⁷ Moneni, apopene malaika wakwa shhikulu amonekele apo ali, ne cengelo cabutile mu cifungo. Awe auma Petelo mu lubafu nokumushibusha kabili atile, "ima bwangu," ne minyololo yakwe yaponene ku maboko. ⁸ Elyo malaika atile kuli wene, "kaka umushipi obe fwla nendyato shobe." Petelo acitile fyo. Awe Malaika atile kuli ena, "fwala umwingila obe uwakunse elyo unkonke." ⁹ Eico Petelo alakonka malaika no kufuma. Lelo Petelo taishibe ukuti ifilecita malaika fya cine. Atontonkanya ukuti alemona icimonwa. ¹⁰ Panuma bapita pa mwinshi wakubalilapo no wakonkapo, basuka bafika pamwinshi wa cela uwakwingililamo mumusumba; kabili caiswike ici na ceka. Awe bafuma kabili baponena mu musebo apopene malaika amusha. ¹¹ Nomba Petelo pakubwelelamo umutima, atile, "Nomba nashibe cine cine ukuti shikulu acituma malaika wakwe kukupususha mu minwe yakwa Helodi, nakufintu fyonse abantu bakwa Yuda balecetekela ukucita." ¹² Ilyo ashininkishe ifi, alungama ku ng'anda yakwa Maria nyina wakwa Yoani, kabili uwitwa Mako uko abantu abengi balongene kukupepa. ¹³ Cilya akonkosha pa mwinshi wa mpongolo, awe umukashana umubomfi ishina lyakwe ni Roda aileko ku kwasuka. ¹⁴ Cilya aishiba ishiwi lyakwa Petelo, taiswile ku cibi pamulandu wansansa, 'nipali ici, aishile alebutuka mu muputule; ayabeba ukuti Petelo naiminina pa mwinshi. ¹⁵ Eico batile kuli ena, "naupena." Lelo ena abikilepo fye ukuti nifyo fine ali. Batile, "Nimalaika wakwe." ¹⁶ Lelo Petelo ena abikilepo fye ukukonkosha, kabili ilyo baisulako icibi, awe bamumona kabili cabapesha amano. ¹⁷ Petelo abakapishe kukuboko pakuti batalale, kabili alabashimikila ifyo shikulu amufumishe mu cifungo. Atile, "Fisheni insebo ya ifi fintu kuli Yakobo naba bwana nyina." Elyo afumako aya nakuncende imbi. ¹⁸ Nomba cilya bwaca, abashilika basakamikwa nganshi pafyaciutike kuli Petelo. ¹⁹ Panuma Helodi amufwaile no kumusanga iyo, kanshi epa kulubulwisha aba linshi kabili apingula no kuti babepaye. Elyo afuma mu Yudeya na ku Kesalia nokuyaikala kulya. ²⁰ Nomba Helodi alifulilwe abantu bamu Tuli nabamu Sidoni. Elyo nabena baile kuli ena necintu cimo, banashanasha Blasti, pantu ewali inkonkani ya mufumu, ukuti abafwe, baipwishe pamutende pantu icalo cabo calepoka ifyakulya ku calo ca mfumu. ²¹ Pabushiku ubwa sontelwe Kelodi afwala ifyakufwala fyabufumu kabili aikala napa cipuna cakwe icabufumu; noku sosa kuli bene. ²² Kabili abantu balasowesha abati, wasosa fye kwati mulungu, taulesosa nga umuntu!" ²³ Apopenefye malaika wakwa shikulu alimuma, ico ashapele ubukata kuli Lesa; kabili imyambo yali mulya asuka afwa. ²⁴ Lelo icebo cakwa Lesa caile cilelundulukilakofye nokulundwapo. ²⁵ Eico ilyo Banaba na Sauli bapwile umulimo wabo, awe babwelelemo ku Yelusalemu, basenda na Yoani, kabili uwitwa Mako.