¹ We Teophila ngelyashi nalembele pakubeba nalandile pafyo Yesu atendeke ukucita nokufunda. ² Mpaka nobushiku asendelwe, panuma yakukonkomesha ukupitilila muli mupashi wa mushilo ku batumwa abo asalile. ³ Panuma ya kucula kakwe ailangile uumwine umumi kuli bene, nefishibilo fyakushininkisha. Pa nshiku amakumi yane amonekele kuli bene kabili alandile palwa bufumu bwakwa Lesa ⁴ Ilyo alekumana nabo capamo abakonkomeshe ukukana fua mu Yelusalemu, lelo ukupembela ubulayo bwakwa Tata, paco alandilepo ⁵ ukuti, "mwalyumfwile kuli ine ukuti Yoani icine abatishe na menshi, lelo mukabatishiwa muli mupashi wa mushilo munshiku fye ishinono." ⁶ Ilyo balongene capamo balimwipusha "shikulu bushe iyi enshita ukabwekeshapo ubufumu ku Israeli?" ⁷ Atile kuli bene, "Tacili cenu ukwishiba inshita atemwa inshita sha fintu isho tata apanga ukufikilisha mu maka yakwe. ⁸ Lelo mukapokelela amaka ilyo mupashi wa mushilo aisa pali imwe kabili mukaba inte shandi mu Yelusalemu namu Yudea yonse namu Samaliya, na kumpela yesonde." ⁹ Ilyo shikulu Yesu alandile ifi fintu lintu balelolesha kumulu, alimishiwe mumulu, ne kumbi lyali mufisa kumenso yabo. ¹⁰ Ilyo bacili nabatonta amenso ku mulu lintu aleya, mukwangufyanya abaume babili baiminine palya nabo mu fyakufwala ifyabuta. ¹¹ Batile, "imwe mwebena Galili ninshi mwaiminina pano mulelolesha mu mulu? Uyu Yesu uwasendwa ku mulu, akabwela mu nshila imo ine mwamumwenamo aleya mumulu." ¹² Elyo babweelamo ku Yelusalemu ukufuma ku lupili ukwitwa Olifeti, ulwaba mupepi na Yelusalemu, ubulendo bwapa sabata. ¹³ Ilyo bafikile, baile mu muputule wapa mube umo baikele. Bali Petelo, Yoani, Yakobo, Andeleya, Filipo, Toma, Batulumeo, Mateo yakobo mwana Alipakushi Simoni umu Silotina Yuyda umwana wakwa Yakobo. ¹⁴ Bonse bali abaipelesha no buyo bumo mwipepo, pamo naba namayo, na Maria nina wakwa Yesu, na ba munyina. ¹⁵ Muli shilyanshiku Petelo aiminine pakati kaba munina, abali abantu 120, elyo atile, ¹⁶ "Bamuninane, cali ukuti amalendo yafikilishiwa, ifintu mupashi wa mushilo asosele kale muli Dabidi ifikumine Yuda, uwatungulwile abo abaikete Yesu, ¹⁷ Pantu ali umo pali baifwe no kupokelela icakaniko ca uyu mulimo." ¹⁸ (Nomba uyu muntu ashitile ibala kufyo anonkele mu milimo ya lubembu no kupona mukuloshapo umutwe, no mubili wakwe walipepuka, na mala yakwe yonse yapongoloka. ¹⁹ Bonse abekashi bamu Yelusalemu baumfwile palwa ici, erco baitile lilya ibala mu lulimi lwabo "Akedama," Emukuti "Ibala lya mulopa.") ²⁰ "Pantu calilembwa mu malumbo, 'lekeni ibala lyakwe libe ilyalekeleshiwa, kabili mwisuminishiwa umuntu nangu umo ukwikalamo," 'Lekeni umuntu umbi asende icifulo cakwe icabu tungulushi.' ²¹ Calinga eico ukuti umo pali abo abatukonkele inshita yonse shikulu Yesu ali pakati kesu, ²² Ukutampilafye pa lupatisho lwakwa Yoani ukufika napa bushiku aimishiwe uku fuma pakati kesu, abe imboni pamo naifwe pa kushukuka kwakwe. ²³ Babikile abaume babili pa ntanshi yosefe uwitwa Basaba, uwaleitwa nokuti Yasitu, na Matia. ²⁴ Ba pepele nokuti, "we shikulu, walishiba imitima ya bantu bonse eico sokololeni pali aba babili uo musalile. ²⁵ Ukusenda icifulo mu mulimo no butumwa kucoYuda afumineko no kuya ku ncende yakwe umwine." ²⁶ Bapendulwile pali bena, ne cipendulwilo caponene pali Matia, apendelwa napa batumwa ikumi na umo.