¹ Uku ekutampa kwambila nsuma yakwa Yesu Kristu, umwana wa Lesa. ² Ngefyo calembwa muli Esaya kasesema, "Bona, nkantuma inkombe kucinso cobe, uukakupenisha inshila yebe. ³ Ishiwi lya umo ukokuta mumatololo, 'Pekanyeni nshila yamfumu; olololeni inshila shakwe.''' ⁴ Yohane aishile, akobatisha mumatololo nokufunda ulubatisho lwa kulapila no kwelelwa amasambi. ⁵ Icalo conse ca Yudeya na bantu bonse abamu Yerusalemu baishile ukufuma kuli ena. Balebatishiwa kuli Yohane mumulonga wa Yolodani, nokuyebelela amasambi yabo. ⁶ Yohane alikufwala insalu iyapikwilwe na masako yangamila elo nomushipi uwampapa mumusana wakwe, kabili alelya makanta no buci bwamumpanga. ⁷ Alikubila ati, ''Umo ali nokwisa panuma yandi uwa kwati sha amaka ukucila nebo, intambo sha pansapato shakwe nshalinga nokufukamina nokukakula. ⁸ Nebo nkomibatisha kumenshi, nomba ena akamibatisha ku Mupashi wa Mushilo.'' ⁹ Caciticile munshiku shilya Yesu alishile ukufuma mu Nasaleti uwa mu Galileya, nokubatishiwa kuli Yohane mumulonga wayolodani. ¹⁰ Kabili ilyo Yesu atapwike mumenshi, abwene imyulu yaisulwa no Mupashi waicile pali ena wali nge inkunda. ¹¹ Ne shiwi lyalishile ukufuma munyulu, ''nokutila niwebo mwana wandi uo natemwa. Nebo nsekelela muli webo,'' ¹² Elyo asendelwe kuli Mupashi no ku twalwa mumatololo. ¹³ Aikele mutololo panshiku amakumi yene, nokulatunkwa kuli Satana. Ali pamo nenama shamumpanga, lelo ba Malaika balemubombela. ¹⁴ Nomba panuma yohane bamwikata, Yesu aishile ku Galileya ako bila imbila nsuma yakwa Lesa, ¹⁵ asosele ati, ''inshita ilifikile, nobufumu bwakwa Lesa buli mu pepi. lapileni nokusumina mu mbila nsuma.'' ¹⁶ llyo ale enda kumbali yakubemba wa Galileya, abwene Simone na Andeleya wabo Simoni baleposa isumbu muli bemba, Ico bali bapalu besabi. ¹⁷ Yesu asosele kuli bena ati, '' Iseni, nkonkeni, kabili nalamisangula abapalu besabi,'' ¹⁸ Mukwangufyanya bashile amasumbu yabo nokumukonka. ¹⁹ Ilyo Yesu aendeleko panono, abwene Yakobo mwana Zebede na Yohane wabo, bali mubwange balelunda amasumbu. ²⁰ Alibetile nabo bashile wishi Zebede mubwange nabobomfi, bacilambu elyo bamukonka. ²¹ Kabili baishile mukanamu, elyo pe sabatayesu aile mwisinagoka nokulasambilisha. ²² Nabantu balepapa pamisambilisishe yakwe, ico alesambilisha ngomuntu uwakwata amaka ukuchila bakalemba. ²³ Ilyoline umwaume umo mwisinagoka lyabo uwali nomupashi uwakowela alepunda, ²⁴ aleti, ''finshi ulefwaya kuli ifwe, yesu waku Nasaleti? Waisamukutulofya? nikwishiba uliwamushilo wakwa Lesa!'' ²⁵ Yesu aukalipile umupashi nokutila ati, ''Talala nokufuma mumuntu!'' ²⁶ Umupashi wakowela wamuposelepanshi nokufumamo ninshi akopunda neshiwi ilikulu. ²⁷ Nabonse abantu balipapwike, elyo balaipushanya abati, ''Ngechi calola mwi? iyi mifundile ipya iyansambu?ena alekalipila nemipashi yakowela nayo ilemumfwila!'' ²⁸ Ilyashi pali ena lyasalangene mu nchende yonse ya galile. ²⁹ Pakufuma mwi sinagoka, bafikile ku nganda yakwa Simon na Andeleya, bali pamo na Yakobo na Yoani. ³⁰ Nomba nyinafyala wakwa Simon alilwele ne mpepo, nabo epakweba yesu palwa ena. ³¹ Nao alishile, amwikete ukuboko, nokumwimya; nempepo yamulekeleko, nao atampile nokubapekanisisha. ³² Muchungulo elyo akasuba kalewa, ku baletele kuli ena bonse abalwele nabalechushiwa nemipashi iyakowela. ³³ no musumba walongene capamo pamwinshi. ³⁴ Aleposha abengi ablwele amalwele ayapusanapusana nokufumya ingulu inshingi, lelo tasuminishe ingulu ukusosa pantu shali mwishibe. ³⁵ Alimine kumaca, ninshi kuchili ukwafita; alifumine nokuya kuchende ukwatalala noku pepa. ³⁶ Simon nabo ali nabo balemufwaya. ³⁷ Elyo bamusanga bamweba abati, ''Abantu bonse balekufwaya,'' ³⁸ Nao abeba ati, ''natuleya kumo, kunse ku nchende inshashunguluka kunse yamushi, pakuti njenamukusambilisha nakulya. Pantu echonaishile,'' ³⁹ Aile monse mu galile, aleshimikila muma sinagoka yabo nokulatafye ngulu. ⁴² Uwafibashi aishile kuli ena. Alemupapata; afukeme panshi nokulanda kuli ena, ''ngawatemwa kuti wansangulula.'' ⁴⁰ Aumfwile ulunse,Yesu aikete ukuboko kwakwe,nokusosa kuli ena,''nga nautemwa kuti wansangulula,''Aumfwile uluse,Yesu aikete ukuboko kwakwe,nokusa kuli ena,''Nintemwa .Ukupola.'' ⁴¹ Apo pene ifibashi fyalimulekele,nao alipolele. ⁴³ Yesu ali musokele nokumuleka aye. ⁴⁴ Amweba ati,''Shinikisha ukukana sosa ici conse ku uli onse, nomba kabiye,kailange wemwine kuli shimapepo, nokutula umutulo uo Mose akomailepo, ukupela ubunte ifyo naupola,'' ⁴⁵ Lelo afumine nokuya ale eba umuntu onse nokwakanya icebo icakutila ati na Yesu tekuti engile libili mumushi uli onse. Eicho aikele kuchende ukwabelama na abantu balesa uko ali ukufuma konse konse.