¹ Alandile kuli bena," micine nkolanda kuli imwe, pali bamo pabenine pano abashakafwe mpaka bakamone ubufumu bwakwa Lesa bwaisa mu maka.'' ² Papitile inshiku umutanda, Yesu asendele Petelo na Yakobo na Ywane pamo nankwe pamulu walupili, bali abene beka. Elyo ayalwike pamenso yabo. ³ Ifyakufala fyakwe fyali ifya beka kabili ifya buta, ukubuta ukwacila pakubuta konse pano pa calo. ⁴ Efyo Eliya na Mose amonekele kuli bena, kabili balanda na Yesu. ⁵ Petelo alandile kuli Yesau,'' Kafundisha, chawama kuli ifwe ukuba pano, no kutila tupange inkambi shitatu, imo ibe yobe, imo yakwa Mose, elo imo yakwa Eliya.'' ⁶ (Pantu taishibe icakusesa, pantu balitinine.) ⁷ Ikumbi lyaishile no kubakupilikisha. Elyo ishiwi lyafumine mwikumbi,''Uyu emwana uwatemwikwa. Umfweni kuli ena, ⁸ Muku kana enekela, ilyo bafwailikishe tabaishile mona nangu umo, lelo palifye Yesu eka. ⁹ Lintu baleisa panshi ya lupili, alibakonkomeshe kukana eba nangu umo ifyo bamwene, mpaka ilyo umwana wamuntu akabuka ukufuma kumfwa. ¹⁰ Kanshi basungile ili lyashi kubene beka, lelo balikulanshanya pakati kabo, ngo,'' ukwima kubafu kule pilibula. ¹¹ Baishile mwipusha abati, '' Cinshi bakalamba balandile ati Eliya akabalilapo ukwisa?'' ¹² Alandile ku bena,'' Eliya aishile muku balilapo mukubwesha ifintu fyonse. Cinshi nomba calembelwo ati umwana umuntu ifile ukucula ifintu ifingi no kusulwa? ¹³ Lelo ndemweba nati Eliya alisa, elyo bacitile conse ico batemenwe kuli ena, ngefyo calembwa pali ena.'' ¹⁴ Ilyo baishile ku basambi, bamwene cinkupiti wa bantu nabashinguluka, na bakalemba baletalikana na bena. ¹⁵ Ilyo line bamwene Yesu, cinkupiti yonse yalipapile elyo ba butukile kuli ena no kumuposha. ¹⁶ Aipwishe abasambi bakwe'' Pafinshi muletalikana nabena.'' ¹⁷ Umo mu cinkupiti aishele mwasuka'' Kafundisha, nacileta umwana wandi kuli imwe. Alikwata ngulu iyi mulenga ukana landa. ¹⁸ Ilamufulumfusha no kumuposha panshi no kumupanga icite ukuisumanya ameno no kukosa. Naipwishe abasambi benu ukuitamfya, lelo nabafilwa.'' ¹⁹ Abaswike'' Inkulo itasumina nkekala naimwe ukufika kunshita nshi? nkashipikisha naimwe ukfika kunshita nshi? Muleteni kuli ine.'' ²⁰ Baletele umulumendo kuli ena. Ilyo ingulu yamwene Yesu, apopene yamuposele mu kumulumfusha. Umulumendo aponene panshi ne cite kukanwa. ²¹ Yesu aipwishe wishi,'' Papita inshita shinga apo abela ifi?'' Wishi ayaswike, '' Ukutampa kubwaice bwakwe. ²² Ilingi line cilamuposa mu mulilo nangu mu menshi nokufwaya ukumonaula. Ngakuli ifyo mwingacita, tumfwileni uluse no kutwafwa.'' ²³ Yesu alandile kuli ena,'' Ngakuti wala kwanisha? Ifintu fyonse filacitika kuli abo abasumina.'' ²⁴ Apopene na wishi wamwana alilile no kulanda'' Ninsumina! Ngafweni mukukana sumina!'' ²⁵ Ilyo Yesu amwene cinkupiti cilebutukila kuli bena, akalipile ingulu no ku landa no kumfwa, na kukonkomesha, ukufuma muli ena, no kukana bwwlele muli ena nakabili.'' ²⁶ Ingulu yapundile no kufulunsha umulumendo. Umulumendo amoneke kwati nafwa, na bengi balandile '' ati nafwa.'' ²⁷ Elyo Yesu amubulile no kuboko kwakwe, no kumwimya no mulumendo ali iminina. ²⁸ Ilyo Yesu aishile mu ng'anda, abasambi bwakwe bamwipwishe mufisolo,'' Cinshi ifwe twacifililwa ukufumya?'' ²⁹ Alandile kuli'' Uyu musango teti ufume kano namapepo.'' ³⁰ Baendele ukufuma kulya, no kupita mu Galilee. Talefaya umuntu nangu umo eshibe uko bali. ³¹ Pantu alefunda abasambi bakwe. Alandile kuli bena,'' Umwana wa muntu akapelwa mu minwe ya bantu, elo bakamwipaya. Ilyo bakamwipaya, panuma ya nshiku shitatu, akema nakabili.'' ³² Lelo tabaumfwile umo calolele, ico bali no mwenso wakwipusha. ³³ Elyo baishile ku kapanaumu panuma aingile mung'anda abepwishe, '' Finshi mwacilalanshanya munshila?'' ³⁴ Lelo balikutumene pantu baletalikana abene beka, uwali umukulu pali bena. ³⁵ Aikele panshi, aitile abekumi nababili elo alandile kuli bena,'' Ngakuli ulefwaya ukuba uwantanshi afwile aba uwakulekelesha pali bonse nokuba umu bomfwi wa bonse.'' ³⁶ Abulile umwana umu nono nokumubika pakati, elo amubika muminwe yakwe, elyo alandile kuli bena,'' ³⁷ uyo onse uwa pokelela ine tapokelele ine neka lelo no wantumine. ³⁸ Yohane asosele kuli ena,'' Kafundisha twalimona umuntu umo eletamfya ingulu mwishina lyenu, elyo twali mukanya, pantu talekonka ifwe.'' ³⁹ Lelo Yesu alandile,'' tamumfwile ukumukanya pantu takuli nangu umo uwinga cita imilimo iikulu mwishina lyandi kabili apopene asosa ukulanda ukubi bali ine.'' ⁴⁰ Uyo onse ushitalikana naifwe ninshi alinaifwe. ⁴¹ Uyo onse uwakupela kapu yamenshi ukukunwa mwi shina lyandi pantu baba na krisitu, ndelanda mucine kuli imwe, ena takalufye icilambu cakwe. ⁴² Uyo onse uwalenga umo pa bana ba aba nono abasumina ine ukuletenta camuwamina uyo muntu ukukakwa ilibwe ilikulu mumu koshi nokuposwa muli bemba umukulu. ⁴³ Ukoboko kobe nga kwalenga ukutelententa, ukuputuleko. Camuwamina ukwingila mumweo namakunkutu ukucila amaboko yabili no kuya kumbo, kumulilo ushishima ⁴⁴ . ⁴⁵ Nga ulukasa lwakulenga uku telenteta uluputule. Cawama ukwingila mumweo umulema ukucila namolu yabili nokuposwa kumbo ⁴⁶ . ⁴⁷ Ngailinso lyakulenga ukutelententa ulitule. Cawama kuli iwe ukwingila mubufumu bwakwa Lesa ne linso limo ukucila amenso yabili nokuya kumbo, ⁴⁸ uko umu titi ushifwa no mulilo taushima. ⁴⁹ Pantu onse akabikwamo umucele wamulilo. ⁵⁰ Umucele wali wama, lelo umucele nga walufya ubusuma, bushe kuti waba nakabili umucele? Kwateni umucele pakati kenu, nokukwata umutende umo no munankwe.