¹ Nomba abatumwa naba bwananyina abali mu Yudeya baumfwile ukuti abena fyalo nabena naba pokelela icebo cakwa Lesa. ² Ilyo Petelo ailefika ku Yelusalemu, bonse aba kwi bumba lyaba sembululwa balamumanya; ³ Batile, "iwe waisanshishe nabaume abashasembululwa no kulya nabo!" ⁴ Nomba Petelo atendeke ukulondolola umulandu kuli bene mukushika ati, ⁵ "ine nali mumusumba wa Yopa ndepepa, kabili namwene icimonwa ca cisuuma cileisa, kabili calemoneka nge nsalu iikalamba icalekwako ukufuma ku mulu pa fifuti fine. Caikile kuli ine. ⁶ Nalicilolekeshe no kutontokanya pali cena. Namonampo inama isha molu-yane isha pesonde, ifiswango, inama ishikulika, ne fyuni fya mu lwelele. ⁷ Elyo naumfwile iyshiwi lyanjeba ati, 'ima, Petelo, ipaya no kulya. ⁸ Natile, awe tefyo, mwe shikuliu; pantu takuli icisha sangululwa nangu icakowela icaingila mukanwa kandi.' ⁹ Lelo ishiwi lyanjaswike ukufuma mu mulu nakabili aliti, ifyo Lesa asangulula, iwe witila icakowela? ¹⁰ Ici cacitike imiku itatu, kabili nomba fyalibwelele mumulu nakabili. ¹¹ "Moneni, apopene paiminine abaume batatu kuntanshi ya ng'anda apo twali; abatuminwe kuli ine ukufuma ku kaisale. ¹² Umupashi wankonkomeshe ukuya nabena, nokuti teti mpange ukulekana muli bene. Aba bamunyinefwe mutanda twaile nabena, ¹³ kabili twaingile mu ng'anda ya muntu ulya. Kabili alatushimikila ifyo amwene malaika naiminina mu ng'anda mumwakwe nokutila, 'tuma abantu ku Yoba abakuti bayeita Simoni uo batila Petelo. ¹⁴ Ena eukasosa kuli imwe imbial iyo mukapusukilamo-iwe nabonse aba mung'anda yobe.' ¹⁵ Cilya fye natampa ukusosa kuli bene, awe mupashi wamushilo waishile palibea, nga filya fine cali pali ifwe mukutendeka. ¹⁶ Awe naibukishe ne fyebo fyakwa Shikulu, ifyo asosele ati, 'Yoani icine cine alebatisha kumenshi, lelo imwe mukabatishiwa ku mupashu wamushilo.' ¹⁷ Nomba nga Lesa apela kuli bene ubupe bumo bwine nga fintu apele kuli ifwe ilyo twasumine pali shikulu Yesu Kristu, nine nani, ukuti ningapinkana na lesa?" ¹⁸ Ilyo baumfwa ifi fintu, tabasosele nangu cimo, lelo bacindike Lesa kabili batile, "kanshi Lesa napele cilapilo ca mweo kubena fyalo nakabili." ¹⁹ Nomba abo abasalanganiwe paku pakaswa uko kwaiminine pali Stefani kwalifungulwike ukufika ku Fionike, ku Kuplo, na Antioke, tabalelanda icebo kubantu bambi kano kuba Yuda beka. ²⁰ Lelo pali abo, bamo bantu ba ku Kuplo na ku kuleni, abaishile ku Antioke nakabili no kusosa kubena fyalo, kukubila kuli bene imbila nsuma yakwa shikulu Yesu. ²¹ Kabili ukuboko kwa kwa Shikulu kwali pali bene; awe abantu abengi basumina no kubwekela kuli shikulu. ²² Iyi imbila yafikile na kumatwi yabakalamba bamulukuta lwa mu Yelusalemu, kabili bena batumine banaba ukuya ku Antioke. ²³ Kabili ilyo afikileki no kumona ukusenamina kwa kwa Lesa, awe alisansamwike kabili abakoselesha bonse ukwikalilila kuli shikulu ne mitima yabo yonse. ²⁴ Pantu ena muntu umusuma kabili uwaisulamo na umupashi wamushilo elyo kabili uwatetekela, na bantu abengi bailundile kuli shikulu ²⁵ Banaba elyo aya ku Taso kukufwaya Saulo. ²⁶ Cilya amusanga, amuleta ku Antike. Caishileba ukuti pa mwaka onse balelongana capamo naba lukuta kabili balefunda abantu abengi. Kabili ni mu Antioke emo babalilepo ukulaita abasambi ati abena Kristu. ²⁷ Nomba munshiku ishi bamo bakasesema bafumine ku Yelusalemu no kuya ku Antioke. ²⁸ Umo pali abo, ishina lyakwe ni Akabu, alimine no kulangilila mu mupashi ukuti icipowe cikalamba acilesungamika ukwisa pacalo conse. Kabili ici caishile citika mu nshiku shakwa Klaudi. ²⁹ Eico abasambi, cila muntu apo akwatile, batile twalatuma umusangulo kukwafwilisha ababwananyina mu Yudeya. ³⁰ Bacitile ici, batumine indalama kuba kalamba no kupeela Banaba na Sauli.