¹ Elyo Yesu asendelwe nomushi mumatololo kukutunkwa na ciwa. ² Ilyo alekele ukulya panshinku amakumi yane akasba no bushiku, ali nensala. ³ Awe katunka alishile no kulanda kuli yee, '' ngoli umwana wakwa Lesa, eeba aya mabwe yasanguke umukate. ⁴ Lelo Yesu ayasukila elo alanda kuli yee,'' calilembwe , ' umuntu tekalila kumukate epela, kano kwishiwi lyonse uafuma mukanwa kakwa Lesa.'' ⁵ Elyo ciwa amupitile kumusumba wamushilo no kumutwala pamulu wetempele , ⁶ elo alanda kuli yee , ''ngoli mwana Lesa , uipose panshi we mwine , pantu calilembwa aciti, ' Ena akeba bamalaika bakwe ukukubaka webo, elo.' bakakwimya muminwe yabo , pakutila webo taupunwine ulukasa kwibwe.'' ⁷ Yesu alandile kuli yee , '' Nakabili calilembwa, 'wilakwesha imfumu Lesa obe.'' ⁸ Nakabili, ciwa amupitile palupili ulutali elo amulangisha amabufumu yonse aya mu calo no bukata bwayako. ⁹ Elo alanda kuli yee , '' Ifi fyonse ifi fintu nkokupa, ngawaiponya panshi no nkupepa nebo.'' ¹⁰ Awe Yesu alandile kuli ye e ati, '' Kabuye fuma pano we ciwa! Pantu calilembwa ati, 'uli no kupepa imfumu Lesa obe elo no kumubmbela ena. ¹¹ Awe na ciwa alimushile, nomba moneni, bamalaika balishile no kumubombela ena. ¹² Lelo Yesu aumfwe ati, Yoani balimwikete, aile mu Galile. ¹³ Ena afumine ku Nazareti nokuya kwikala mu Kapenamu uwali pambali ya bemba wa Galile mu mpanga yakwa Zebuloni na Nafutali. ¹⁴ Ifi fyacitikile pakufikilisha fyalandile Esaya kasesema. ¹⁵ Impanga yakwa Zebuloni ne mpanga yakwa Nafutali , ukulola kuli bemba kwishilya iya Yodani! ¹⁶ Abantu abaikele mumfifi balimwene, ulubuto lukalamba, nabo abaikele mupaga namu finshinwa fyamfwa, palibo ulubuto lwalibasanikil ¹⁷ Ukufuma panshita ilya Yesu atampile ukushimikila nokulanda , '' lapileni, pantu ubufumu bwamumulu bukoisa mupepi. ¹⁸ Awe ena alikwenda mumbai ya bemba wa Galile abwene indume shibili, Simoni uwalikwitwa Petelo, na Andereya ndume Yakwe baleteya isumbu mumenshi, ico bali bashila. ¹⁹ Yesu alandile kulibo ati, '' Iseni, nkokeni , elo ndemicita abalondo ba bantu.'' ²⁰ Ilyo line bashile amasumbu nokumukonka. ²¹ Awe Yesu ulo aleyenda ena abwene indume shimbi shibili, Yakobo mwana Zebede, na Yoani ndume yakwe. nabo bali mubwato na Zebede wishi wabo bakolunda amasumbu yabo. Ena alibebele, ²² nabo ulolwine bashile ubwato elo na wishi nokumukonka. ²³ Yesu aleendauka monse mu Galile, alefunda mumasungoga yabo, alikubila mbilansuma yabufumu no kuposha amalwele yamisango yonse nabalwele abali mubantu. ²⁴ Ululumbi pali yee lwakumene monse mu Syria, na bantu baleleta kuli yee abo bonse abacula ukufuma kumalwele yapusana elo no kukalipwa nabo abali ne ngulu , nafunta, elo nababulebe. Yesu ali posha. ²⁵ Amabumba ayakuku yalimokonkele ukufuma ku Galile, ku Decapolis, na ku Yudea, noku bushilya bwa Yodani.