¹ Nakabili aendawike mu sinagoke mwaliko no mwaume uwalemana ukuboko. ² Nabantu bamo bamo bamupalamina bakomulolesha ngakuti aposho umulwele pabushiku bwesabata pakuti bamupe imilandu. ³ Yesu alanda kumwaume uwa lemana ukuboko, ''ukutila ati ima no kwiminina mukati ka bantu bonse,'' ⁴ Elyo alanda kubantu, ''bushe chalilinga ukuchite ichisuma pabushiku bwe sabata nangu ukuchita icibi; ukupususha umweo namgula ukwipaya?'' lelo baikele tondolo. ⁵ Alibaloleshe pali bena nobukali, elyo akalipe palibukosa mutima, atile ku mwaume, ''Tambulula ukuboko kobe,'' alitambulwile, noku boko kwalyololweke. ⁶ nabafarise lilyaline baya mukulasoshanya nabena helodian pafyo bengamwipaya. ⁷ Elyo Yesu, nabasambi, baile kuli bemba, nebumba ilikalamba ilya bantu lyalimukokele ilyafumine ku Galile naku Yudea ⁸ naku Yelusalemu naku idumea namonse mu Yordan nokushunguluka Taila na Sidon. Pakumfwa fyonse efyobalecita ibumba likalamba lyaisa kuli ena. ⁹ Aipusha abasambi ukumupekanisishako ubwange ubunono pamulandu webumba, ukuti talimutitikishe. ¹⁰ Pantu aposeshe abengi, ichakuti onse uwalechululushiwa alekabila sana ukumukumya. ¹¹ Ilyo lyonse imipashi iyakowela yamumona, yaleponena panshi paliwene nokulila, ati, ''Uli Mwana wakwa Lesa.'' ¹² lelo aleshikokomesha ukukana musokolola. ¹³ Aile nokunina ulupili, kabili aitile bonse abo alekabila, nabo baishile kuli ena. ¹⁴ Asontele abali abekumi nababili (abo ainike Abasole), pakukuti baleba nankwe nokwisa batuma mukubila imbila, ¹⁵ nokubapela amaka ayaku tamfye ngulu. ¹⁶ Asontele abekumi: simon, kuli ena amwinike Petelo; ¹⁷ Yakobo umwana zebede, elo Yoani munina wakwa Yakobo, kulibena abenike amashina Boanege, ekutila, uwakalipa nge nkuba; ¹⁸ elo Andeleya, Filipo, Batulomeo, Mateo, tomas, Yakobo mwana Alufeyasi, Tandeo, Simon waku Zilot, ¹⁹ naYuda Eskaliot, uwali nokumushitisha. ²⁰ Elyo abwelele ku ng'anda, nebumba lyaisa capamo nakabili, chalengele nokutila bafilwa nokulya umukate. ²¹ Elyo balupwa baumfwile pali ici, icalechitika baile kuli ena nokumukanya nokulanda ati alifulungna.'' ²² Baka fundisha bamafunde abafumine ku Yelusalemu ba sosele, ''Aliba nomupashi wakwa Beosababu,'' elo, ''Necitungulula ingulu eco atamfishamo ingulu.'' ²³ Yesu abakutile kuli ena nokulandila kuli bena mumilumbe, ''Bushe satana kuti afumya shani satana? ²⁴ ingo bufumu bwa akanikanamo ubwine, bulya ubufumu teti bwiminine. ²⁵ inge in'ganda ya akanikanamo ine, ilya in'ganda tekuti iminine. ²⁶ Nga Satana aimina umwine elyo ayakanyamo umwine, tekuti eminine, lelo naisa mu kupwa. ²⁷ Takuli nangu umo uwingengila mung'anda yawamaka nokumwibila ifipe fyakwe ukwabulo ukumukaka pakubala, elyo mwingamupoka ifipe. ²⁸ Mucine inkomyeba, shonse impulumushi shabana babantu shikelelwa, nashonse imiponto ishobalanda, ²⁹ lelo abo bonse abapontela mupashi wamushilo tabakabelelwe, lelo bakaba nokushininwa kwa lubembu umuyayaya,'' ³⁰ Yesu asosele ici pamulandu nefyo balesosa, ''uktila aba nomupashi uwakowela,'' ³¹ eyo banina nabawabo baishile imakana panse. Batumine uwakubetilako. ³² Kabili ibumba lyaikele nalimushinguluka no kusosa kuli ena, ''banoko naba wenu bali panse, balekufwaya.'' ³³ Alibaswike ati, bamayo naba wesu nibani?'' ³⁴ Aloleshe pali bonse abaleikala noku mushungulika nokutila, ''Moneni, aba ebamayo naba wesu! ³⁵ Bonse abakocita efyo lesa afwaya, abo bantu ebawesu, nabankashi, elo nabamayo.''